சொக்கவைக்கும் சுவைகளில்: சோயா ரெசிபீஸ்!

-லக்ஷ்மி ஸ்ரீனிவாசன்அனைத்து வகையான ஊட்டச்சத்துகளும் சோயாவில் நிறைந்துள்ளன. குறிப்பாக, புரதம், தாதுக்கள், வைட்டமின்கள் அடங்கியுள்ளதால், 'சைவப் பிரியர்களுக்கு சோயா ஒரு வரப்பிரசாதம்’ எனலாம்! சோயா பீன்ஸிலிருந்து சோயா மாவு, சோயா புரதம், டோஃபு, சோயா பால், சோயா சாஸ், சோயாபீன் ஆயில் மற்றும் மீல் மேக்கர் உள்ளிட்ட உணவுப் பொருள்கள் தயாரிக்கப்படுகின்றன. பதப்படுத்தப்பட்ட சோயா பொருள்கள் மேற்கத்திய நாடுகளில் பெருமளவில் பயன்பாட்டில் உள்ளன. சொக்கவைக்கும் சுவைக்கு கியாரண்டி தரும் சோயாவில் விதவிதமான ரெசிபிகள் செய்து அசத்துங்கள்!.முழு சோயா சுண்டல்தேவையானவை: முழு சோயா - 100 கிராம், இஞ்சி-பூண்டு விழுது - 1 டீஸ்பூன், வெங்காயம், பச்சைமிளகாய்- தலா 2, தக்காளி -1, நறுக்கிய புதினா, கொத்துமல்லித்தழை - 1 கைப்பிடி, உப்பு - சிறிதளவு. தாளிக்க: எண்ணெய்- 2 டீஸ்பூன், கடுகு, பெருங்காயம், உளுந்தம்பருப்பு -சிறிதளவு, மிளகாய்த்தூள் - 1/2 டீஸ்பூன், கறிவேப்பிலை - 1 ஆர்க்கு.செய்முறை: சோயாவை நன்றாகக் கழுவி 6&8 மணி நேரம் ஊறவிட்டு, குக்கரில் போட்டு, சிறிதளவு உப்பு சேர்த்து நன்றாக வேகவைத்து வடிக்கவும். வாணலியில் எண்ணெய் ஊற்றி, தாளிக்கும் பொருள்களை போட்டு தாளித்து, இஞ்சி&பூண்டு விழுது, நறுக்கிய வெங்காயம், தக்காளி, பச்சைமிளகாய் சேர்த்து கிளறி, வெந்த சோயாவை சேர்க்கவும். பின்னர் நறுக்கிய மல்லித்தழை, புதினா சேர்த்து மேலும் ஒரு நிமிடம் கிளறி இறக்கவும். தேநீருடன் பரிமாறவும்..சோயா ஸ்வீட்சுண்டல்தேவையானவை: 6 முதல் 8 மணி நேரம் ஊறவைத்து வடித்த முழு சோயா -100 கிராம், பனை வெல்லம் - 100 கிராம், ஏலக்காய்த்தூள் - ஒரு சிட்டிகை, தேங்காய்த்துருவல்- ரு மூடி, நெய் - 2 டீஸ்பூன், உப்பு -சிட்டிகை.செய்முறை: சோயாவை குக்கரில் போட்டு, சிறிதளவு உப்பு சேர்த்து சற்றே குழைய வேகவைத்து வடிக்கவும். வாணலியில் நெய்யை சூடாக்கி, பனைவெல்லத்தை பொடித்து போடவும். வெல்லம் சற்றே கரைந்ததும் வெந்த சோயா, தேங்காய்த்துருவல், ஏலக்காய்த்தூள் சேர்த்து நன்றாகக் கிளறவும். உதிர் உதிராக வரும் வரை கிளறி இறக்கி, சூடாகப் பரிமாறவும்..சோயாபனீர் தயாரிப்புதேவையானவை: முழு சோயா - லு கிலோ, வினிகர் - 2 டீஸ்பூன், எலுமிச்சம்பழம் - 1/2 மூடி.