சீசன் ஸ்பெஷல்: மாங்காய், மாம்பழ ரெசிபீஸ்!

ர. கிருஷ்ணவேணிமுக்கனிகளில் முதலிடம் வகிப்பது மாங்கனிதான். 'மாதா ஊட்டாத சோற்றை மாங்காய் ஊட்டும்’ என்பார்கள். மல்கோவா, கிளிமூக்கு, பங்கனபள்ளி, அல்போன்சா, காசாலட்டு என மாம்பழங்களில் நூற்றுக்கும் மேற்பட்ட ரகங்கள் உள்ளன. மாம்பழங்களின் பூர்வீகம் இந்தியாதான்.உலகிலேயே இங்குதான் அதிகப்படியான மாம்பழங்கள் விளைகின்றன. நம் உடலுக்குத் தேவையான கால்சியம், பாஸ்பரஸ், சோடியம், பொட்டாசியம் உள்ளிட்ட சத்துகள் மாம்பழத்தில் அபரிமிதமாக உள்ளன. இதோ மாம்பழ சீசன் களைகட்ட தொடங்கிவிட்டது. நீங்களும்கூட மாங்காய், மாம்பழங்களில் விதவிதமான ரெசிபிகள் செய்து, சுவைத்து மகிழுங்கள்!.மாங்காய் ரெசிபிகள் ஆம்சூர் பவுடர்தேவையானவை: புளிப்பான மாங்காய் - 4, கருப்பு உப்பு - ¼ கப்.செய்முறை: மாங்காயை தண்ணீரில் ½ மணி நேரம் ஊறவைத்து, நன்றாக கழுவி துடைக்கவும். தோலுடனேயே விரல் நீள துண்டுகளாக்கி, வெயிலில் 5 நாட்கள் வைத்து எடுத்தால், கைகளால் உடைக்கும் பதத்தில் காய்ந்துவிடும். பின்னர் அதை மிக்ஸியில் போட்டு கருப்பு உப்பு சேர்த்து அரைத்து, நன்றாக சலித்து, காற்று புகாத பாட்டிலில் நிரப்பி வைக்கவும்.குறிப்பு: இந்தப் பொடியானது ஒரு வருடம் கெடாமலிருக்கும். ‘சாட்’ வகைகளுக்கு உபயோகிக்கலாம்..முரப்பாதேவையானவை: கெட்டி மாங்காய் - 4, சர்க்கரை - 4 கப், கிராம்பு - 10.செய்முறை: மாங்காயை தோலுடனே துருவிக்கொள்ளவும். 5 கிராம்புகளை மட்டும் பொடிக்கவும். சர்க்கரையுடன் 2 கப் தண்ணீர் சேர்த்து அடுப்பில் வைக்கவும். 1 கம்பி பதம் வரும்போது, கிராம்புத்தூள், 5 முழு கிராம்பு, மாங்காய்த்துருவல் சேர்த்து நன்றாக கிளறி, இறுகி வரும்போது அடுப்பை அணைத்து இறக்கவும்.குறிப்பு: ஃப்ரிட்ஜில் வைக்காமலே ஒரு வருடம் வரை கெடாமல் நன்றாக இருக்கும். இந்த முரப்பாவை சப்பாத்திக்குத் தொட்டுக்கொண்டால் சுவை அள்ளும்!.குஜராத் சுந்தாதேவையானவை: புளிப்பான மாங்காய்த்துருவல் - 4 கப், சர்க்கரை - 1 கப், உப்பு, மிளகாய்த்தூள் - தலா ¼ கப், மஞ்சள்தூள் -½ ஸ்பூன், வெந்தயத்தூள் - 1 ஸ்பூன்.செய்முறை: வாயகன்ற பாத்திரத்தில் அனைத்துப் பொருள்களையும் சேர்த்து, சுத்தமான கரண்டியால் நன்றாக கலக்கவும். மெல்லிய துணியால் மூடி, வெயிலில் 5 நாட்கள் வைக்கவும். அவ்வப்போது கிளறிவிடவும். சர்க்கரை உருகி, மற்ற பொருள்களுடன் கலந்து வரும்போது, சுத்தமான பாட்டிலுக்கு மாற்றி, காற்று புகாமல் வைக்கவும்.