லவ் ஜிகாத் ரகசியம் பகிரும் ’தி கேரளா ஸ்டோரி’ தியேட்டர்களில் ரத்தக்களரி?

காஷ்மிரை தொடர்ந்து கேரளாவை அட்டாக் செய்திருக்கின்றன பா.ஜ.க-வின் கலையுலக ஸ்லிப்பர் செல்கள். ’காஷ்மிர் ஃபைல்ஸ்’ திரைப்படம் ஏற்படுத்திய அதிர்ச்சியே தீராத நிலையில் தற்போது ’தி கேரளா ஸ்டோரி’ படம் கேரளாவை நிலைகுலைய வைத்திருக்கிறது! என்னதான் நடக்கிறது இந்த விவகாரத்தில்?பாலிவுட் இயக்குநர் சுதிப்தோ சென் இயக்கியிருக்கும் படம்தான் ‘தி கேரளா ஸ்டோரி’. இந்தப் படத்தில் அதா சர்மா, பிரணவ் மிஷ்ரா, யோகிதா பிஹானி உள்ளிட்ட நட்சத்திரங்கள் நடித்துள்ளார்கள். விரைவில் இந்தப் படம் ரிலீஸாக இருக்கும் நிலையில், ‘உலக நாடுகளுக்கு முன்பாக கேரள மாநிலத்தை அவமானப்படுத்தி, வெட்கித் தலைகுனிய வைக்கும் நோக்கம் கொண்ட படம்’என்று கொந்தளித்திருக்கிறர் கேரள முதல்வர் பினராயி விஜயன்..கேரளாவில் இந்து மற்றும் கிறிஸ்தவ மதத்தைச் சேர்ந்த ஆயிரக்கணக்கான பெண்கள் ‘லவ் ஜிகாத்’மூலம் மதமாற்றம் செய்யப்பட்டு ஐ.எஸ். பயங்கரவாத இயக்கத்தில் சேர்க்கப்பட்டிருக்கிறார்கள் என்பதுதான் படம் சொல்லும் ஒன்லைன். இந்த படத்தில் கூறப்பட்டிருக்கும் விஷயங்கள் உண்மைதானா? என்று இந்து முன்னணி மாநில செய்தி தொடர்பாளர் ஏ.டி.இளங்கோவனிடம் பேசினோம்.”லவ் ஜிகாத்’என்பது ஒரு வகையான போர் முறை. பெண்களை திட்டமிட்டு காதலித்து அவர்களை மதம் மாற்றி திருமணம் செய்துகொள்வார்கள். சில வருடங்கள் குடும்பம் நடத்தி, குழந்தைகள் பெற்ற பிறகு விவாகரத்து செய்துவிடுவார்கள். பொதுவாக மதம் மாறி திருமணம் செய்துகொண்டு செல்லும் இந்துப் பெண்களை சம்பந்தப்பட்ட குடும்பத்தினர் ஒதுக்கி வைத்து விடுவார்கள். இதனால் விவாகரத்து ஆன பிறகு அவர்களுடைய வாழ்க்கையே சீரழிந்துவிடுகிறது..ஒருவேளை விவாகரத்து செய்யவில்லை என்றாலும் அவர்களால் இஸ்லாமிய முறைப்படி வாழ்க்கை நடத்துவது மிகவும் கடினம். தொடக்க காலத்தில் இந்து குடும்பத்தில் செல்வாக்கு மிகுந்த பெண்களை ’லவ் ஜிகாத்’ செய்வது வழக்கமாக இருந்தது. இப்போது கிறிஸ்தவ பெண்களையும் தங்கள் பக்கம் இழுக்க துவங்கி உள்ளனர்.