வம்பானந்தா : அரெஸ்ட் வளையத்தில் அ.தி.மு.க மாஜி அமைச்சர்கள்!

“மதுரை மீனாட்சி அம்மன் தரிசனம் எப்படி இருந்தது சுவாமி?” வம்பானந்தாவை இளநீர்ப்பாயாசத்துடன் வரவேற்றார் சிஷ்யை.“ உன் கரிசனம் புரிகிறது. மீனாட்சி அம்மன் கோயிலுக்கு, அரசியல் பின்னணி இல்லாத ஐந்து பேர் கொண்ட அறங்காவலர் குழுவை நியமிக்க முடிவு செய்திருந்தது இந்து அறநிலையத்துறை. ஆனால், வெளியில் எலியும் பூனையுமாய் முறைத்துக்கொள்ளும் இரு மாவட்ட அமைச்சர்கள் இதற்காகவே திடீர்க்கூட்டணி அமைத்திருக்கிறார்கள். அவர்களில் ஒருவர் தன் மனைவியையும் இன்னொருவர் தன் தாயாரையும் அறங்காவலர் குழுவினராக அறிவிக்கத்தயாராகி விட்டார்களாம். செய்தி பரவி, நீதிமன்றக் கதவைத்தட்ட தயாராகிவிட்டார்கள் பக்தர்கள்” சிஷ்யைக்கு கோயில் பிரசாதத்தைக் கொடுத்துவிட்டு செய்திகளைத் தொடர்ந்தார் வம்பு.“தி.மு.க.வுக்கு எதிராக மாஜி அமைச்சர் படையுடன் எடப்பாடி அண்ட் கோ ராஜ்பவனுக்கு சென்றதில் உஷ்ணமாகிவிட்டார் ஸ்டாலின். அதனால்தான், அவர்கள் ராஜ்பவன் சென்ற அதே நாளில் மாஜி அமைச்சர்கள் சி.விஜயபாஸ்கர், அன்பழகன் ஆகியோர் மீது லஞ்ச ஒழிப்புத்துறை குற்றப்பத்திரிகையை தாக்கல் செய்திருக்கிறது. கோட்டைக்கு விஜிலன்ஸ் அதிகாரிகளை வரவழைத்து ஆலோசித்த முதல்வர், அவர்களை கைது செய்யும் முகாந்திரங்கள் குறித்தும் டிஸ்கஸ் செய்திருக்கிறார். அவர்களும் கைதுசெய்ய முகாந்திரம் இருப்பதாக தெரிவித்துவிட்டார்களாம். இதனால், மேற்படி இருவர் உள்ளிட்ட இன்னும் சில அ.தி.மு.க மாஜிக்கள் அரெஸ்ட் ஆனாலும் ஆச்சர்யப்படுவதற்கில்லை..கவர்னர் சந்திப்பு தொடர்பாக இரு குறுஞ்செய்திகள். ஒன்று மகளிரணியினரைச் சேர்ந்த ஒருவரைக்கூட கவர்னர் சந்திப்புக்கு அழைத்துச்செல்லவில்லை என்ற புலம்பல். அடுத்தது அந்த சந்திப்புக்கு, தான் எதிர்பார்த்ததை விட அதிக கூட்டம் கூடியதில் மகிழ்ந்த எடப்பாடி, அந்தக் கூட்டம் அத்தனையும் தன் சொந்த செல்வாக்கு, ஒரு தலைவராக தன் மவுசு அதிகரித்துவருவதாக சீனியர்களிடம் சொல்கிறாராம். அதனால் மூத்த நிர்வாகிகள் மத்தியிலிருந்து கருகல் வாடை வருகிறது””கோட்டை வட்டாரத்தில் பலர் படு உற்சாகமாக இருக்கிறார்களாமே சுவாமி?””