குறிப்பு: பூரி, சப்பாத்திக்கு ஏற்ற சைட்&டிஷ்!.பன்னாதேவையானவை: மாங்காய் - 2, சர்க்கரை - ½ கப், ஏலக்காய்த்தூள் - ¼ ஸ்பூன், சாட் மசாலா - 1 ஸ்பூன்.செய்முறை: குக்கரில்தண்ணீர்ஊற்றி, மாங்காய்களைதோலுடன்போட்டு, 3 விசில்வரும்வரைவேவைத்துஇறக்கவும். ஆறியதும், தோலைஉரித்து, கைகளால்நன்றாகபிசையவும். பின்னர் 3 கப்தண்ணீர், ஏலக்காய்த்தூள், சாட்மசாலா, சர்க்கரைசேர்த்துநன்றாககலக்கவும். பின்னர்அதைச்சுத்தமானபாட்டிலில்நிரப்பி, ஃப்ரிட்ஜில்வைத்து, தேவையானபோதுஎடுத்துபரிமாறவும்.ஆம் கி லௌஞ்சிதேவையானவை: தோல் நீக்கி நீளமாக நறுக்கிய மாங்காய்த் துண்டுகள் - 2 கப், வெல்லம் - ¼ கப், உப்பு - ½ ஸ்பூன், சீரகம், கடுகு, வெந்தயம், சோம்பு, வெங்காய விதைகள் - தலா 1 ஸ்பூன், மிளகாய்த்தூள், எண்ணெய் - தலா 2 ஸ்பூன், பெருங்காயத்தூள் - ¼ ஸ்பூன்.செய்முறை: மாங்காய்த் துண்டுகளை சூடான நீரில் போட்டு, 10 நிமிடம் மூடிவைக்கவும். வெறும் கடாயில் சீரகம், கடுகு, வெந்தயம், சோம்பு, வெங்காய விதைகளை வறுத்து, பொடிக்கவும். கடாயில் எண்ணெய் விட்டு, மாங்காய்த் துண்டுகளை வதக்கி, வெல்லம், உப்பு, பெருங்காயத்தூள், 1 கப் தண்ணீர் சேர்த்து கொதிக்கவிடவும். பின்னர் மிளகாய்த்தூள், பொடித்த மசாலா சேர்த்து, மாங்காய் வெந்து வரும்போது அடுப்பை அணைத்து இறக்கவும்..மாங்காய் மிட்டாய்தேவையானவை: தோல் சீவி நறுக்கிய மாங்காய்த் துண்டுகள் - 2 கப், சர்க்கரை - 1 கப், இஞ்சித்துருவல் - ¼ கப், ஃபுட் கலர் (பச்சை வண்ணம்) - சில துளிகள், உப்பு - 2 சிட்டிகை, சீரகத்தூள் - 1 ஸ்பூன்.செய்முறை: மாங்காய், இஞ்சியுடன் உப்பு, தேவையான தண்ணீர் சேர்த்து அரைத்து, ½ மணி நேரம் மூடி வைக்கவும். மேலே தெளிந்திருக்கும் தண்ணீரை எடுக்கவும் (இதில் ரசம் வைக்கலாம்). சர்க்கரையுடன் சிறிது தண்ணீர் சேர்த்து அடுப்பில் வைக்கவும். சர்க்கரை கரைந்து கொதிக்கும்போது, மாங்காய் விழுது, சீரகத்தூள், ஃபுட் கலர் சேர்த்து கிளறவும். கொதித்து கெட்டியானதும், சாக்லேட் மோல்டில் ஊற்றி, ஆறியதும் எடுத்து பரிமாறவும். ஜீரணத்துக்கு நல்லது..மாங்காய் ரசம்தேவையானவை: மாங்காய்த்துண்டுகள் - 1 கப், பாசிப்பருப்பு - 1 கரண்டி, மஞ்சள்தூள், பெருங்காயத்தூள் - தலா ¼ ஸ்பூன், பச்சைமிளகாய் - 6, கொத்துமல்லித்தழை - சிறிதளவு, நெய், கடுகு - தலா 1 ஸ்பூன், உப்பு - சுவைக்கேற்ப.