செய்முறை: சோயாவை 6 முதல் 8 மணி ஊறவைத்து தண்ணீரை வடிக்கவும். பின்னர் அதை கிரைண்டரில் போட்டு, தேவையான அளவு தண்ணீர் ஊற்றி மெத்தென்று அரைத்தெடுத்து வடிகட்டவும். சோயா பாலை அகலமான பாத்திரத்தில் ஊற்றி, அடுப்பில் வைத்து கிளறவும். பொங்கி வரும் சமயத்தில் எலுமிச்சைச்சாறு, வினிகர் சேர்த்தால் பால் திரியும். பிறகு அதை அடுப்பிலிருந்து இறக்கி, சற்றே ஆறியதும் வடிகட்டி, நீரின்றி ஒரு சிறிய டிரேயில் அழுத்தி சமன் செய்து மூடவும். அதன் மீது ஏதேனும் கனமான பாத்திரம் / கல்லை வைத்தால், 3 மணி நேரத்தில் Ôடோஃபு’ எனப்படும் Ôசோயா பனீர்’ ரெடி. இதை விருப்பமான அளவில் வில்லைகளாக்கி, தேவைப்படும்போது உபயோகிக்கவும்..சோயா பனீர்ரோஸ்ட்தேவையானவை: சோயா பனீர் சதுர துண்டுகள்- 20, ஓமம், எலுமிச்சைச்சாறு - தலா 1/2 டீஸ்பூன், வெங்காயம் - 1, பூண்டு பற்கள் - 4, நறுக்கிய கொத்துமல்லித்தழை - சிறிதளவு, உப்பு, எண்ணெய் - தேவையான அளவு. மேலே பூச: தயிர் - 2 டீஸ்பூன், கடலைமாவு, மிளகாய்த்தூள் -தலா 1/2 டீஸ்பூன்.செய்முறை: ஓமம், உரித்த பூண்டு, நறுக்கிய கொத்துமல்லித்தழை, எலுமிச்சைச்சாறு, உப்பு ஆகியவற்றை மிக்ஸியில் போட்டு, தண்ணீர் சேர்க்காமல் விழுதாக்கவும். இந்தக் கலவையை இரு சோயா பனீர் துண்டுகளுக்கிடையே நன்றாக தடவி மூடவும். ஒரு பாத்திரத்தில் தயிர், கடலைமாவு, உப்பு, மிளகாய்த்தூள் சேர்த்து இட்லிமாவு பதத்தில் கரைக்கவும். இந்த மாவில், விழுது தடவிய பனீர் துண்டுகளை தோய்த்து, சூடான தவாவில் போடவும். எண்ணெய் ஊற்றி, இருபுறமும் திருப்பிப் போட்டு ரோஸ்ட் செய்து எடுத்து பரிமாறவும்..முழு சோயாபால்தேவையானவை: முழு சோயா - 200 கிராம், ஏலக்காய்த்தூள், பனைவெல்லம் / சர்க்கரை / தேன் - தேவையான அளவு.செய்முறை: முழு சோயாவை 6 முதல் 8 மணி நேரம் நன்றாக ஊறவைக்கவும். பின்னர் அதை மிக்ஸியில் போட்டு, தேவையான அளவு தண்ணீர் ஊற்றி, மசிய அரைத்து வடிகட்டவும். இந்தப் பாலை அடி கனமான பாத்திரத்தில் ஊற்றி, அடுப்பில் வைத்து, அடிப்பிடிக்காதவாறு கிளறி, காய்ச்சி இறக்கவும். ஆறியதும், ஏலக்காய்த்தூள், பொடித்த சர்க்கரை சேர்த்து நன்றாக கலந்து, ஃப்ரிட்ஜில் சிறிது நேரம் வைத்திருந்து குளிர்வித்து பரிமாறவும்..சோயாபக்கோடாதேவையானவை: சோயா, நறுக்கிய முட்டைக்கோஸ் - தலா 100 கிராம், பச்சரிசி - 2 டீஸ்பூன், இடித்த இஞ்சி, பச்சைமிளகாய் -2 டீஸ்பூன், சோம்பு - 1 டீஸ்பூன், நறுக்கிய புதினா, கொத்துமல்லித்தழை - 1 கைப்பிடி, சோம்பு - லு டீஸ்பூன், கறிவேப்பிலை -1 ஆர்க்கு, பெருங்காயம் சிறிதளவு, இடித்த / நசுக்கிய பூண்டு - 4 பற்கள், உருக்கிய நெய் - 2 டீஸ்பூன், உப்பு, எண்ணெய் - தேவையான அளவு.