இந்தியாவின் முதல் பெண் முதலமைச்சர்! சுச்செடாகிருபளானி

கில்லாடி லேடிபெண் முதலைமைச்சர்கள் என்றாலே ஜானகிராமச்சந்திரன், ஜெயலலிதா, மம்தாபானர்ஜி ஆகியோர் தான் சட்டென நம் நினைவுக்கு வருவார்கள்! ஆனால், இந்தியாவின் முதல்பெண் முதலமைச்சர்யார் தெரியுமா?இந்திய மாநிலங்கள் பலவற்றிலும் பெரும்பாலும் ஆண்களே முதலமைச்சர்களாக இருந்து வந்திருக்கின்றனர். பெண் சமத்துவத்துக்கு அதிக முக்கியத்துவம் தராத காலகட்டத்திலேயே பெண் ஒருவர், இந்திய மாநிலம் ஒன்றில் முதலமைச்சர் நாற்காலியை அலங்கரித்துள்ளார். சுதந்திரப் போராட்ட வீராங்கனையாகவும் திகழ்ந்த அவர்தான் சுச்செடாகிருபளானி.1963ம் ஆண்டு முதல்1967ம் ஆண்டுவரை உத்தரப்பிரதேச முதலமைச்சராகப் பணியாற்றியதன் மூலம் ‘இந்தியாவின் முதல் பெண் முதலமைச்சர்’ என்ற வரலாற்று சிறப்புமிக்க பெருமையை அடைந்திருக்கிறார்!.பஞ்சாப்பின் (தற்போதையஹரியானா) ‘அம்பாலா’ என்ற ஊரில் வங்காளமொழி பேசும் குடும்பத்தில், 1908ம் ஆண்டு ஜூன் மாதம் 25ம் தேதி பிறந்தார் சுச்செடா. இவருடைய தந்தை சுரேந்திரநாத்மஜூம்தார், மருத்துவ அதிகாரியாகப் பணியாற்றியவர். இவர் பணியில் இருக்கும் போது பல இடங்களுக்கும் பணிமாற்றம் செய்யப்பட்டதால் சுச்செடாவும் பல கல்வி நிறுவனங்களில் பயில வேண்டிய சூழல் ஏற்பட்டது. இறுதியில், வரலாற்றுப்பாடப்பிரிவில் முதுகலைப்படிப்பை டெல்லியிலுள்ள செயின்ட்ஸ்டீஃபன் கல்லூரியில் முடித்தார். அந்தக் காலகட்டத்தில் தான் நாடெங்கும் சுதந்திர வேட்கை அதிகரித்து, விடுதலை உணர்வு மக்களிடம் கொந்தளித்துக் கொண்டிருந்தது.சுச்செடாவுக்குப்பத்து வயதாகும் போது, அவரும் அவருடைய சகோதரசகோதரிகளும், தங்கள் தந்தை'ஜாலியன்வாலாபாக்படுகொலை’ பற்றிப் பேசியதைக் கேட்டிருக்கிறார்கள். அதனால் ஏற்பட்ட கோபத்தினால் தங்களோடு விளையாடும் சில ஆங்கிலோ இந்தியப் பிள்ளைகளிடம் சண்டையிட்டிருக்கிறார்கள். இதை அவர் பின்னாளில் எழுதிய An Unfinished Autobiography என்ற புத்தகத்தில் குறிப்பிட்டிருக்கிறார்.மாணவப்பருவத்திலிருந்தே கதராடைகளையே அணிந்து வந்துள்ளார் சுச்செடா. இந்திரபிரஸ்தா கல்லூரியிலும் பஞ்சாப் பல்கலைக்கழகத்திலும் படித்த பின்னர் பனாரஸ் ஹிந்து பல்கலைக்கழகத்தில் அரசியலமைப்பு வரலாற்றுப் பாடம் நடத்தும் பேராசிரியராகப் பணியாற்றினார். 1936ம் ஆண்டு, இந்திய தேசிய காங்கிரஸில் முக்கியப் புள்ளியாக விளங்கிய ஜே.பி.கிருபளானி என்பவரைத் திருமணம் செய்தார். சுச்செடாவை விடக்கிருபளானி 20 வயதுமூத்தவர். எனவே மகாத்மாகாந்தி உள்பட, இருவரின் குடும்பத்தாரும் இவர்களுடைய திருமணத்தை எதிர்த்தனர்..