செய்முறை: பாசிப்பருப்புடன் மஞ்சள்தூள், தேவையான தண்ணீர் சேர்த்து குழைய வேகவைக்கவும். இதனுடன் 2 கப் தண்ணீர் சேர்க்கவும். மாங்காயை மிக்ஸியில் அரைத்து சேர்க்கவும். பாசிப்பருப்பு தண்ணீர், அரைத்த மாங்காய், நீளவாக்கில் நறுக்கிய ப.மிளகாய், பெ.தூள், உப்பு சேர்க்கவும். பொங்கி வரும்போது, மல்லித்தழை, நெய்யில் தாளித்த கடுகு சேர்த்து இறக்கவும்..மாங்காய் மசியல்தேவையானவை: மாங்காய்த்துருவல் - 2 கப், வேகவைத்த துவரம்பருப்பு - 1 கப், இஞ்சித்துருவல் - 4 டீஸ்பூன், பச்சைமிளகாய் - 4 (பொடியாக நறுக்கவும்), கறிவேப்பிலை - 2 ஆர்க்குகள், மஞ்சள்தூள், பெருங்காயத்தூள், வெல்லம் - தலா ¼ ஸ்பூன், கடுகு, உளுந்தம்பருப்பு, கடலைப்பருப்பு - தலா 1 ஸ்பூன், நல்லெண்ணெய் - 2 ஸ்பூன், உப்பு - தேவைக்கு.செய்முறை: கடாயில் எண்ணெய் ஊற்றி, கடுகு, உளுந்தம்பருப்பு, கடலைப்பருப்பு, கறிவேப்பிலை, பொடியாக நறுக்கிய பச்சைமிளகாய், இஞ்சித்துருவல், மாங்காய்த்துருவல் சேர்த்து வதக்கவும். பின்னர் 2 கப் தண்ணீர், மஞ்சள்தூள், பெருங்காயத்தூள், வெல்லம், வேகவைத்த பருப்பு சேர்த்து, நன்றாக கொதித்ததும் அடுப்பை அணைத்து இறக்கவும்.குறிப்பு: இந்த மசியலை சாதத்துடன் பிசைந்து சாப்பிடலாம். வெங்காயம், பூண்டு சேர்த்து செய்தால், புலாவ் / சப்பாத்தி / பூரியுடன் சாப்பிட ஏற்ற அருமையான சைட்-டிஷ்!.மாங்காய் கறிதேவையானவை: தோலுடன் நீளவாக்கில் நறுக்கிய மாங்காய்த் துண்டுகள் - 2 கப், தேங்காய்த்துருவல் - 1 கப், மிளகாய் வற்றல் - 4, மிளகு - ½ ஸ்பூன், நல்லெண்ணெய் - 4 ஸ்பூன், கறிவேப்பிலை - 2 ஆர்க்குகள், சின்ன வெங்காயம் - 10, கடுகு, வெந்தயம், கடலைப்பருப்பு, உளுந்தம்பருப்பு, வெல்லம் - தலா 2 ஸ்பூன், உப்பு - ருசிக்கேற்ப.செய்முறை: கடாயில் ½ ஸ்பூன் எண்ணெய் ஊற்றி, கடுகு, வெந்தயம், கடலைப்பருப்பு, உளுந்தம்பருப்பு, மிளகு, மிளகாய் வற்றல் சேர்த்து வறுத்து எடுக்கவும். பின்னர் உரித்த சின்ன வெங்காயம் சேர்த்து வதக்கி எடுக்கவும். இவற்றுடன் தேங்காய்த்துருவல் சேர்த்து மைய அரைக்கவும். 1 ஸ்பூன் எண்ணெயில் மாங்காய்த் துண்டுகளை வதக்கி, உப்பு, 2 கப் தண்ணீர், வெல்லம், அரைத்த விழுது சேர்த்து கொதிக்கவிடவும். எல்லாம் சேர்ந்து கொதிக்கும்போது அடுப்பை அணைக்கவும். மீதமுள்ள எண்ணெயில் கறிவேப்பிலையை பொரித்து, மேலாக சேர்க்கவும். சப்பாத்தியுடன் பரிமாறவும்..