முதல்வர் அலுவலக முதன்மைச் செயலாளராக இருந்த உதயசந்திரன் நிதிதுறை செயலாளராக மாற்றப்பட்ட நிலையில் தற்போது காட்சிகள் மாறியுள்ளன. முன்புபோல அல்லாமல் முதல்வர் ஸ்டாலினை மிக எளிதாக அணுகிய தலைமைச் செயலாளர் இறையன்பு, சில விஷயங்களைபாஸ் செய்ய, உதயசந்திரனிடமிருந்த சிறப்புத் திட்டங்கள் செயலாக்கத்துறை சுகாதாரத்துறை செயலாளர் ககன்தீப் சிங் பேடியிடம் ஒப்படைக்கப்பட்டிருக்கிறது. இது உதயசந்திரனுக்கு பின்னடைவு என்கிறார்கள்.”“பால்வளத்துறை அமைச்சர் தனது பக்கத்து மாவட்டச் செயலாளர் ஒருவருக்கு பால் ஊற்றிய கதை பரபரத்துக்கிடக்கிறது போல?”“கன்னியாகுமரி மாவட்டம் வழியாக கேரளாவிற்கு கனிம வளங்கள் கடத்தப்படுவதாக சமூக வலைதளங்களில் செய்திகள் பரவி தி.மு.க.வின் பேர் ரிப்பேராகி வந்த நிலையில், இது தொடர்பாக பல காலமாக மவுனம் காத்து வந்த அமைச்சர் மனோ தங்கராஜ், கடந்த வாரம் கன்னியாகுமரி செக்போஸ்டில் ஆஜராகி ஒரு அதிரடி காட்டினார். அங்கு தனது பி.ஆர் டீமை உடன் அழைத்துச் சென்றவர், செக் போஸ்ட் அதிகாரிகளிடம் சரமாரியாக கேள்வி கேட்க, அதற்கு கீழே கமெண்ட் போட்டவர்கள் அமைச்சரையும் தி.மு.க. ஆட்சியையும் கழுவிகழுவி கழுவில் ஏற்றினர். இந்த திடீர் அட்டாக்கை எதிர்பாராத மனோ தங்கராஜ், இனியும் தாமதித்தால் தனது தலைக்கு ஆபத்து என்று முடிவு செய்து சில விஷயங்களை மேலிடத்துக்கு பாஸ் செய்தார். ஏற்கெனவே அப்துல் வஹாப் மீது ஏகப்பட்ட புகார்கள் வரிசைகட்டிய நிலையில் மனோவின் அஸ்திரம்தான் அவரை முழுமையாக கட்டம் கட்ட வைத்ததாம்.”“சமீபகாலமாக அண்ணாமலையைக் கண்டுகொள்ளாமல் அலட்சியம் செய்கிறீர்களே சுவாமி?” கொறிக்க கொஞ்சம் நிலக்கடலை கொடுத்து அடுத்த செய்திகளுக்கு அலெர்ட் ஆனார் சிஷ்யை.“ பாதயாத்திரை மேட்டர் அவருக்கு பாதகமாக முடிந்ததால் கொஞ்சம் டல் மோடில்தான் இருக்கிறார் மனிதர். அதற்கு காரணம் இல்லாமல் இல்லை. நாடாளுமன்றத்திற்கான 39 தொகுதிகளிலும் பாதயாத்திரை நடக்க வேண்டும் என்பதுதான் மேலிடத்தின் விருப்பம். இதற்காக தொகுதிகள் வாரியாக கலந்து கொள்ளும் நபர்கள் முன்பதிவு செய்வதற்காக ஒரு வெப்சைட் தொடங்கப்பட்டது. ஆனால் அந்த வெப்சைட்டில் குறிப்பிட்ட சில தொகுதிகளை தவிர மீதி தொகுதிகள் அனைத்திலும் 200 பேர் கூட பதிவு செய்யவில்லை. சில தொகுதிகளில் கட்சிக்காரர்களும் முன்பதிவு செய்யவில்லை. ஏன் என்று கேட்டால், ‘ கட்சியில் நாங்கள் தான் ஏற்கனவே உறுப்பினராக இருக்கிறோமே. நாங்கள் எதற்காக முன் பதிவு செய்ய வேண்டும்? நேரடியாக கலந்து கொள்கிறோம் போங்க’ என்று வேண்டாவெறுப்பாக பதில் சொல்லியிருக்கிறார்கள்.’