சந்திரனில் சிவசக்தி!

இந்திய விண்வெளி ஆராய்ச்சி நிறுவனமான ‘இஸ்ரோ’வின் சாதனை மகத்தானது. நிலவுக்கு விண்கலத்தை அனுப்பிய நான்காவது நாடு என்பதுடன் மற்றொரு சாதனையையும் ‘சந்திரயான் - 3’ படைத்திருக்கிறது. ‘சந்திரனின் தென் துருவத்தில் விண்கலத்தை இறக்கிய முதல் நாடு’ என்ற பெருமைதான் அது!‘சந்திரயான் - 3’ நிலவில் காலடி வைப்பதற்கு முந்தைய நிமிடங்கள் பரபரப்பானவை, பதற்றமானவை. அதுவும் ‘சந்திரயான் - 2’ இறுதி நேர சிக்கலினால் நிலவில் இறங்க முடியாமல் போனதும், சில நாட்களுக்கு முன்பாக ரஷ்யா இதுபோன்ற முயற்சியில் இறங்கியபோது அதன் விண்கலம் சிதறியதும் நம்முடைய தவிப்பை அதிகமாக்கியது உண்மை. அந்த நொடிகள் தொலைக்காட்சியில் ஒளிபரப்பப்பட்டபோது வேறு விஷயம் நம் கவனத்திலிருந்து தப்பவில்லை. இஸ்ரோ.கவனத்திலிருந்து தப்பவில்லை. இஸ்ரோவிஞ்ஞானிகள் குழுவில் கணிசமாகக் காட்சியளித்தார்கள் பெண்கள்!இஸ்ரோ பெண் விஞ்ஞானிகளின் மகிழ்ச்சியான புகைப்படத்தை தம்முடைய இன்ஸ்டாகிராம் பக்கத்தியில் வெளியிட்டுள்ள நடிகை கங்கனா ரனாவத், ‘இவர்கள் இந்தியாவின் தலைமை பெண்விஞ்ஞானிகள். புடவை, பிந்தி, சிந்தூர், திருமாங்கல்யம் அணிந்தவர்கள். இவர்கள்தான் இந்தியாவின் உண்மையான திலகங்கள்!’ என்று குறிப்பிட்டிருக்கிறார்.வனிதா முத்தையா, ரீது கரிதல், நந்தினி ஹரிநாத், லலிதாம்பிகா, மௌமிதா தத்தா, மினால் ரோஹித் என்று நீள்கிறது இந்த ‘ராக்கெட் பெண்களின்’ வரிசை!சந்திரயான் சாதனைகளுக்குப் பின்னால் விக்ரம் சாராபாய், அப்துல்கலாம், சிவன், வீரமுத்துவேல் உள்ளிட்ட பலரின் எண்ண ஓட்டங்களும் திட்டமிடல்களும் இருந்திருக்கின்றன. தமிழர்களின் பங்கு இதில் கணிசமாக இருக்கிறது என்பது ஒருபுறம் இருக்க, தமிழ் மண்ணுக்கும் இதில் தனிப்பங்கு உண்டு என்பது சிலிர்க்கவைக்கும் உண்மை!தமிழகத்திலுள்ள நாமக்கல்தான் இஸ்ரோவுக்கு சோதனைக்கான மண்ணை அளித்துள்ளது. அதாவது, அந்த மாவட்டத்திலுள்ள மண்டலப்பகுதி, சந்திரனில் உள்ள தளத்தை போலவே அதிகம் ஒத்திருப்பதால் அதைக் கொண்டு சோதனை நடத்தியிருக்கிறார்கள்.‘‘நிலவில் ‘சந்திரயான் - 3’ இறங்கிய பகுதி ‘சிவசக்தி முனை’ என்று அழைக்கப்படும்!’’ என்று பெங்களூருவில் பிரதமர் நரேந்திர மோடி கூறியுள்ளதை இந்திய மகளிரின் சாதனைகளுக்கான ஓர் அங்கீகாரமாகக் கருதலாம்!.‘சிவன்’ என்பதில் மனிதகுல நலனுக்கான தீர்மானம் உள்ளது என்றும் ‘சக்தி’ என்பதில் அந்தத் தீர்மானங்களை நிறைவேற்றும் பலம் இருக்கிறது என்றும் அவர் விளக்கமளித்தார். கூடவே இமயம் முதல் குமரி வரை உள்ள ஒருங்கிணைப்பையும் ‘சிவசக்தி முனை’ உணர்த்துகிறது என்றார். ஆணும் பெண்ணும் தோளோடு தோள் கொடுத்து நின்றால், எல்லையற்ற சாதனைகள் புரியலாம் என்பதற்கான அடையாளமாகக்கூட ‘சந்திரயான் _ 3’யின் சாதனை விளங்குகிறது எனலாம்! .சந்திரயான் கடந்து வந்த பாதை!சந்திரயான் -1 2008 ஆகஸ்ட் 28 அன்று பூமியிலிருந்து கிளம்பியது. 77 நாட்களுக்குப் பிறகு நிலவை அடைந்தது. நிலவைச் சுற்றி வந்து, 312 நாட்கள் ஆய்வு செய்தது. அப்போது, நிலவின் மேற்பரப்பில் பனிக்கட்டி வடிவில் நீர் இருப்பதை உறுதிப்படுத்தியது. இது ஒரு முக்கியமான கண்டுபிடிப்பு.சந்திரயான் - 2 2019 ஜூலை 22 அன்று விண்ணில் ஏவப்பட்டது. இது, நிலவின் தென் துருவத்தில் ஆய்வு செய்வதற்காக செலுத்தப்பட்ட ஒன்று. நிலவின் சுற்றுப் பாதையை சரியாகவே சென்றடைந்த போதிலும், தொழில்நுட்பக் கோளாறுகள் காரணமாக அந்த விண்வெளிக் கப்பலின் ‘லாண்டர்’ என்கிற பாகம் தரையிறங்காமல், நிலவில் மோதி செயலிழந்தது.சந்திரயான் - 3விண்கலம் ஸ்ரீஹரிகோட்டாவிலிருந்து கடந்த ஜூலை 15ஆம் தேதி மதியம் 2:35 மணிக்கு விண்ணில் செலுத்தப்பட்டது. புறப்பட்ட 16 நிமிடங்களில், திட்டமிட்ட புவி நீள்வட்ட சுற்றுப்பாதையில் வெற்றிகரமாக நிலைநிறுத்தப்பட்டது. ஆகஸ்ட் 23 அன்று நிலவை ‘சந்திரயான்-3’ சென்றடைந்தது. இந்த விண்கலமானது நிலவை 40 நாட்களில் அடைந்தது.. ‘சந்திரயான் - 3’ வெற்றியை கொண்டாடும் வகையில் ‘ஓணம் பண்டிகை’க்காக போடப்பட்ட அத்தப்பூ கோலங்களில் சில... - ஜி.எஸ்.எஸ்.