அம்மா, மகன் என்று ரூம் போட்டு நடந்த அசிங்கம்...வேதாரண்யம் கொலையில் விறுவிறு ட்விஸ்ட்

-ஆர்.விவேக் ஆனந்தன்தாய் வயதுடைய பெண்ணுடன் கள்ளக்காதல் மோகத்தில் இருந்த 20 வயதே ஆன கல்லூரி மாணவன், உறவில் விரிசல் வந்ததும் அப்பெண்ணைக் காரை ஏற்றிக் கொன்றதோடு, அதை நகைத் திருட்டுக்காக நடந்த கொலை என்று ஜோடித்து தப்ப முயன்றிருப்பது வேதாரண்யத்து விபரீதம.வேதாரண்யம் அருகே தேத்தாக்குடி தெற்கு சிதம்பரவீரன்காடு பகுதியைச் சேர்ந்தவர் சுந்தரமூர்த்தி. இவரின் மனைவி துர்காதேவி. இவர்களுக்கு 20 வயதில் மகனும் உள்ளார். அவர் நாகையில் உள்ள பாலிடெக்னிக் கல்லூரி ஒன்றில் படித்து வருகிறார். இந்நிலையில், கடந்த ஜூன் 18ம் தேதி இரவு 8 மணியளவில் துர்காதேவி சுய உதவிக்குழுவில் வாங்கிய கடனை கொடுத்துவிட்டு வருவதாகச் சென்றவர், இரவு 11 மணி ஆகியும் வீடு திரும்பவில்லை. பல இடங்களில் தேடியும் அவர் கிடைக்கவில்லை.மறுநாள் காலை புஷ்பவனம் கடற்கரைப் பகுதியில் பெண் ஒருவர் சடலமாகக் கிடப்பதாக வாட்ஸ் ஆப் குழுக்களில் படத்துடன் செய்தி பரவியது. இதனைப் பார்த்து பதறிய மகன் தினேஷ் மற்றும் உறவினர்கள் விரைந்து சென்று பார்த்தபோது அது துர்காதேவிதான் என உறுதிசெய்தனர்.இதுகுறித்து வேதாரண்யம் போலீஸில் சுந்தரமூர்த்தி புகார் செய்ய, டி.எஸ்.பி. சுபாஷ்சந்திரபோஸ், இன்ஸ்பெக்டர் பசுபதி மற்றும் போலீஸார் விரைந்து வந்து துர்காதேவியின் உடலை கைப்பற்றி வேதாரண்யம் அரசு மருத்துவமனைக்கு அனுப்பிவைத்தனர். மர்ம நபர்கள் நகைகளை கொள்ளையடித்ததோடு பலாத்காரம் செய்துவிட்டு கொன்றுவிட்டனர் என்று செய்திகள் பரவ, துர்காதேவி கொலையில் யாரும் எதிர்பாராத ஒரு ட்விஸ்ட்..இதுகுறித்து வேதாரண்யம் காவல்துறை அதிகாரிகள் விவரித்தனர். “துர்காதேவியின் உடலில் கார் டயர் ஏறிய காயங்கள் இருந்ததால் புஷ்பவனம் பகுதிக்கு வந்து சென்ற கார்களை சி.சி.டி.வி பதிவுகளைக் கொண்டு ஆய்வு செய்தோம். அப்போது, அழகு கவுண்டர் காட்டைச் சேர்ந்த சுந்தரவேலு என்பவரின் மகனும் சேலம் தனியார் மருத்துவக் கல்லூரியில் மயக்கவியல் துறையில் மூன்றாம் ஆண்டு படிக்கும் மாணவரான அருண் என்பவரது கார் அடிக்கடி அப்பகுதியில் சென்று வந்தது தெரியவந்தது.அவரது செல்போன் எண்ணை ஆய்வு செய்ததில் கொலையான துர்காதேவியுடன் அடிக்கடி தொடர்புகொண்டு பேசியிருப்பதும், 18ம் தேதி அவர் வீட்டை விட்டு வெளியே புறப்பட்டுச் செல்லும் முன்பு அருணிடமிருந்து அழைப்பு வந்துள்ளதும் உறுதிப்படுத்தப்பட்டது. இதையடுத்து அருண் அலேக்காக தூக்கப்பட்டு விசாரித்தபோது, எங்களுக்கே பேரதிர்ச்சி.