செய்முறை: அரிசி, சோயாவை 6 முதல் 8 மணி நேரம் ஊறவைத்து வடித்து, கொரகொரப்பாக அரைத்து எடுக்கவும். மேற்காணும் பொருள்களில் எண்ணெய் தவிர மற்ற அனைத்தையும் அரிசி&சோயா மாவுக் கலவையுடன் சேர்த்து, தேவையான அளவு தண்ணீர் ஊற்றி, பிசிறி, சூடான எண்ணெயில் கிள்ளிப் போட்டு பொரித்து எடுக்கவும்..சோயாதுவையல்தேவையானவை: முழு சோயா - 50 கிராம், வெந்தயம், கடுகு, உளுந்தம்பருப்பு - தலா 1/2 டீஸ்பூன், சிவப்பு மிளகாய் - 8, புளி - நெல்லிக்காயளவு, தேங்காய் - 1/2 மூடி, உரித்த பூண்டு பற்கள் - 4, எண்ணெய் - 2 டீஸ்பூன், பெருங்காயம் - சிறிதளவு, உப்பு - தேவையான அளவு.செய்முறை: வாணலியில் சிறிதளவு எண்ணெய் ஊற்றி சூடாக்கி, உப்பை தவிர மேற்காணும் எல்லாப் பொருள்களையும் போட்டு சிவக்க வறுத்து, ஆறவைக்கவும். பின்னர் அவற்றை மிக்ஸியில் போட்டு தேவையான அளவு தண்ணீர் ஊற்றி, துவையலாக அரைத்து எடுக்கவும்..சோயாலஸ்ஸிதேவையானவை: சோயா பால் - 200 மில்லி, ரோஸ் எசன்ஸ் - சில துளிகள், சர்க்கரை - 5 டீஸ்பூன், தயிர் - 2 டீஸ்பூன், ஐஸ் கியூப்ஸ் -சில துண்டுகள்.செய்முறை: அகலமான பாத்திரத்தில் சோயா பாலை ஊற்றி, அடிப்பிடிக்காதவாறு காய்ச்சி இறக்கவும். இளம்சூட்டிலேயே தயிரை ஊற்றவும். 8 முதல் 10 மணி நேரம் கழிந்த பிறகு Ôசோயா தயிர்’ கிடைக்கும். அதை மிக்ஸியில் ஊற்றி, ரோஸ் எசன்ஸ், சர்க்கரை, ஐஸ் கட்டிகள் சேர்த்து நுரை பொங்க அடித்து, உயரமான கண்ணாடி டம்ளரில் ஊற்றி பரிமாறவும்..சோயாமினிஇட்லிதேவையானவை: இட்லி மாவு - 2 கப், ஊறவைத்து வேகவைத்த முழு சோயா - 50 கிராம். தாளிக்க: நெய் -2 டீஸ்பூன், கடுகு- 1/2 டீஸ்பூன், பெருங்காயம் -சிறிதளவு, வெங்காயம், பச்சைமிளகாய் -தலா 1 (பொடியாக நறுக்கவும்), கறிவேப்பிலை, கொத்துமல்லித்தழை, தேங்காய்ப் பற்கள் & சிறிதளவு.செய்முறை: வாணலியில் நெய் ஊற்றி, தாளிக்கும் பொருள்களை போட்டு தாளித்து, சோயா சேர்த்து வதக்கி, ஆறவைத்து, இட்லி மாவில் கலந்து கொள்ளவும். இந்த மாவை, மினி இட்லித் தட்டில் எண்ணெய்த் தடவி ஊற்றி, ஆவியில் வேகவைத்து எடுக்கவும். இந்த இட்லிக்கு சைட்&டிஷ் தேவையில்லை.குறிப்பு: வேகவைத்து வடிகட்டிய சோயா கிரானுல்ஸ் சேர்த்தும் இட்லி தயாரிக்கலாம்..சோயா உசிலிதேவையானவை: 6 முதல் 8 மணி நேரம் ஊறவைத்து வடித்த முழு சோயா - 100 கிராம், சிவப்பு மிளகாய் - 4, சீரகம், உப்பு, நறுக்கிய கொத்துமல்லித்தழை - சிறிதளவு. தாளிக்க: தேங்காய் எண்ணெய் - 100 மில்லி, கடுகு, உளுந்தம்பருப்பு, கடலைப்பருப்பு - தலா 1/2 டீஸ்பூன், கறிவேப்பிலை - 1 ஆர்க்கு.