‘வெள்ளையனே வெளியேறு’ (Quit India) போராட்டத்தில் ஈடுபட்டதற்காக பிரிட்டிஷ் அரசாங்கத்தால் சுச்செடா கைது செய்யப்பட்டார். பிரிவினையால் ஏற்பட்ட கலகங்களின் போது மகாத்மாகாந்தியுடன் இணைந்து செயலாற்றினார். 1946ம் ஆண்டு ‘நவகாளியாத்திரை’யின் போது காந்தியுடன் பயணித்தார்.சட்டசபைத் தேர்தலில் போட்டியிட்ட வெகுசில பெண்களில் இவரும் ஒருவர். கான்பூர் தொகுதியில் வெற்றி பெற்ற இவரை உத்தரப்பிரதேச முதலமைச்சராகத் தேர்ந்தெடுத்தார்கள். இந்திய அரசியலமைப்புச் சட்டத்தை உருவாக்கிய துணைக்குழு ஒன்றிலும் உறுப்பினாராக இவர் பங்களித்திருக்கிறார்.1940ஆம் ஆண்டில் அனைத்திந்திய மகளிர்காங்கிரஸ் அமைப்பை உருவாக்கினார். 1947ஆம் ஆண்டு ஆகஸ்ட்14ஆம் தேதி நள்ளிரவில் ஜவஹர்லால் நேரு நிகழ்த்திய வரலாற்றுச் சிறப்புமிக்க சுதந்திர உரைக்குச் சில நிமிடங்களுக்கு முன்னர் இவர் ‘வந்தேமாதரம்’ பாடலைப் பாடினார்.சுதந்திரத்துக்குப் பிறகும் தீவிர அரசியலில் சுச்செடா இயங்கிவந்தார். 1952ம் ஆண்டில் முதல் மக்களவைத் தேர்தலில் புதுடெல்லி தொகுதியிலிருந்து Krishak Mazdoor Praja Party (KMPP) கட்சி சார்பில் போட்டியிட்டார். அந்தக்கட்சி அவருடைய கணவரால் ஓராண்டுக்கு முன்னர் தோற்றுவிக்கப்பட்டதாகும். காங்கிரஸ் வேட்பாளர் மன்மோஹினிசாகல் என்பவரை அந்தத்தேர்தலில் இவர் தோற்கடித்தார்.ஐந்து ஆண்டுகள் கழித்து அதே தொகுதியிலிருந்து மீண்டும் சுச்செடா தேர்ந்தெடுக்கப்பட்டார். ஆனால், இந்தமுறை இவர் காங்கிரஸ்கட்சியின் வேட்பாளராக நின்று வென்றார். 1967ம் ஆண்டு உத்தரப்பிரதேசத்தின் ‘கோண்டா’ தொகுதியி-ல் இருந்தும் மக்களவைக்குத் தேர்ந்தெடுக்கப்பட்டிருக்கிறார்.இதற்கிடையில், உத்தரப்பிரதேச சட்டசபையிலும் இவர் உறுப்பினரானார். 1960 முதல்1963 வரை தொழிலாளர்துறை மற்றும் சமூகமேம்பாடு மற்றும் தொழில்துறை அமைச்சராகவும் பணியாற்றியிருக்கிறார். 1963ம் ஆண்டு உத்தரப்பிரதேசத்தின் முதலமைச்சரானார். இவர் முதலமைச்சராக இருந்த போது மாநிலத்தொழிலாளர்களின் 62 நாள் வேலைநிறுத்தப் போராட்டத்தை இரும்புக்கரம் கொண்டு அடக்கினார்.1969ம் ஆண்டு காங்கிரஸ் பிளவுண்டபோது, மொரார்ஜிதேசாயுடன் சேர்ந்து காங்கிரஸை விட்டு விலகி, National Congress (NCO) என்ற கட்சியில் சேர்ந்தார். 1971ம் ஆண்டு நடைபெற்ற தேர்தலில்NCO சார்பில் ஃபைஸாபாத் மக்களவைத் தொகுதியில்போட்டியிட்டுத் தோற்றார். இதையடுத்து அரசியலிலிருந்து ஓய்வு பெற்று, தனிமையில் வாழ்ந்த சுச்செடாகிருபளானி, 1974ம் ஆண்டு காலமானார்.

இந்தியாவின் முதல் பெண் முதலமைச்சர்! சுச்செடாகிருபளானி

Related Stories