அருணின் பெற்றோர் வெளிநாட்டில் வசித்து வருகின்றனர். இங்கே பாட்டி வீட்டில் தங்கி படித்துவருகிறார். இவர் சேலத்தில் படிப்பதால் அருகே கொல்லிமலையில் விலை மலிவாக கிடைக்கும் மிளகு, சீரகம் உள்ளிட்ட மளிகைப் பொருட்களை ஊருக்கு வரும்போதெல்லாம் மொத்தமாக வாங்கி வந்து வேதாரண்யம் பகுதியிலுள்ள கடைகளில் விற்பனை செய்வதை வழக்கமாகக் கொண்டிருந்துள்ளார்..அத்துடன் இந்த மளிகைப்பொருட்களை விற்பனை செய்வதற்கு சில்லரை விற்பனையாளர்கள் தேவை என்றபடி வாட்ஸ் ஆப்பில் தனது செல்போன் எண்ணுடன் விளம்பரமும் செய்துள்ளார். இந்த விளம்பரம்தான் துர்காதேவியையும் அருணையும் இணைத்திருக்கிறது. அருண் புஷ்பவனம் வரும்போதெல்லாம் இரவு நேரத்தில் இருவரும் கடற்கரைக்குச் சென்று ஜாலியாக இருந்துள்ளனர்.ஒருகட்டத்தில் துர்காதேவியின் மீது அருணுக்கு அதிகமாக ஈர்ப்பு ஏற்படவே, தனது கழுத்தில் கிடந்த 2 பவுன் தங்கச்செயினை கழற்றி தனது அன்புப் பரிசாக துர்காதேவியின் கழுத்தில் போட, இவனிடம் ஏராளமாகக் கறக்கலாம் என்ற பேராசை ஏற்பட்டிருக்கிறது. இடையே அருணைத் தேடி துர்காதேவி சேலம் செல்ல அங்கிருந்து இருவரும் காரில் ஏற்காடு சென்று லாட்ஜில் அம்மா, மகன் என பொய் சொல்லி அறை எடுத்து தங்கி உல்லாசமாக இருந்துள்ளனர்.அப்படித்தான் 18ம் தேதி வேதாரண்யம் வந்த அருண் இரவு 7.30 மணியளவில் துர்காதேவியை சந்திக்க அழைப்பு விடுக்க, இருவரும் புஷ்பவனம் கடற்கரைப் பகுதிக்குச் சென்று ஜாலியாக இருந்துள்ளனர். அப்போது ஒரு லட்ச ரூபாய் பணம் வேண்டும் என்று துர்காதேவி கேட்க, இருவருக்குமிடையே தகராறு ஏற்பட்டிருக்கிறது.ஒருகட்டத்தில் துர்காதேவி, ‘நீ பணம் தராவிட்டால் நமது கள்ளத்தொடர்பை வெளியில் எல்லோரிடமும் கூறிவிடுவேன்’ என்று மிரட்டியிருக்கிறார். ஆனாலும் அசராத அருண் கிளம்பிச் செல்ல முயன்றபோது, காரின் முன்நின்று துர்காதேவி தடுத்துள்ளார். இதனால் ஆத்திரத்தின் உச்சிக்குச் சென்ற அருண் துர்காதேவி மீது காரை ஏற்றி துடிக்கத் துடிக்கக் கொன்றுவிட்டு, யாருக்கும் சந்தேகம் வராதபடி ‘நகைக்காக நடந்த கொலை’ போல் செட்டப் செய்து தப்பிச்சென்றுள்ளார்ÕÕ என்றனர் அதிர்ச்சி விலகாத குரலில்.துர்காதேவியின் கணவர் சுந்தரமூர்த்தி, “அடிக்கடி இதுபோல் இரவு நேரத்தில் வெளியே சென்று 10 மணிக்குள் வீடு திரும்பிவிடுவார். ஆனால் இப்படியொரு தவறான தொடர்பிற்காகத்தான் வெளியே சென்றுவந்துள்ளார் என்பது தெரியவந்துள்ளது அநீங்கமாக இருக்கிறதுÕÕ என்றார் விரக்தியுடன்.நாகை மாவட்ட எஸ்.பி. ஹர்ஷ்சிங், “முதலில் சந்தேக மரணம் என்றபடி வழக்குப் பதிவு செய்து புலன் விசாரணை மேற்கொண்டதில் மருத்துவக் கல்லூரி மாணவர் அருண் இந்த கொலையை செய்தார் என உறுதி செய்யப்பட்டு தென்னம்புலம் பெட்ரோல் பங்க் அருகே காரில் வந்த அவர் கைது செய்யப்பட்டார். கொலையான துர்காதேவியின் உடலில் இருந்து அருண் எடுத்துச் சென்ற தங்க நகைகள் விரைவில் மீட்கப்படும்ÕÕ என்றார்.கள்ளக்காதல் பொல்லாதது.