செய்முறை: ஊறவைத்த சோயாவுடன் உப்பு, மிளகாய் சேர்த்து கொரகொரப்பாக அரைத்தெடுக்கவும். வாணலியில் தேங்காய் எண்ணெய்யை சூடாக்கி, தாளிக்கும் பொருள்களை போட்டு தாளித்து, அரைத்த சோயா சேர்த்து, உதிர் உதிராக வரும் வரை புரட்டி இறக்கவும். கொத்துமல்லித்தழை தூவி பரிமாறவும்..சோயா & வாழை வடைதேவையானவை: 6 முதல் 8 மணி நேரம் ஊறவைத்த சோயா & 200 கிராம், உளுந்து - 1 டீஸ்பூன், வாழைக்காய் - 1 (துருவவும்), தேங்காய்த்துருவல் - 1/2 மூடி, உப்பு, எண்ணெய் -தேவைக்கு. அரைக்க: உரித்த பூண்டு பற்கள்- 2, இஞ்சி - 1 துண்டு, பச்சைமிளகாய் - 8, கொத்துமல்லித்தழை - சிறிதளவு.செய்முறை: ஊறவைத்த சோயாவுடன் ஊறவைத்த உளுந்து சேர்த்து கொரகொரப்பாக அரைத்து எடுக்கவும். இதனுடன் தேங்காய்த்துருவல், துருவிய வாழை, உப்பு, அரைத்த மசாலா கலவை, தேவையான அளவு உப்பு சேர்த்து நன்றாக பிசைந்து, சிறிய வடைகளாகத் தட்டி, சூடான எண்ணெயில் போடவும். இருபுறமும் திருப்பி விட்டு, பொன்னிறமாக வெந்ததும் எடுக்கவும்..சோயா கீர்தேவையானவை: சோயா கிரானுல்ஸ் - 50 கிராம், மில்க்மெய்ட் - 1/2 டின், முந்திரி- 10, கசகசா - 1 டீஸ்பூன், ஏலக்காய் -2, பால் -1/2 கப், நெய், சர்க்கரை, தேங்காய்த்துருவல் - தலா 2 டீஸ்பூன்.செய்முறை: சோயா கிரானுல்ஸை வெந்நீரில் போட்டு, 10 நிமிடங்கள் கழித்து வடித்து, கைகளால் ஒட்டப் பிழிந்து வைக்கவும். பாலை காய்ச்சி, 2 டீஸ்பூன் சர்க்கரை, பிழிந்த சோயா கிரானுல்ஸ் சேர்க்கவும். இதனுடன் சிறிதளவு தண்ணீர், நெய் சேர்த்து, வாணலியில் ஊற்றி, ஒரு கொதி வரும் வரை காத்திருக்கவும். இப்போது முந்திரி, கசகசா, தேங்காய், ஏலக்காய் ஆகியவற்றை மிக்ஸியில் ஒன்றிரண்டாக அரைத்து, கொதிக்கும் சோயா கலவையில் சேர்க்கவும். ஒரு கொதி வந்ததும், மில்க்மெய்ட், சிறிதளவு தண்ணீர் சேர்த்து, தளர இருக்கும்போதே அடுப்பிலிருந்து இறக்கி, சூடாகவோ அல்லது குளிரவைத்தோ பரிமாறவும்..சோயா தால்தேவையானவை: முழு சோயா - 100 கிராம், பாசிப்பருப்பு & 50 கிராம், வெங்காயம் - 1, தக்காளி - 2, பச்சைமிளகாய் - 4 (பொடியாக நறுக்கவும்), மஞ்சள்தூள், கொத்துமல்லித்தழை - சிறிதளவு, உப்பு - தேவைக்கு. தாளிக்க: நெய் -2 டீஸ்பூன், கடுகு, உளுந்து - தலா 1/4 டீஸ்பூன், பெருங்காயம், கறிவேப்பிலை - சிறிதளவு, சிவப்பு மிளகாய், உரித்த பூண்டு பற்கள் - தலா 2.