முகங்கள்: ‘‘பொன்னியின் செல்வன்ல நடிச்சது ரொம்ப நல்ல எக்ஸ்பீரியன்ஸ்!’’ - சக்தி ரமணி நெகிழ்ச்சி

பிரபல எழுத்தாளர்கள் பால ரமணி - ஆண்டாள் பிரியதர்ஷினி தம்பதியின் அருமைப் புதல்வியும் நாடக நடிகையுமான சக்தி ரமணி, ‘பொன்னியின் செல்வன்’ படத்தின் மூலம் திரைப்படத்திலும் அறிமுகமாகியிருக்கிறார். பொன்னி யின் செல்வன் 2-ம் பாகம் வெளியாகியுள்ள நிலையில், அந்தப் படத்தில் சோழ வம்சத்தையே அழிப்பதற்கு சூளுரைத்து பழிவாங்கத் துடிக்கும் பாண்டியர் ஆபத்துதவிகளில் ஒருவரான ‘கனி’ காதாபாத்திரத்தில் நடித்திருக்கும் சக்தியை சந்தித்தோம்....உங்களைப் பற்றி தெரிஞ்சுக்கலாமா?‘‘நான் 12 வருஷமா சென்னையில தியேட்டர் ஆர்ட்டிஸ்டா இருக்கேன். ‘தியேட்டர் நிஷா’ அப்படீங்கிற குழுவோட நிறைய நாடகங்கள் பண்ணிக்கிட்டிருக்கேன். பேச்சிலர் டிகிரி காமர்ஸ் மார்க்கெட்டிங்ல பண்ணேன். அதுக்கப்புறம் என்னோட குடும்பமே எழுத்தாளர் குடும்பம்கிறதால மாஸ்டர்ஸ் லிட்ரேச்சர் பக்கம் வரணும்னு இங்லீஷ் லிட்ரேச்சர்ல போஸ்ட் கிராஜுவேட் பண்ணேன். அப்புறம் பெங்களூருவுல இருக்கிற ஒரு ஆர்ட் ஸ்கூல்ல ஒரு வருஷம் டிப்ளமோ கோர்ஸ் பண்ணேன். அது நடனக் கலை மற்றும் மூவ்மென்ட் பேஸ்டு கோர்ஸ். அதுல பரதநாட்டியம், களரி, தேவராட்டம், குடியாட்டம், கன்ட்டம்ப்ரரி டான்ஸ் எல்லாமே சொல்லிக் கொடுப்பாங்க. அது காலைலேருந்து ஈவ்னிங் வரைக்கும் இன்ட்டென்சிவான கோர்ஸ்தான். அதையெல்லாம் கத்துக்கிட்டு, இங்க தியேட்டர்ல நாங்க வேலை பண்ணும்போது அது எல்லாத்தையும் பயன்படுத்தித்தான் பண்றோம்.’’.நடிப்புல ஆர்வம் வந்தது எப்படி?‘‘எனக்கு எட்டு வயசா இருந்தப்போவே நடிப்புல ஆர்வம் வந்தது. நாம புரொஃபஷனலா இதைத்தான் பண்ணப் போறோம்-னு ஒரு உள்ளுணர்வு ஏற்பட்டது. அந்த ஃபீல் எதனால வந்ததுன்னுகூட எனக்குத் தெரியல. அப்பலேருந்தே எல்லாத்தையுமே இதை நோக்கித்தான் பண்ணிக்கிட்டிருந்தேன்.’’அப்படீன்னா நீங்க ஆரம்பத்திலேயே ஆக்டிங் ஸ்கூல்லயோ, திரைப்படக் கல்லூரியிலயோ படிச்சிருக்கலாமே?