மாங்காய் ரைஸ்தேவையானவை: உதிரியாக வடித்த சாதம் - 1 கப், மாங்காய்த்துருவல் - ¼ கப், வெந்தயம், மஞ்சள்தூள், பெருங்காயத்தூள் - தலா ¼ ஸ்பூன், கறிவேப்பிலை - 2 ஆர்க்குகள், வேர்க்கடலை - 2 ஸ்பூன், மிளகாய் வற்றல், பச்சைமிளகாய் - தலா 2, உளுந்தம்பருப்பு, தனியா - தலா 2 ஸ்பூன், நல்லெண்ணெய் - 1 குழிக்கரண்டி, கடுகு - 1 ஸ்பூன், உப்பு - ருசிக்கேற்ப.செய்முறை: வெறும் கடாயில் உளுந்தம்பருப்பு, தனியா, மிளகாய் வற்றல், வெந்தயம், கடுகு சேர்த்து வறுத்து, கறிவேப்பிலை சேர்த்து பொடிக்கவும். கடாயில் எண்ணெய் ஊற்றி, காய்ந்ததும், கறிவேப்பிலை, நீளவாக்கில் நறுக்கிய பச்சைமிளகாய், மாங்காய்த்துருவல், மஞ்சள்தூள், பெருங்காயத்தூள், வேர்க்கடலை சேர்த்து வதக்கவும். பின்னர் உதிரியான சாதம், பொடித்த பொடியை சேர்த்து நன்றாக கலந்து பரிமாறவும்.குறிப்பு: பொரித்த அப்பளத்தை மேலாக நொறுக்கிப் போட்டும் பரிமாறலாம்..மாங்காய்த்தளிர் குழம்புதேவையானவை: மாங்காய்த்தளிர் - 4, மாங்கொட்டை - 1, உளுந்தம்பருப்பு, மிளகு - தலா 2 ஸ்பூன், மிளகாய் வற்றல் - 3, கடுகு - 1 ஸ்பூன், பெருங்காயத்தூள், மஞ்சள்தூள் - தலா ½ ஸ்பூன், ஆய்ந்த கறிவேப்பிலை - ¼ கப், இஞ்சி - சிறிய துண்டு, நல்லெண்ணெய் - 1 குழிக்கரண்டி, வெல்லம் - ½ ஸ்பூன்.செய்முறை: மாங்காயை பெரிய துண்டுகளாக நறுக்கி, வெயிலில் நன்றாக காயவைத்து எடுக்கவும். இதுதான் Ôமாங்காய்த்தளிர்’. இந்தத் தளிரை சூடான தண்ணீரில் 10 நிமிடம் ஊறவைத்து, கைகளால் பிசையவும். கடாயில் உளுந்தம்பருப்பு, மிளகு, 2 மிளகாய் வற்றல், இஞ்சி, மாங்கொட்டை சேர்த்து வதக்கி, கறிவேப்பிலை சேர்த்து மூடி வைக்கவும். ஆறியதும் விழுதாக அரைக்கவும். கடாயில் எண்ணெய் ஊற்றி, கடுகு, 1 மிளகாய் வற்றல், பெருங்காயத்தூள், மஞ்சள்தூள், மாங்காய்த்தளிர் (தண்ணீருடன்), உப்பு, வெல்லம், அரைத்த விழுது சேர்த்து கொதிக்க விட்டு அடுப்பிலிருந்து இறக்கவும்.குறிப்பு: இதை சூடான சாதத்தில் ஊற்றி, பிசைந்து சாப்பிட்டால் சுவை அள்ளும்!.மாம்பழ ரெசிபிகள் மேங்கோ ஃபிர்ணிதேவையானவை: அரைத்த மாம்பழக்கூழ் - 2 கப், சர்க்கரை - ¼ கப், பாசுமதி அரிசி - 1 கரண்டி, பால் - 2 லிட்டர், குங்குமப்பூ - 2 சிட்டிகை, சீவிய பாதாம், பிஸ்தா, முந்திரி - தேவைக்கேற்ப.