கொஞ்சம் உங்களோடு

18.5.2023நட்பு : 22பகிர்வு : 26இனிய சிநேகிதிகளுக்கு, வணக்கம்!நல்லா இருக்கீங்களா?அன்னையர் தின வாழ்த்துகள்!அன்னை பூமி, கங்கா மாதா, காவேரி அன்னை இப்படி நமக்கு எல்லாம் வழங்கும் இயற்கையைக்கூட அன்னையாய்ப் பார்த்து வணங்கிப் போற்றும் உயரிய பண்புகொண்ட கலாசாரம் நம்முடையது.எல்லா உறவையும் துறந்ததுதான் ‘சந்நியாசம்’. ஆனால், ஆதிசங்கரர் தன்னோட தாய்க்குக் கொடுத்த வாக்கைக் காப்பாற்ற, துறவு நிலையையும் மீறி கொள்ளிபோட்டார். அவர் இயற்றிய ‘மாத்ருகா பஞ்சகம்’, கயாவில் பெற்றோருக்குப் பிண்டம் வைக்கும்போது சொல்லப்படும். அதன் பொருள் உணர்ந்து படித்தால், படிப்பவர் கண்கள் குளமாகும்.தாயார் கருவில் சுமந்தது முதல் தனக்காக பட்ட கஷ்டங்களைப் சொல்லிச் சொல்லி, மகனால் அந்தக் கஷ்டத்தில் ஒரு சிறு பங்கைக்கூட தீர்க்க முடியவில்லையே என கண்ணீர்விட்டு பாடப்பட்டிருக்கும்.அப்படி மாசற்ற ஒரு பழுத்த சந்நியாசியையே கலங்கச் செய்யும் உறவு 'அன்னை' உறவுதான்!இன்று, நம் சமூகத்தில் அந்த அன்னைக்கு வயதானால் நிலை என்ன?கூட்டுக்குடும்பம் இல்லை. மகனும் மகளும் தத்தம் குடும்பத்துடன் வெவ்வேறு இடங்களில் செட்டில் ஆகிவிடுகிறார்கள். வயதான தம்பதியரோ, தமக்குப் பின் தம்முடைய இணையை யார் பார்த்துக்கொள்வார்கள் என்ற கேள்விக்குறியாகிப் போன வாழ்வை வாழ்கிறார்கள். இணை போன பிறகு மகன் குடும்பத்தில் வேண்டாத விருந்தினராக வாழ்வை ஓட்டும் நிர்ப்பந்தம். மாமனாரைக்கூட சகித்துக்கொள்ளும் மருமகளால், மாமியாரைச் சமாளிக்க முடிவதில்லை.இந்தச் சூழலை ரம்மியமாக்க முடியாதா?நிச்சயமாக முடியும்!அந்தக் காலத்தில் அரசர்கள்கூட ஒரு குறிப்பிட்ட வயதான பிறகு மகனுக்குப் பட்டாபிஷேகம் செய்துவிட்டு, ‘வானப்பிரஸ்தம்’ என்று எளிய வாழ்க்கை வாழ்வதற்காக காட்டுக்குப் போய்விடுவார்கள். அப்படித்தான், குடும்பத்துக்கு உள்ளேயே இருந்தும், தாமரை இலைநீர் போன்ற மனநிலையை வளர்த்துக்கொள்ளவேண்டும்.* மகனும் மருமகளும் வாழும் முறையை விமர்சிக்காமல் இருக்கப் பழகுங்கள்.* மருமகள் உங்கள் மகனிடம் அன்பாய் இருந்தால், மகிழுங்கள். மாறாக, ‘என் மகன். நான்தான் உணவு பரிமாறுவேன்’’ என்று ‘நானா? நீயா?’ போட்டிப் போட்டு எல்லாற்றிலும் மூக்கை நுழைக்கக்கூடாது.* மகன் தன் மனைவி, குழந்தைகளுடன் சினிமா, ஹோட்டல், பிக்னிக் என்று போனால் புலம்பாதீர்கள். அவர்கள் வாழ்வை அவர்கள் வாழட்டுமே. எப்போதாவது, நல்ல படம், நல்ல பிக்னிக் இடம் என்றால் நீங்களும் அவர்களுடன் போய் வாருங்கள்.* அவர்கள் வரவு & செலவு கணக்கை அவர்கள் பார்க்கட்டும் என்று ஒதுங்கிவிட வேண்டும். அப்படியில்லாமல், ‘Ô50 இன்ச் டி.வி. இப்ப வேணுமா? காசுக்குக் கேடு’’, ‘Ôகார் எதுக்கு? நாங்க எல்லாம் நடந்தே போய் வந்தோம்!’’ போன்ற விமர்சனங்கள் தேவையில்லை. உங்களிடம் கேட்டால் மட்டுமே அறிவுரை கூறுங்கள்.* பேரக் குழந்தைகளுக்கு நல்ல ஆசானாக, நட்பாக இருங்கள். நல்ல கதைகள், பழக்கங்களை சொல்லிக்கொடுங்கள்.* டி.வி.யே கதி என்று சிடுசிடுவென இருக்காதீர்கள்.* திடமாய் இருந்தால், சமையலில் உதவுங்கள். அவர்கள் விருப்பத்துக்கு அவர்கள் சமைத்து சாப்பிட்டால், நீங்கள் உங்களுக்குத் தேவையானதை செய்துகொள்ளுங்கள். அவர்கள் சமைத்துத் தர வேண்டிய சூழலில் இருந்தால், உடல் நலத்திற்கு உகந்த உணவு எதைக் கொடுத்தாலும் சாப்பிடுங்கள். ‘பிடிக்காது. இதை யார் சாப்பிடுவாங்க?’ என்று சலித்துக்கொள்ளாதீர்கள்.* நிறைய நகை அணியாதீர்கள். மகன் & மருமகள் வேலைக்குப் போய்விட, தனியே இருக்கும் மூதாட்டிகளைத்தான் நகை கொள்ளையர்கள் நகைக்காகக் குறி வைக்கிறார்கள். ஜாக்கிரதை!* உடல் நலம் சரியில்லாவிட்டால், உபாதைகளை சொல்லிப் புலம்பிக்கொண்டே இருக்காதீர்கள். அதற்குப் பதிலாக பகவான் நாமாவைச் சொல்லலாம்.* இன்றைய இளம் தலைமுறைக்கு வேலை, சம்பாத்தியம், போக்குவரத்து போன்ற எல்லாமே மிகுந்த மனஉளைச்சலைத் தரும் சூழல். அதில் உங்கள் மீது அன்பு கொண்டுதான் உங்களைத் தங்களோடு வைத்துப் பார்த்துக்கொள்கிறார்கள். உங்கள் அன்பற்ற வார்த்தைகளால், தேவையில்லாத எதிர்பார்ப்புகளால் அவர்கள் அன்பை சிதைத்துக்கொள்ளாதீர்கள்.அன்புடன்...உங்கள் சிநேகிதி,

கொஞ்சம் உங்களோடு

Related Stories