வீட்டுக்கு வீடு பியூட்டி! : உதடுகளை சிவப்பாக்கும் நேச்சுரல் லிப்ஸ்டிக்!

கோவைப்பழம் போன்ற சிவந்த உதடுகளை விரும்பாத பெண்களை விரல் விட்டு எண்ணி விடலாம். ‘உதட்டுச்சாயம்’ எனப்படும் ‘லிப்ஸ்டிக்’கை பயன்படுத்தி உதடுகளை சிவப்பாக்கியதெல்லாம் அந்தக் காலம். ஆனால், Semi-Permanent Lip Colour / Lip tatooதான் தற்போதைய டிரெண்ட்!‘லிப் டாட்டூ’ என்றால் என்ன?‘லிப் டாட்டூ’ (Lip Tatoo) என்பது சிறிய நீடில் மூலமாக உதட்டில் சாயத்தை தக்கவைக்கும் Semi Permanent Cosmetic tattooing Process. லிப் டாட்டூ போட்டுக் கொண்டால், அதிகபட்சமாக 3 ஆண்டுகள் வரை அந்தச் சாயம் உதட்டில் தாக்குப்பிடிக்கும். ஆனால், இந்த அழகு சிகிச்சைக்கு பல ஆயிரங்களை வாரி இரைக்க வேண்டியிருக்கும்.பக்கவிளைவுகள் ஏற்படலாம்!‘லிப் டாட்டூ’ போட்டுக் கொள்பவர்களுக்கு உதடுகள் வீங்கிப் போகும், சரியான நீடில் பயன்படுத்தாவிட்டால் HIV போன்ற தொற்று நோய்கள் வருவதற்கு வாய்ப்புகள் அதிகம்..கெமிக்கல் லிப்ஸ்டிக் வேண்டாம்!கவர்ச்சிகரமான விளம்பரங்களை பார்த்து மயங்கி, கடைகளிலோ ஆன்லைனிலோ விற்கப்படும் லிப்ஸ்டிக்கை வாங்கி பயன்படுத்தாதீர்கள். அதில், Lead, Paraben மாதிரியான கெமிக்கல்கள் கலந்திருக்கும். அவை நம் உடலுக்குள் சென்று பின்விளைவுகளை உண்டாக்கும் அபாயம் உள்ளது. கெமிக்கல் கலந்த லிப்ஸ்டிக்கை தொடர்ந்து பயன்படுத்தி வந்தால்Hormonal Imbalance பிரச்னை ஏற்படுவது சர்வநிச்சயம்.மினுமினுப்பாக்கும் கரைசல்!சுத்தமான பசு நெய்யுடன் சர்க்கரை சேர்த்து நன்றாக கலந்து கொள்ளவும். இந்தக் கரைசலை தினமும் காலை, இரவு என இரு வேளையும் உதட்டில் லேசாக பூசி, மசாஜ் செய்யலாம். இவ்வாறு தொடர்ந்து செய்து வந்தால் உதடுகள் சிவந்து, மினுமினுக்கும்..வீட்டிலேயே லிப்ஸ்டிக் தயாரிக்கலாம்!தேவையானவை: Beeswax, Shea Butter, தேங்காய் எண்ணெய், நேச்சுரல் ஃபுட் கலர் / பீட்ரூட் பவுடர் - தலா 1 டீஸ்பூன். (இவை அனைத்துமே ஆன்லைனில் கிடைக்கும்)செய்முறை: ஒரு பேனில் (Pan) தேவையான அளவு தண்ணீர் ஊற்றி, அடுப்பில் வைத்து கொதிக்க விடவும். அதன்மீது மற்றொரு பாத்திரத்தை வைத்து, அதனுள் ஷியா வெண்ணெயைப் போட்டு உருக்கி (Double Boiler Method), தேங்காய் எண்ணெய், Beeswax சேர்க்கவும். அடுத்ததாக, ஃபுட் கலர் சேர்த்து நன்றாக கலந்து இறக்கி ஆறவைக்கவும். அந்தப் பாத்திரத்தை அப்படியே அரை மணிநேரம் ஃப்ரிட்ஜில் வைத்து எடுக்கவும். பின்னர் அந்த லிப்ஸ்டிக் கட்டியை காற்று புகாத கன்டெயினருக்கு மாற்றி, தேவையானபோது ஸ்பூனால் எடுத்து உபயோகிக்கவும். (நிறைவடைந்தது)தொகுப்பு: ர. நாகரிகன்- சிந்து வருணிகா ரமேஷ்