செய்முறை: பாசுமதி அரிசியை ஊறவைத்து, 1 கப் பால் சேர்த்து அரைக்கவும். இதனுடன் 2 கப் பால் சேர்த்து அடுப்பில் வைத்து கொதிக்கவிட்டு, மாம்பழக்கூழ், சர்க்கரை சேர்க்கவும். பின்னர் மீதமுள்ள பால், குங்குமப்பூ சேர்த்து, கொதித்ததும் அடுப்பை அணைக்கவும். சீவிய பாதாம், பிஸ்தா சேர்த்து, ஃப்ரிட்ஜில் வைத்தெடுத்து ஜில்லென பரிமாறவும்.குறிப்பு: வடமாநிலங்களில் இந்த ஃபிர்ணி மிகவும் பிரபலம்!.ஆம்கா பப்பட்தேவையானவை: மாம்பழக்கூழ் - 4 கப், நெய் - ½ ஸ்பூன், சர்க்கரை - ½ கப், ஏலக்காய்த்தூள் - 1 சிட்டிகை.செய்முறை: அடி கனமான பாத்திரத்தை அடுப்பில் வைத்து, அதில் மாம்பழக்கூழ், சர்க்கரை சேர்த்து, அடுப்பை மிதமான தீயில் வைத்து கைவிடாமல் கிளறவும். கலவை கெட்டியாக வரும்போது, ஏலக்காய்த்தூள் சேர்த்து அடுப்பை அணைத்து இறக்கவும். அகலமான தட்டில் நெய்த் தடவி, கலவையை கொட்டவும். மெல்லிய துணியால் மூடி, வெயிலில் 3 நாட்கள் வைத்து எடுக்கவும். பின்னர் விருப்பமான அளவில் துண்டுகள் போடவும். ஃப்ரிட்ஜில் வைக்காமலேயே 1 வருடம் வரை இது கெடாமலிருக்கும்!.ஆம்ரஸ்தேவையானவை: நன்றாக பழுத்த மாம்பழங்கள் - 4, கருப்பு உப்பு - ¼ ஸ்பூன், தண்ணீர் - 1 கப்.செய்முறை: மாம்பழத்தில் சிறிய ஓட்டை போட்டு, கைகளால் நன்றாக அழுத்தி, உள்ளே இருக்கும் ஜூஸை மட்டும் எடுக்கவும். இதனுடன் கருப்பு உப்பு, தண்ணீர் சேர்த்து கலந்து பரிமாறவும்.குறிப்பு: குஜராத்தில் மாம்பழ சீசன்களில் எல்லோர் வீடுகளிலும் இந்த 'ஆம்ரஸ்’ செய்து, பூரியுடன் விருந்தினர்களுக்கு பரிமாறுவார்கள்!.மேங்கோ குல்ஃபிதேவையானவை: மாம்பழக்கூழ் - 1 கப், பால் - 2 லிட்டர், சர்க்கரை - ½ கப்.செய்முறை: பாலுடன் சர்க்கரை சேர்த்து அடுப்பில் வைத்து, 1 கப் ஆகும் வரை குறுக்கவும். ஆறியதும், மாம்பழக்கூழ் சேர்த்து மிக்ஸியில் போட்டு சுற்றி எடுத்து, குல்ஃபி மோல்ட்களில் ஊற்றவும். பின்னர் அலுமினியம் ஃபாயில் பேப்பரால் இறுக்கமாக மூடவும். ஃப்ரீசரில் 6 மணி நேரம் வைத்திருந்து எடுத்து, ஒரு பாத்திரத்தில் தண்ணீரை நிரப்பி, அதனுள் போடவும். 2 நிமிடங்கள் கழித்து ஃபாயில் பேப்பரை நீக்கி பரிமாறவும். ஆரோக்கியமான குல்ஃபி இது!.மாம்பழ போபாதேவையானவை: கெட்டியான மாம்பழக்கூழ் - 2 கப், டாபிகோ மாவு (டிபார்ட்மென்ட் ஸ்டோர்களில் கிடைக்கும்) / சோளமாவு - 2 கப், தேன் - 4 ஸ்பூன், உப்பு - சிட்டிகை.