‘‘நடிப்புங்கிறது ஒரேயொரு விஷயத்துனால வராதுன்னு நான் நினைக்கறேன். நாம நிறையா படிக்கணும், ஸ்டேஜ்ல நம்ம உடம்பை எவ்ளோ அழகா மூவ் பண்ண முடியும்கிறதெல்லாமே சேர்ந்ததுதான் நடிப்புன்னு நினைக்கறேன். நேஷனல் ஸ்கூல் ஆஃப் டிராமா-வுல போய் படிச்சாகூட படிப்பு, நடனம், நடிப்புன்னு எல்லாத்தையும் சேர்த்துதான் சொல்லித் தருவாங்க. அதனாலதான் நான் படிப்புலயும் கவனம் செலுத்தினேன்.’’நீங்க நடிக்கப் போறேன்னு சொன்னப்போ உங்க பெற்றோர் சம்மதிச்சாங்களா?‘‘எங்க குடும்பமே கலைக்குடும்பமா வந்துட்டதால எந்த எதிர்ப்பும் இல்ல. ‘எதை எடுத்தாலும் அதை ஒழுங்கா இன்ட்டகிரிட்டியோட ஹானஸ்டியோட ஹார்டு வொர்க் பண்ணணும்... அதுதான் முக்கியம்’னு சொன்னாங்க.’’ .பொன்னியின் செல்வனுக்கு முன்னாடி வேற ஏதாவது படத்துல நடிச்சிருக்கீங்களா? ‘‘ ‘பொன்னியின் செல்வன்’ என்னோட ஃபர்ஸ்ட் பிக் ஃபிலிம். அதுக்கு முன்னாடி ஒரு படத்துல சின்ன கதாபாத்திரத்துல ஒரேயொரு நாள் நடிச்சிருக்கேன். ஆனா, நிஜமாவே ஒரு படம் எப்படி எடுக்கறாங்க, ஒரு செட் எப்படி இருக்கும் அப்படீங்கிற எக்ஸ்பீரியன்ஸ் அதுலேருந்துதான் கிடைச்சுது.’’‘பொன்னியின் செல்வன்’ படத்துல நடிக்கிறதுக்கான வாய்ப்பு எப்படிக் கிடைச்சது? அதுல உங்க கதாபாத்திரம் பற்றி சொல்லுங்க...‘‘நான் ‘உருபங்கம்’ அப்படீன்ற ஒரு நாடகத்தை டைரக்ட் பண்ணேன். அந்த நாடகத்தோட கதையில ஒரு சின்ன ரோல்ல நடிச்சிருந்தேன். அந்த நாடகத்தை மெட்ராஸ் டாக்கீஸ்ல வொர்க் பண்ண கிருத்திகா நெல்சன் வந்து பார்த்தாங்க. ஒரு 30 செகன்ட் மட்டுமே வர்ற ‘அஷ்வத்தாமா’ ரோலை நான் பண்ணதைப் பார்த்துட்டு அதுக்கப்புறமா அவங்க கூப்பிட்டுப் பேசினாங்க. ‘பொன்னியின் செல்வனுக்காக காஸ்ட் பண்ணிக்கிட்டிருக்கோம், ஒரு ரோலுக்காக வந்து ஆடிஷன் பண்ண முடியுமா?’-ன்னு கேட்டாங்க. ஆடிஷன் பண்ணப்புறம் நாலஞ்சு மாசம் கழிச்சு, ‘வேற ஒரு ரோல் இருக்கு... அதைப் பண்றீங்களா?’ன்னு கேட்டாங்க, அதுதான் இப்ப பண்ணியிருக்குற ‘கனி’-ங்கிற ரோல்.’’ஆரம்பத்திலேயே பெரிய படத்துல அதுவும் நெகட்டிவ் ரோல்ல நடிச்சிருக்கீங்க... அந்த அனுபவம் எப்படி இருந்தது?