செய்முறை: சோயாவை 6 முதல் 8 மணி நேரம் ஊறவைத்து, குக்கரில் வேகவிடவும். பாசிப்பருப்புடன் சிறிதளவு மஞ்சள்தூள் சேர்த்து வேகவிடவும். குக்கரில் நெய் ஊற்றி, சூடாக்கி, தாளிக்கும் பொருள்களை தாளித்து, வெங்காயம், தக்காளி, பச்சைமிளகாய் சேர்த்து வதக்கவும். பின்னர் தேவையான அளவு உப்பு, வெந்த சோயா, வெந்த பாசிப்பருப்பு, சிறிதளவு தண்ணீர் ஊற்றி, குக்கரை மூடி, 2 விசில் வந்ததும் இறக்கவும். பின்னர் நன்றாகக் கடைந்து, சப்பாத்தி / தோசையுடன் சூடாக பரிமாறவும்..சோயா & தேங்காய்ப் பொடிதேவையானவை: சோயா கிரானுல்ஸ் - 50 கிராம், தேங்காய் எண்ணெய் - 2 டேபிள் ஸ்பூன், தேங்காய்த்துருவல் - 1 மூடி, புளி - நெல்லிக்காயளவு, சிவப்பு மிளகாய் - 10, கறிவேப்பிலை - 1 ஆர்க்கு, உப்பு - தேவைக்கு. தாளிக்க: கடுகு, உளுந்து - தலா 1/2 டீஸ்பூன், கறிவேப்பிலை - சிறிதளவு, எண்ணெய் - 1 டீஸ்பூன்.செய்முறை: வாணலியில் தேங்காய் எண்ணெய்யை சூடாக்கி, சோயா கிரானுல்ஸை பொரித்தெடுக்கவும். அதே எண்ணெயில் மிளகாய், உப்பு, தேங்காய்த்துருவல், கறிவேப்பிலை போட்டு சிவக்க வறுத்து, ஆறவைத்து மிக்ஸியில் போடவும். இதனுடன், பொரித்த சோயா கிரானுல்ஸ் சேர்த்து பொடிக்கவும். வாணலியில் எண்ணெய் ஊற்றி, தாளிக்கும் பொருள்களை போட்டு தாளித்து கலந்து, காற்று புகாத டப்பாவில் அடைக்கவும். இந்தப் பொடியை சாதத்துடன் கலந்தோ அல்லது காய்கறி பொரியலில் தூவியோ பரிமாறலாம்..சோயா கிரானுல்ஸ்கபாப்தேவையானவை: சோயா கிரானுல்ஸ் - 200 கிராம், உரித்த பூண்டு பற்கள் - 4, நறுக்கிய வெங்காயம் - 2, பச்சைமிளகாய் -4, இஞ்சி- சிறிய துண்டு, பிரெட் தூள் - 1/4 கப், தனியா தூள், சீரகத்தூள், மிளகாய்த்தூள், கரம் மசாலா - தலா 1/2 டீஸ்பூன், சிறிய சர்க்கரைவள்ளிக்கிழங்கு - 1 (வேகவைத்து துருவவும்), கேரட் - 1 (துருவவும்), நறுக்கிய கொத்துமல்லித்தழை - சிறிதளவு, உப்பு, எண்ணெய் - தேவைக்கு.செய்முறை: சோயா கிரானுல்ஸை வெந்நீரில் போட்டு 10 நிமிடம் ஊறவைத்து, வடித்து, குளிர்ந்த நீரில் அலசவும். பின்னர் மிஸியில் போட்டு, மசாலா தூள்கள், உப்பு, இஞ்சி, பச்சைமிளகாய், பூண்டு சேர்த்து தண்ணீர் ஊற்றாமல் அரைத்து எடுக்கவும். இதனுடன் கேரட் துருவல், நறுக்கிய வெங்காயம், கொத்துமல்லித்தழை, சர்க்கரைவள்ளித்துருவல், பிரெட் தூள் ஆகியவற்றை சேர்த்து, நன்றாக பிசைந்து, விரும்பிய வடிவில் Ôகபாப்’ செய்து கொள்ளவும். பின்னர் அவற்றை சூடான எண்ணெயில் போட்டு, அடுப்பை மிதமான சூட்டில் வைத்து பொரித்தெடுக்கவும். சாஸ் / சட்னியுடன் பரிமாறவும்..