செய்முறை: மாம்பழக்கூழை அடுப்பில் வைத்து, கெட்டியாகும் வரை கிளறவும். இதனுடன் உப்பு, டாபிகோ மாவை சிறிது சிறிதாக சேர்த்து அழுத்திப் பிசைந்து, சிறு சிறு உருண்டைகளாக்கவும். 2 கப் தண்ணீரை தளதளவென கொதிக்க விட்டு, உருண்டைகளை அதில் சேர்த்து மூடி, 5 நிமிடங்களில் அடுப்பை அணைத்து, தண்ணீரை வடிக்கவும். உருண்டைகளை சிறிய கிண்ணங்களில் போட்டு, மேலாக தேன் ஊற்றி பரிமாறவும்..மாம்பழ பர்ஃபிதேவையானவை: மாம்பழ விழுது, பால் பவுடர் - தலா 1 கப், பொடித்த சர்க்கரை - ¼ கப், நெய் - 4 ஸ்பூன்.செய்முறை: கடாயில் நெய் ஊற்றி, உருகியதும், மாம்பழ விழுதைச் சேர்த்து கிளறவும். பின்னர் பால் பவுடர், பொடித்த சர்க்கரை சேர்த்து நன்றாக கிளறவும். பாத்திரத்தில் கலவை ஒட்டாமல் வரும்போது அடுப்பிலிருந்து இறக்கி, நெய்த் தடவிய தட்டில் கொட்டவும். கலவை நன்றாக ஆறியதும், விருப்பமான அளவில் துண்டுகள் போட்டு பரிமாறவும்..மாம்பழ கேக்தேவையானவை: மாம்பழக்கூழ், மைதா, கல் உப்பு - தலா 2 கப், பேக்கிங் பவுடர் - 1 ½ ஸ்பூன், சமையல் சோடா, வெண்ணெய் - தலா ½ ஸ்பூன், பொடித்த சர்க்கரை, பால் பவுடர் - தலா ¼ கப், தூள் உப்பு - 8 சிட்டிகை.செய்முறை: மைதா, பேக்கிங் பவுடர், சமையல் சோடா, பால் பவுடர், பொடித்த சர்க்கரை, உப்பு ஆகியவற்றை ஒன்றாக சேர்த்து இரண்டு முறை சலிக்கவும். இதனுடன் மாம்பழக்கூழைச் சேர்த்து நன்றாக கலக்கவும். அகலமான பாத்திரத்தில் வெண்ணெய் தடவி, 1 ஸ்பூன் மைதாவை சேர்த்து தட்டிக்கொடுக்கவும். குக்கரில் 2 கப் கல் உப்பு சேர்த்து, அடுப்பை 10 நிமிடங்கள் மிதமான தீயில் வைக்கவும். கேக் கலவை சேர்த்த பாத்திரத்தை குக்கரினுள்ளே வைத்து, ஒரு தட்டால் குக்கரை மூடவும் (குக்கர் மூடியைத் தவிர்க்கவும்). தட்டின் மேலே கெட்டியான டவலால் நன்றாக மூடிவிடவும். மிகவும் மிதமான தீயில், 30 நிமிடங்கள் வைத்திருந்து எடுத்து பரிமாறவும்.குறிப்பு: குக்கரில் போட்ட உப்பை திரும்ப பலமுறை உபயோகிக்கலாம்!.மாம்பழ புளிசேரிதேவையானவை: இனிப்பும் புளிப்புமான சிறிய மாம்பழங்கள் - 4, புளித்த கெட்டித் தயிர் - 2 கப், தேங்காய் எண்ணெய் - 2 ஸ்பூன், கடுகு - 1 ஸ்பூன், பெருங்காயத்தூள், மஞ்சள்தூள் - தலா ¼ ஸ்பூன், கறிவேப்பிலை - 2 ஆர்க்குகள், தேங்காய்த்துருவல் - 1 கப், பச்சைமிளகாய் - 8, உப்பு - சுவைக்கேற்ப.