இந்த லட்சணத்தில் நடை பயணத்தை நடத்தினால் அண்ணாவின் இமேஜ் டேமேஜாகிவிடும்’ என்று டீமும் எச்சரித்துள்ளது. ஸோ…இப்போதைக்கு அமைதிகாக்கவே ஆசைப்படுகிறார் அண்ணாமலை..அப்படியே இன்னொரு பா.ஜ.க. செய்தியையும் சொல்லிவிடுகிறேன்.பாப்புலர் ஃப்ரண்ட் ஆஃப் இந்தியா அமைப்பின் மாநில பொறுப்பாளர்களாக இருந்த முகமது யூசுப் மற்றும் முகமது அப்பாஸ் ஆகிய 2 வக்கீல்களை தேசிய புலனாய்வு முகமை அதிகாரிகள் மதுரையில் சமீபத்தில் கைது செய்தனர். ஆனால் முகமது யூசுப் மற்றும் முகமது அப்பாஸ் ஆகிய 2 வக்கீல்களும் ஒரு வழக்கில் இஸ்லாமியர்களுக்கு ஆதரவாக ஆஜரானதால்தான் கைது செய்யப்பட்டனர், இது தவறான அணுகுமுறை என சென்னை ஐகோர்ட்டில் மே 19ம் தேதி வக்கீல்கள் கண்டன ஆர்ப்பாட்டம் நடத்தினர்அந்த ஆர்ப்பாட்டத்தை ஐகோர்ட் வக்கீல்கள் சங்க தலைவர் மோகன கிருஷ்ணன் மற்றும் சங்கத்தின் முன்னாள் தலைவரும், பா.ஜ.க துணைத்தலைவருமான பால் கனகராஜ் ஆகியோர் முன்நின்று நடத்தினர். அது மட்டுமின்றி, 2 வக்கீல்களும் தேசிய புலனாய்வு முகமை அதிகாரிகளின் தனிப்பட்ட காழ்ப்புணர்ச்சியின் காரணமாக கைது செய்யப்பட்டதாக பால் கனகராஜ் காட்டமாக தெரிவித்தார்.இதற்கு இந்து முன்னணி கடும் கண்டனத்தை பதிவு செய்தது. இது பா.ஜ.கவிலும் சர்ச்சையை ஏற்படுத்தியது. இதை தொடர்ந்து இச்சம்பவத்துக்கு விளக்கம் கேட்டு பா.ஜ.க சார்பில் நோட்டீஸ் அனுப்பப்பட்டிருக்கிறது. அதில் ‘நீங்கள் நடத்தியது வக்கீல்களுக்கான ஆர்ப்பாட்டம் என்றால் அதில் தி.மு.க மற்றும் அ.தி.மு.கவை சேர்ந்த வக்கீல்களும் கலந்து கொண்டார்களா? என்பது குறித்து விளக்கம் அளிக்க வேண்டும்’ என குறிப்பிடப்பட்டிருக்கிறது.”“த கேரளா ஸ்டோரி’ படத்தின் மூலம் ஏற்கனவே கொஞ்சம் கெட்ட பெயர் ஏற்பட்டிருக்கும் நிலையில் சுதாரித்துக்கொள்ள விரும்புவார்கள் அல்லவா?””கேரள ஸ்டோரியை ஞாபகப்படுத்தியதால் என் காதுக்கு வந்த ரெட் ஜெயன்ட் ஸ்டோரி ஒன்றை சொல்லிவிடுகிறேன். தற்போது தயாரிக்கப்படும் திரைப்படங்கள் திரையரங்குகளில் திரையிடப்படாமல் ஓ.டி.டி வலைதளத்தில் விற்பனை செய்யப்படுவதற்கு அதிகாரப்பூர்வ மற்ற தடை விதிக்கப்பட்டுள்ளது. ப்ரொடியூசர் கில்ட், ஃபிலிம் சேம்பர், ப்ரொடியூசர் கவுன்சில் மற்றும் தியேட்டர் உரிமையாளர்கள் அனைவருமே சமீபத்தில் ஓ.