‘‘ரொம்ப நல்லா இருந்தது. மெட்ராஸ் டாக்கீஸ் எல்லாத்தையும் ரொம்ப புரொஃபஷனலா பண்ணாங்க. ‘சினிமான்னா அப்படி இருக்கும் இப்படி இருக்கும்’னு நிறைய ஹாரர் ஸ்டோரிஸை கேள்விப்பட்டிருப்போம். ஆனா, இவங்க நிஜமாவே ரொம்ப ரெஸ்பெக்ட்டோட ட்ரீட் பண்றாங்க. வேலை வேலையா நடந்தது. செட்டுக்கு மணி சார்தான் முதல்ல வருவாரு. அவர்தான் கடைசியா போவாரு. அவ்ளோ பயங்கர ஈர்ப்போட வேலை செய்யறார். பொன்னியின் செல்வன்ல நடிச்சது ரொம்ப நல்ல எக்ஸ்பீரியன்ஸ்.’’ஐஸ்வர்யா ராய்கூட நடிச்ச அனுபவங்களை சொல்லுங்க...‘‘ ‘ஷி ஈஸ் ஒன் ஆஃப் த நைஸஸ்ட் பீப்புள் இன் த வேர்ல்டு’-னு நான் சொல்வேன். அந்தளவுக்கு, நேர்ல பார்க்கும்போதும் நெஜமாவே அவ்ளோ அழகா இருக்காங்க. அதைத் தாண்டி அவங்க ரொம்ப ரொம்ப நல்ல மனுஷி. ஷூட்டிங்குக்கு நடுவுல இயர் ரிங்ஸ் போட்டதுல என் காதுல ரத்தம் வர ஆரம்பிச்சிடுச்சி. கன்ட்டினியுவிட்டிக்கு இயர் ரிங்ஸ் தேவை. ஆனா, அவங்களால உள்ள குத்த முடியல. அப்போ ஐஸ்வர்யா ராய் & சரத்குமார் இவங்க ரெண்டு பேரும்தான் கூட இருந்து பார்த்து, மணி சார்கிட்டப் போய், ‘அவங்களுக்கு காதுல ரத்தம் வருது. இந்த ஸீன்ல அவங்க இயர் ரிங் இல்லாமத்தான் பண்ணு வாங்க’-னு பேசினாங்க. அடுத்த நாள் வந்தவுடனே ஐஸ்வர்யா ராய் தனியா எங்கிட்ட வந்து விசாரிக்கணும்னு அவசியமே இல்ல. ஆனா, விசாரிச்சாங்க. ‘காது எப்படி இருக்கு? நான் தேவதாஸ் பண்ணும்போது எனக்கும் இப்படிதான் ஆயிடுச்சி’-னு சொன்னாங்க. ஷி ஈஸ் எ வெரி நைஸ் பர்சன்.’’ஷூட்டிங் ஸ்பாட்ல நடந்த மறக்கமுடியாத அனுபவம் ஏதாவது?‘‘நான் நடிச்ச அந்த முழு அனுபவமுமே எனக்கு மறக்க முடியாததுதான். ஏன்னா, அங்க செட்டெல்லாம் போட்டிருந்தாங்க. நான் அப்பதான் ஃபர்ஸ்ட் டைம் அந்த மாதிரி செட்டைப் பார்த்தேன். என்னோட சீன்ஸ் எல்லாம் குகைக்குள்ளதான் வரும். பெரிய பெரிய ஆக்டர்ஸெல்லாம் ஒண்ணா சேர்ந்து நடிச்சதைப் பார்த்தது எல்லாமே மறக்க முடியாதது.கேரக்டர் ஆர்ட்டிஸ்ட் வினோதினி வாசுகின்னு தாதி கேரக்டர்ல நடிச்சிருக்காங்க இல்லையா? அவங்களும் நானும் முன்னாடியே தியேட்டர்ல சேர்ந்து நடிச்சிருக்கோம். இந்தப் படத்துலயும் அவங்ககூட சேர்ந்து நிறைய ஸீன்ஸ் இருந்தது. ஷி ஈஸ் ஆல்சோ எக்ஸ்ட்ரீம்லி நைஸ் பர்சன். சினிமாவுல நான் ஃபர்ஸ்ட் டைம் நடிக்கறேன்னு அவங்களுக்குத் தெரியும். என்னை அவ்ளோ நல்லா பார்த்துக்கிட்டாங்க. ஏன்னா ஸ்பாட் பாய், அசிஸ்டென்ட் எல்லாம் இருக்கணும்னு