செய்முறை: மாம்பழங்களுடன் (தோலுடனேயே) 1 கப் தண்ணீர் சேர்த்து வேகவிடவும். தேங்காயுடன் பச்சைமிளகாய் சேர்த்து அரைக்கவும். தயிருடன் 1 கப் தண்ணீர் சேர்த்து கடைந்துகொள்ளவும். வெந்த மாம்பழம், கடைந்த தயிர், உப்பு, மஞ்சள்தூள், பெருங்காயத்தூள், அரைத்த விழுது சேர்த்து அடுப்பில் வைக்கவும். கொதிக்கும்போது, தேங்காய் எண்ணெயில் கடுகு, கறிவேப்பிலை தாளித்து மேலாக சேர்க்கவும்.குறிப்பு: பலவித சுவைகள் சேர்ந்த இது கேரளா ஸ்பெஷல் டிஷ்! சிறிய மாம்பழம் இல்லாவிட்டால், தோலுடனேயே மாம்பழங்களை பெரிய துண்டுகளாக நறுக்கி சேர்க்கலாம்..ஸ்டிக்கி ரைஸ்தேவையானவை: பொடியாக நறுக்கிய மாம்பழத்துண்டுகள் - 2 கப், அரிசி - 1 கப், தேங்காய்ப்பால் - 3 கப், வெண்ணெய் - 4 கப், சர்க்கரை - ½ கப்.செய்முறை: அரிசியைக் கழுவி, 1 மணி நேரம் ஊறவைக்கவும். அடி கனமான பாத்திரத்தில், வெண்ணெய் சேர்த்து, உருகவிடவும். பின்னர் ஊறவைத்திருக்கும் அரிசியில் நீரை வடித்து சேர்த்து நன்றாக வாசனை வரும் வரை வறுக்கவும். பின்னர் தேங்காய்ப்பால் சேர்த்து கொதிக்கவிடவும். அரிசி வெந்து வரும்போது சர்க்கரை சேர்த்து நன்றாகக் கிளறி, அடுப்பை அணைத்து இறக்கி, பரிமாறும் பாத்திரத்திற்கு மாற்றவும். வெந்த சாதம், அதன்மேல் மாம்பழத்துண்டுகள், அதன்மேல் சாதம் என்று லேயர் லேயராக அடுக்கி, ஃப்ரிட்ஜில் சிறிது நேரம் வைத்திருந்து எடுத்து ஜில்லென பரிமாறவும்.குறிப்பு: இது தாய்லாந்து ஸ்பெஷல்! அங்கு ‘ஸ்டிக்கி ரைஸ்’ என்றே கிடைக்கும். அதில் செய்து, டெஸர்ட் ஆக பரிமாறுவார்கள்..மேங்கோ புட்டிங்தேவையானவை: அரைத்த மாம்பழக்கூழ் - 2 கப், சோளமாவு, பொடித்த சர்க்கரை, பால் - தலா ¼ கப்.செய்முறை: அகலமான பாத்திரத்தில் மாம்பழத்துடன் சர்க்கரை சேர்த்து அடுப்பில் வைத்து, கைவிடாமல் கிளறவும். பாலுடன் சோளமாவை சேர்த்து கட்டியில்லாமல் கரைத்து, மாம்பழக் கலவையுடன் சேர்க்கவும். கலவை நன்றாக இறுகி வரும்போது அடுப்பை அணைத்து இறக்கி, வெண்ணெய்த் தடவிய கிண்ணங்களில் ஊற்றவும். ஆறியதும் ஃப்ரிட்ஜில் வைத்திருந்து வெளியே எடுத்து, தலைகீழாக கவிழ்த்தால் 'மேங்கோ புட்டிங்’ தயார்!குறிப்பு: விருப்பமான பழங்களை பொடியாக நறுக்கி, மேங்கோ புட்டிங் சேர்த்து, மேலாக ஒரு ஸ்பூன் ஐஸ்க்ரீம் வைத்தும் பரிமாறலாம்! படங்கள்: கே.கஸ்தூரி

சீசன் ஸ்பெஷல்: மாங்காய், மாம்பழ ரெசிபீஸ்!

Related Stories