சோயா கஞ்சிதேவையானவை: சோயா கிரானுல்ஸ் - 50 கிராம், கடைந்த தயிர் - 2 கப், வேகவைத்த பாசிப்பருப்பு - 1/4 கப், பொடியாக நறுக்கிய கொத்துமல்லித்தழை - சிறிதளவு, உப்பு - தேவையான அளவு. தாளிக்க: நெய் - 3 டீஸ்பூன், கடுகு, சீரகம், பெருங்காயத்தூள் - தலா 1/2 டீஸ்பூன், பச்சைமிளகாய், காய்ந்த மிளகாய் - தலா 2, இஞ்சித்துருவல், கறிவேப்பிலை - தலா சிறிதளவு.செய்முறை: சோயா கிரானுல்ஸை கொதிநீரில் போட்டு, 10 நிமிடம் ஊறவிட்டு வடிக்கவும். பின்னர் அதை குளிர்ந்த நீரில் போட்டு அலசி வைக்கவும். குக்கரில் நெய் ஊற்றி, சூடாக்கி, தாளிக்கும் பொருள்களை போட்டு தாளித்து, வெந்த பாசிப்பருப்பு, சோயா கிரானுல்ஸ், 2 கப் தண்ணீர், தேவையான அளவு உப்பு சேர்த்து, 3 விசில் வந்ததும் இறக்கவும். ஆறியதும், சிலுப்பிய தயிர், கொத்துமல்லித்தழை கலந்து பரிமாறவும்.குறிப்பு: விரும்பினால், சின்ன வெங்காயத்தை பொடியாக நறுக்கி, மேலே தூவி பரிமாறலாம்..சோயா சங்க்ஸ் புலாவ்தேவையானவை: சோயா சங்க்ஸ் (மீல் மேக்கர்) - 20 எண்ணிக்கை, வடித்த பாஸ்மதி ரைஸ் - 1/4 கிலோ, இடித்த இஞ்சி-பூண்டு விழுது - சிறிதளவு, கீறிய பச்சைமிளகாய் - 4, வெங்காயம், தக்காளி - தலா 2, தயிர் - 100 மில்லி, வெண்ணெய் / நெய் - 50 கிராம், பட்டை - சிறிய துண்டு, ஏலக்காய், லவங்கம் - தலா 3, பிரிஞ்சி இலை, மராத்தி மொக்கு, அன்னாசிப்பூ - தலா 1, உப்பு - தேவையான அளவு.செய்முறை: கொதிக்கும் நீரில் சோயா சங்க்ஸை போட்டு, சிறிதளவு உப்பு கலந்து மூடிவைக்கவும். 15 நிமிடங்கள் கழித்து, சோயா சங்க்ஸை எடுத்து, நீரைப் பிழியவும். குக்கரில் வெண்ணெய் / நெய்யை சூடாக்கி, பட்டை, லவங்கம், பிரியாணி இலை, மராத்தி மொக்கு, அன்னாசிப்பூ சேர்த்து வதக்கவும். பின்னர் நறுக்கிய வெங்காயம், தக்காளி சேர்த்து நன்றாக வதக்கி, உப்பு சேர்க்கவும். இப்போது தயிர், வெந்த சோயா சங்க்ஸ், வடித்த பாஸ்மதி சாதம் சேர்த்து நன்றாக கலந்துவிடவும். அடுப்பை 5 நிமிடம் குறைந்த தீயில் வைத்திருந்து இறக்கி, தயிர் பச்சடியுடன் சூடாகப் பரிமாறவும்..சோயா & பிரெட் சாண்ட்விச்தேவையானவை: முழு கோதுமை பிரெட் - 20 துண்டுகள், வெண்ணெய்- 100 கிராம், வெள்ளை எள் - 2 டீஸ்பூன்.சோயா பூரணத்திற்கு: சோயா கிரானுல்ஸ் -100 கிராம், உருளைக்கிழங்கு - 2 (வேகவைத்து துருவவும்), கரம் மசாலா, மிளகாய்த்தூள், மஞ்சள்தூள், சோம்புத்தூள் - தலா 1/2 டீஸ்பூன், நறுக்கிய புதினா இலைகள் - 1/2 கைப்பிடி, எண்ணெய் - 2 டீஸ்பூன், எலுமிச்சைச்சாறு - 1/2 மூடி, உப்பு- தேவையான அளவு.செய்முறை: கொதிக்கும் நீரில் சிறிதளவு உப்பு கலந்து, சோயா கிரானுல்ஸை சேர்க்கவும். 