ரீடர்ஸ் ரியாக்ஷன்: ஸ்டாலின் நினைப்பதில் என்ன தவறு?

‘பெண் விவகாரம்-கைகலப்பு-வாய்த் துடுக்கு... கட்சி என்ன ஆகுமோ?கலக்கத்தில் ஸ்டாலின்’ கட்டுரை பரபரப்பை ஏற்படுத்திவிட்டது. பத்து ஆண்டுகள் கழித்து கஷ்டப்பட்டு ஆட்சி பீடத்தில் அமரவைக்க ஸ்டாலின் பட்டபாடு சொல்லி மாளாது. ஆட்சிக்கு வந்த பிறகு, `ஆட்சிக்கே ஆபத்து வந்துவிடும்’ என்று ஸ்டாலின் நினைப்பதில் என்ன தவறு? மாவட்டச் செயலாளர்களை தூக்கும் ஸ்டாலின், மந்திரிகளை தூக்க ஏன் தயங்குகிறார்? கட்சியையும் ஆட்சியையும் வழிநடத்த வேண்டும் என்றால் கடுமையான நடவடிக்கை எடுக்க வேண்டும்!-தே.மாதவராஜ், கோயம்புத்தூர்அண்ணாமலை பாதயாத்திரையின்போது கூடிய கூட்டம் ‘தானா சேர்ந்த கூட்டம்’ அல்ல என்பதும் கானல் நீர் என்பதும் மக்களுக்குத் தெரியும். விஜய்யின் பக்குவப்பட்ட ரசிகர்கள் இதற்கெல்லாம் சஞ்சலப்படமாட்டார்கள் என்பது உறுதி. -ஆர்.எஸ்.மனோகரன், முடிச்சூர்‘கட்சி என்ன ஆகுமோ? கலக்கத்தில் ஸ்டாலின்’ கவர் ஸ்டோரி ஏற்கெனவே பல பிரச்னைகளால் நொந்து நூலாகியிருக்கும் (?) முதல்வர் ஸ்டாலினை மென்மேலும் கதிகலங்க வைத்திருப்பது சர்வ நிச்சயம். ‘தேளுக்கு மணியம் கொடுத்தால் நிமிஷத்துக்கு நிமிஷம் கொட்டும்’ என்ற சொலவடையை உதாரணமாகக் கொண்டு ஸ்டாலின் சவுக்கை கையில் எடுத்தாலொழிய கட்சியையும் சரி ஆட்சியையும் சரி, காப்பாற்றுவது சற்று கடினம்தான்.-இரா.வளையாபதி, தோட்டக்குறிச்சி..நாம் தமிழர் கட்சியின் சீமான் எப்போது யாரை உயர்த்திப் பேசுவார், எப்போது யாரை தரம் தாழ்த்திப் பேசுவார் என்பது ஆண்டவனாலும் கணிக்க முடியாதது. ‘காளை மாட்டை தெய்வமாக வணங்குவோம்’ எனப் பேசுவார். அதேவாயால், ‘மாடு வளர்ப்பது அடித்துச் சாப்பிடவே’ என பேசவும் செய்வார். அதனை ரசித்து ஆரவாரம் பண்ண ஒரு கூட்டம். அப்புறம் என்ன... மாற்றி மாற்றி குட்டையைக் குழப்பி அரசியல் பண்ணுவது அவருக்கு அல்வா சாப்பிடுவதுபோல் இருக்குமே.-அ.இரவீந்திரன், மணிகெட்டி பொட்டல்பாதயாத்திரையில் அ.தி.மு.க.வை அண்ணாமலை விமர்சித்தது தவறு. அண்ணாமலையால் தனித்து நின்று எப்படி தேர்தலில் ஜெயிக்க முடியும்? நாடாளுமன்றத் தேர்தல் வரை அ.தி.மு.க - பா.ஜ.க. மோதலை நிறுத்த வேண்டும். இல்லையேல், மக்கள் மனநிலை மாறிவிடும்.-எஸ்.ஏ., தூத்துக்குடி