சுத்தமாத் தெரியாது. அப்படியே போய் நின்னுட்டேன். அவங்கதான் அவங்க ஸ்பாட் பாய்கிட்ட, ‘இவங்களையும் பார்த்துக்கணும். குடிக்கிறதுக்கு எனக்கு ஏதாவது கொண்டு வரும்போது அவங்களுக்கும் கொண்டு வரணும்’னெல்லாம் சொன்னாங்க. செட்ல இருக்குற ரிலேஷன்ஷிப், ஃப்ரெண்ட்ஷிப், அவங்க வேலைக்குக் கொடுக்கற மரியாதை அதெல்லாமே அந்த எக்ஸ்பீரியன்ஸ் வாஸ் வெரி வெரி பியூட்டிஃபுல்.’’பொன்னியின் செல்வன்ல டெரரா நடிச்சிருக்கீங்களே... உண்மையில நீங்க டெரரா இல்ல சாஃப்ட் நேச்சரா?‘‘ஐ திங்க், தியேட்டல்ல நான் சொல்லிக் கொடுக்கும்போது கொஞ்சம் டெரராத்தான் சொல்லிக் கொடுப்பேன்னு நினைக்கிறேன். ஏன்னா, கலைக்கு அந்த மரியாதைங்கிறது எனக்கு ரொம்ப முக்கியம். யாராவது லேட்டா வர்றது, ஹோம் வொர்க் பண்ணாம வர்றது அப்படியெல்லாம் இருந்தா நான் டெரராத்தான் இருப்பேன். தவிர, நான் அவ்வளவா பேச மாட்டேன். ஒரு கார்னர்ல உட்கார்ந்து புத்தகம் படிச்சிக்கிட்டிருப்பேன். எனக்கு வேற பொழுதுபேக்கே கிடையாது. புத்தகம் படிக்கிறது எனக்கு ஃபுல் டைம் ஜாப் மாதிரி.’’.உங்களோட ஆம்பிஷன் என்ன?‘‘நான் தியேட்டர்ல நடிக்கறேன், டைரக்ஷனும் பண்றேன். அதைத் தாண்டி நான் புரொடியூஸ் பண்ணணும்னு நினைக்கறேன். எங்க அம்மா ஆண்டாள் பிரியதர்ஷினி எழுதின சிறுகதைகளை புரொடியூஸ் பண்ணி ஒரு சீரிஸா ஆக்கணும்னு ஆசை.’’கடந்த காலத்துல நடந்த ஒரு விஷயத்தை மாத்துறதுக்கு வாய்ப்புக் கிடைச்சா பொன்னியின் செல்வனைப் பொருத்தவரைக்கும் பாண்டிய மன்னன் இறந்ததை மாத்திடுவீங்கன்னு தெரியும். அப்படி உங்க வாழ்க்கையில எதை மாத்துவீங்க?‘‘இது ரொம்ப நல்ல கேள்வி! ஆனா, எனக்கு எப்படிப் பதில் சொல்றதுன்னுதான் தெரியல. யோசிச்சுப் பார்த்தா, நான் ஸ்கூல் டேஸ்லேருந்தே ஒழுக்கம் ஒழுக்கம்னு ரொம்பக்கட்டுப்பாடுகளோட இருந்துட்டேன். அந்தந்த வயசுக்குரிய ஜாலியான எந்த விஷயங்களையுமே நான் அனுபவிக்கலை. இப்போ நினைச்சுப் பார்த்தா, அதை மாத்திட்டு கொஞ்சம் ஃபன் பண்ற கேர்ளா இருப்பேன்.’’ . -வாசுகி லட்சுமணன்

முகங்கள்: ‘‘பொன்னியின் செல்வன்ல நடிச்சது ரொம்ப நல்ல எக்ஸ்பீரியன்ஸ்!’’ - சக்தி ரமணி நெகிழ்ச்சி

Related Stories