10 நிமிடங்கள் கழிந்ததும் வடித்து, குளிர்ந்த நீரில் அலசவும். இதனுடன் உப்பு, மிளகாய்த்தூள், சோம்புத்தூள், மஞ்சள்தூள், கரம் மசாலா சேர்த்து நன்றாக மசிய அரைத்து எடுக்கவும். இதனுடன் உருளை துருவல், நறுக்கிய புதினா சேர்த்து நன்றாக பிசையவும். தவாவில் வெண்ணெய்யை சூடாக்கி, வெள்ளை எள்ளை தூவவும். ஒரு பிரெட் துண்டில் பூரணத்தை பரப்பி, மேலே இன்னொரு பிரட்டால் அழுத்திவிட்டு, தவாவில் போடவும். இருபுறமும் திருப்பிப் போட்டு சிவக்க வெந்ததும் எடுத்து பரிமாறவும்..சோயாகச்சோரிபூரணத்திற்கு: 6 முதல் 8 மணி நேரம் ஊறவைத்து, வேகவைத்த சோயா - 100 கிராம், சோம்பு, கரம் மசாலா, மிளகாய்த்தூள், தனியா தூள், சீரகத்தூள்- தலா 1/2 டீஸ்பூன், மஞ்சள்தூள் - ஒரு சிட்டிகை, நறுக்கிய கொத்துமல்லித்தழை - சிறிதளவு, உப்பு - தேவைக்கு. மேல் மாவிற்கு: மைதா - 200 கிராம், சோடா உப்பு - ஒரு சிட்டிகை, நெய் - 1 டீஸ்பூன். பொரிக்க: எண்ணெய் - 1/4 கிலோ.செய்முறை: மேல் மாவிற்கு கொடுக்கப்பட்டுள்ள பொருள்களுடன் சிறிதளவு தண்ணீர் சேர்த்து கெட்டியாகப் பிசைந்து, ஈரத்துணியால் சுற்றி, லு மணி நேரம் வைக்கவும். வெந்த சோயாவை மிக்ஸியில் போட்டு, தண்ணீர் சேர்க்காமல் கொரகொரப்பாக அரைத்து, தூள் வகைகள், உப்பு, மல்லித்தழை சேர்த்து வடை மாவு போல பிசைந்து வைக்கவும். மேல் மாவை சிறிய சாத்துக்குடி அளவு எடுத்து, பூரி போல கனமாக திரட்டி, உள்ளே சோயா பூரணத்தை சிறிதளவு வைத்து நன்றாக மூடவும். வாணலியில் எண்ணெய் ஊற்றி காய்ந்ததும், அடுப்பை மிதமான தீயில் வைத்து, கச்சோரிகளை போட்டு பொன்னிறமாக வேகவைத்து எடுக்கவும். தக்காளி சாஸுடன் சூடாகப் பரிமாறவும்..டோஃபு மிக்ஸட் சப்பாத்திதேவையானவை: சோயா பனீர் (டோஃபு) துருவல் - 2 கப், வெங்காயம் - 1, தனியா தூள், கரம் மசாலா, மிளகாய்த்தூள், சீரகத்தூள் - தலா 1 டீஸ்பூன், மஞ்சள்தூள் -1 சிட்டிகை. மேல் மாவிற்கு: மைதா மாவு / கோதுமை மாவு - தேவைக்கு (சப்பாத்தி மாவு பதத்தில் பிசையவும்), நெய் / எண்ணெய் / வெண்ணெய், உப்பு - தேவையான அளவு.செய்முறை: டோஃபு துருவலுடன் பிற பொருள்களை கலந்து, பூரணம் செய்து வைக்கவும். மேல் மாவை எலுமிச்சை அளவு உருண்டைகளாக உருட்டி, சப்பாத்தியாக திரட்டி, நடுவில் சிறிதளவு பூரணத்தை வைத்து மூடவும். பின்னர் அதைக் கனமான சப்பாத்தியாக திரட்டி, சூடான தவாவில் போடவும். சுற்றிலும் எண்ணெய் விட்டு, வேகவைத்து எடுக்கவும். தயிருடன் பரிமாறவும்.படங்கள்: கே.கஸ்தூரி

சொக்கவைக்கும் சுவைகளில்: சோயா ரெசிபீஸ்!

Related Stories