டி.டி நிறுவனங்களுக்கு கடிதம் எழுதியுள்ளனர். அதில் தான் மேற்கண்ட செய்தி குறிப்பிடப்பட்டுள்ளது.இதற்குப் பின்னால் ரெட் ஜெயன்ட் மூவிஸ் நிறுவனம் இருக்கிறது என்கிறார்கள். ரெட் ஜெயன்டுடன் நெருக்கமாக இருக்கும் ஒரு நிறுவனம் தமிழகத்தில் சுமார் 60 சதவிகித தியேட்டர்களுக்கு புரொஜெக்டர்களை லீசில் கொடுத்துள்ளது. படங்கள் நேரடியாக ஓ.டி.டியில் திரையிடப்பட்டால் தங்களது முதலீடு படுத்து விடும் என்பதற்காகவே ரெட்ஜெயன்ட் நிறுவனம் மூலம் இப்படி ஒரு உத்தரவை அமல்படுத்தியுள்ளனராம்.இதே நிறுவனம் தொடர்பாக இன்னொரு தகவலும் உள்ளது. ஸ்டாலின் சென்னை நகர மேயராக இருந்தபோது, சிறப்பு உதவியாளராக பணிபுரிந்தவர் ராஜா சங்கர். இவரது மகன் ரெட் ஜெயன்ட் நிறுவனத்தில் பங்குதாரராக உள்ளார். சமீபத்தில் லைகா நிறுவனத்தில் நடந்த சோதனையின் போது, ரெட் ஜெயன்ட் நிறுவனம் தொடர்பாகவும் முக்கிய ஆவணங்கள் சிக்கியது. அதில் ராஜா சங்கரின் மகனுக்கு சொந்தமான 300 கோடி ரூபாய் மதிப்பிலான ஆவணங்கள் சிக்கி உள்ளன.அது முறையாக கணக்கில் வராத பணம் என்பதால் செய்வது அறியாமல் ராஜா சங்கர் விழிபிதுங்கி இருக்கிறார்.“இன்னொரு பகீர் தகவல் சொல்கிறேன். கவனமாகக் கேள்” என்ற பீடிகையுடன் க்ளைமேக்ஸ் செய்திக்கு வந்தார் வம்பு.”தி.மு.க ஆட்சிக்கு வந்தபிறகு ஆர்.டி.ஐ தகவல் கொடுப்பதில்லை என்ற குற்றச்சாட்டு ஒரு பக்கம் இருந்தாலும் இன்னொரு பக்கம் ஆர்.டி.ஐ ஆர்வலர்கள் உளவுத்துறை அதிகாரிகளால் மிரட்டப்படுவதாகவும் குமுறல்கள் கேட்கின்றன. செகரட்டரி லெவலில் உள்ளவர்களின் ஊழல் முறைகேடுகள் குறித்து தகவல் கேட்டால், உடனே உயரதிகாரிகளின் உத்தரவின் பேரில் உளவுத்துறை போலீஸார் அந்த முகவரிக்கு சென்று, ’தகவல் கேட்டவர் யார், பின்னணி என்ன?’ என்று மிரட்டும் வகையில் விசாரிக்கிறார்களாம். ‘யாரைப்பற்றி வேண்டுமானாலும் உளவு போலீஸார் கண்காணித்துக்கொள்ளட்டும். ஆனால், நேரடியாக முகவரிக்கே வந்து விசாரிக்க இவர்களுக்கு யார் அதிகாரம் கொடுத்தது? எங்களைப்போன்றவர்களுக்கு மறைமுக மிரட்டலை விடுக்கிறார்கள்’ என்று செகரட்டரி லெவலில் உள்ள அதிகாரிகள் மீது குற்றம்சாட்டுகிறார்கள் ஆர்.டி.ஐ.ஆர்வலர்கள்” என்றபடி இடத்தை காலி செய்தார் வம்பு.

வம்பானந்தா : அரெஸ்ட் வளையத்தில் அ.தி.மு.க மாஜி அமைச்சர்கள்!

Related Stories