சக்சஸ் மீட்டர்: கடைசி பக்கக் கட்டுரை

கடைசி பக்கக் கட்டுரை எழுதுபவர்: இராம்குமார் சிங்காரம் தலைப்பு: நம்பிக்கை...அதுதானே எல்லாம்..! இந்த நூற்றாண்டி னுடைய மிகச் சிறந்த தன்முனைப்பு எழுத்தாளரும் விற்பனை ஆலோசகருமான Zig Ziglar சொல்கிற முக்கியமான சக்ஸஸ் உத்தி, Believe what you do.அதாவது, நீங்கள் எந்த வேலையைச் செய்தாலும், அதை ஆழமான நம்பிக்கையோடு செய்ய வேண்டும் என்பதுதான்.எடுத்துக்காட்டாக, எந்தப் பொருளை விற்றாலும், அந்தப் பொருளை நீங்கள் ஆழமாக நேசிக்கவேண்டும். ஒருவேளை, அந்தப் பொருளை பயனாளி வாங்கவில்லை என்றால், ‘‘அய்யய்யோ... வியாபாரம் போச்சே!’’ என்று நீங்கள் வருத்தப்படக்கூடாது.மாறாக, ‘‘அவர் நல்ல வாய்ப்பை இழந்துவிட்டார்!’’ என்று அவருக்காகப் பரிதாபப்பட வேண்டும். அந்த அளவுக்கு நீங்கள் விற்கிற பொருள் அல்லது நீங்கள் செய்கிற வேலை அடுத்தவருக்கு மிகப்பெரும் நன்மை பயக்க வேண்டும்.சாதாரண சமையலில் தொடங்கி, மிகப்பெரிய வியாபாரம்வரை எல்லாவற்றுக்குமான அடிப்படை முதலீடு அதன் மீதான உங்களுடைய ‘நம்பிக்கை’தான். அப்படி நம்பிக்கை கொள்கிறபோது, வார்த்தை வாயிலிருந்து வருவதில்லை. உங்கள் உள்ளத்திலிருந்து வரும். அது மிகவும் வீரியமிக்கது.‘மைக்ரோசாஃப்ட்-ன் MS Word, MS Excel உள்ளிட்ட சாஃப்ட்வேர்கள், மக்களின் வேலைப்பளுவை வெகுவாகக் குறைத்து, அவர்களின் வாழ்க்கைத் தரத்தை உயர்த்தும்’ என்று பில்கேட்ஸ் நம்பினார்..‘நானோ கார், நடுத்தர மக்களின் அந்தஸ்தை உயர்த்தி, வெயில், மழை போன்ற இயற்கை இடர்களிலிருந்து அவர்களைக் காத்து, அவர்களுடைய அன்றாட வாழ்க்கையை வேகமாக முன்னெடுத்துச் செல்ல உதவும்’ என்று ரத்தன் டாடா நம்பினார்.இப்படி வெற்றி பெற்ற எல்லா பொருள்களுக்குப் பின்னாலும், அந்தந்த நிறுவனர்களின் நம்பிக்கையே மூலதனமாக இருந்தது.இப்போது நீங்கள் செய்கிற வேலை அல்லது நடத்துகிற வியாபாரம் பற்றி சற்று யோசித்துப் பாருங்கள்... அது பிறருக்கு நிச்சயம் நன்மை பயக்கும் என்ற நம்பிக்கை உங்களுக்குத் தோன்றுகிறதா?தோன்றினால், நீங்கள் சரியான பாதையில் செல்கிறீர்கள்! தோன்றவில்லை என்றால், செய்கிற வேலையை அல்லது புரிகிற தொழிலை உடனடியாக மாற்றிவிடுங்கள்.வெற்றிக்கு முக்கியமான ஃபார்முலா, Believe what you do; Do what you believe என்பதுதான்!

சக்சஸ் மீட்டர்: கடைசி பக்கக் கட்டுரை

Related Stories