வீட்டுக்கு வீடு பியூட்டி: வியர்க்குருவை விரட்ட வேண்டுமா?

வெயில் காலம் ஆரம்ப மானாலே வியர்க்குருவும் அழையா விருந்தாளியாக வந்து, சருமத்தில் முகாமிட்டுவிடும். பெரியவர்களைக் காட்டிலும் குழந்தைகளையே வியர்க்குரு அரக்கன் அதிகம் தாக்குகிறான்.வியர்க்குரு ஏதனால் ஏற்படுகிறது?‘வெயிலோடு விளையாடி... வெயிலோடு உறவாடி!’ என்று கோடை விடுமுறையை குழந்தைகள் நன்றாக என்ஜாய் செய்வார்கள். வெயிலிலேயே சுற்றித் திரிவதால், அதிகப்படியான வியர்வை வெளியாகி, அவர்கள் சருமத்தில் வியர்க்குரு அரும்புகிறது.உடலிலுள்ள உப்புச்சத்து மற்றும் கழிவுகள் வியர்வை வழியாக வெளியேறும். வியர்வைச் சுரப்பிகளின் வாயிலில் தூசியோ அழுக்கோ படிந்து, அந்தப் பாதையை அடைத்துக்கொள்வதால்தான் வியர்க்குரு தோன்றுகிறது. ஆங்கிலத்தில் இதை ‘Prickly Heat’ என்பார்கள்..வேண்டாம் வியர்க்குரு பவுடர்!வெயில் காலத்தில் ‘வியர்க்குரு பவுடர்’ (Prickly Heat powder) விற்பனை சூடுபிடிக்கத் தொடங்கிவிடும். ஆனால், இந்த பவுடரில் Boric Acid எனப்படும் ரசாயனம் பயன்படுத்தப்படுகிறது. இந்த பவுடரை அதிகமாகப் பயன்படுத்துவதால் சருமத்தில் சிலருக்கு ஒவ்வாமை ஏற்படக்கூடும். தவிர, வியர்க்குரு அதிகரிக்கவும் வாய்ப்பு உண்டு.வியர்க்குருவை எப்படிப் போக்கலாம்?வியர்க்குருவை அடியோடு போக்கவேண்டுமெனில், அதை உடலுக்-குள்ளிருந்துதான் நாம் முதலில் சரிசெய்ய வேண்டும்.நெல்லிக்காயுடன் புதினா கலந்த ஜூஸ் அல்லது தர்ப்பூசணி பழச்சாறை அடிக்கடி பருகலாம். இதனால் நம்முடைய உடல் நன்றாகக் குளிர்ச்சியடைந்து, வியர்க்குரு கட்டுக்குள் வந்துவிடும்.வியர்க்குருவை போக்கும் பேக்!30 கிராம் புதினா இலைகளை மிக்ஸியில் மையாக அரைத்து, 2 டீஸ்பூன் கஸ்தூரிமஞ்சள் சேர்த்து கலந்து கொள்ளவும். இந்தக் கலவையை, வியர்க்குரு உள்ள இடங்களில் அப்ளை செய்து, நன்றாக காய்ந்ததும் கழுவவும். இவ்வாறு தொடர்ந்து செய்துவந்தால் வியர்க்குரு விரைவிலேயே மறைந்துவிடும்.குறிப்பு: நாட்டு மருந்துக் கடைகளில் தரமான கஸ்தூரி மஞ்சள் கிடைக்கும்.(தொடர்ந்து அழகாகலாம்)தொகுப்பு: ர. நாகரிகன்

வீட்டுக்கு வீடு பியூட்டி: வியர்க்குருவை விரட்ட வேண்டுமா?

Related Stories