கமலா தாஸ் கேரளாவில் புகழ்பெற்ற பெண் எழுத்தாளர் மற்றும் கவிஞர். அவருக்கு ஏற்கெனவே திருமணம் ஆகி குழந்தை இருந்தது. பல ஆண்டுகளுக்கு பிறகு அவருடைய கணவர் இறந்து விட்டார். அவருடைய மூன்று மகன்கள் வெவ்வேறு பகுதிகளில் செட்டில் ஆகிவிட்டனர். அவரின் மூத்த மகன் திருவாங்கூர் ராஜ குடும்பத்தில் ஒரு இளவரசியை திருமணம் செய்துகொண்டார்..60 வயதில் தனியாக இருந்த கமலா தாஸை, முஸ்லிம் லீக் அமைப்பை சேர்ந்த சாதிக் அலி எம்.பி., காதல் வலையில் வீழ்த்தினார். செல்வாக்கு மிக்க கமலாதாஸை காதலித்து அவரே இஸ்லாமியராக மதம் மாற்றி திருமணம் செய்து கொண்டார். இதற்கு பிறகு அவரை பல வகையில் துன்பப்படுத்தினார் சாதிக் அலி. ’புர்கா அணிய வேண்டும்; வெளியே செல்லக்கூடாது ’ என எக்கச்சக்க கெடுபிடிகள்.இறுதியில் கமலாதாஸ் இறந்துவிட்டார். அவரது மரணம்தான் முதல் முதலில் ’லவ் ஜிகாத்’பற்றிய சர்ச்சையை கேரளாவில் பெரியளவில் ஏற்படுத்தியது. ’லவ் ஜிகாத்தை தடுப்பதற்காக சட்டம் இயற்ற வேண்டும்’ என 2009ம் ஆண்டு கேரள உயர் நீதிமன்றமே உத்தரவிடும் அளவிற்கு நிலைமை மோசமானது. கேரளா முழுவதும் 30 ஆயிரம் பெண்கள் இதேபோல் ’லவ் ஜிகாத்’ செய்யப்பட்டு இருக்கலாம் என சொல்லப்படுகிறது..இந்துக்களை தொடர்ந்து கிறிஸ்தவ பெண்களும் லவ் ஜிகாத்தால் பாதிக்கப்பட்டிருக்கிறார்கள். இதை எதிர்த்து இந்துக்களும் கிறிஸ்தவர்களும் ஒன்று சேர்ந்து லவ் ஜிகாத்திற்கு எதிராக குரல் கொடுக்க தொடங்கி உள்ளனர். எனவே ‘தி கேரளா ஸ்டோரி’ படத்தை கேரளாவில் மட்டுமல்லாமல் உலகம் முழுவதும் ரிலீஸ் செய்யப்பட வேண்டும்” என்றார்.தமிழ்நாடு முஸ்லிம் லீக் நிறுவன தலைவர் வி.எம்.எஸ்.முஸ்தபாவோ, “முஸ்லிம்கள் மீது வெறுப்புணர்வை தூண்டுவதற்காகவே இப்படிப்பட்ட படத்தை எடுத்துள்ளார்கள். ‘தி கேரளா ஸ்டோரி’படம் மதவாத சக்திகளின் தொழிற்சாலையில் தயாரிக்கப்பட்டது. சினிமா தயாரிப்பாளர் ஆதம்பாவா, ’லவ் ஜிகாத்தை ஆதாரங்களு டன் நிரூபித்தால் ஒரு கோடி ரூபாய் தர தயார்’ என்கிறார். இந்த சவாலை இந்து அமைப்புகள் ஏற்கத் தயாரா?.இஸ்லாமியர்களுடன் அனைத்து மதத்தை சேர்ந்தவர்களும் நெருக்கமான உறவில் இருக்கிறார்கள். இதை பிடிக்காத மதவாத சக்திகள் தேவை இல்லாத சர்ச்சைகளைக் கிளப்பிவிடுகிறார்கள். வளர்ந்து வரும் நாடுகளில் காதல் திருமணம் செய்து கொள்வது சகஜமானது. இஸ்லாமைச் சேர்ந்த பெண்களும் இந்து சகோதரர்களை காதலித்து திருமணம் செய்து இந்துக்களாக மதம் மாறியிருக்கிறார்கள். இது நடைமுறை வாழ்க்கையில் சகஜம். கலப்பு திருமணங்களை ’இந்துத்துவ சதி’என சொல்லிவிடலாமா? கேரளாவில் காலூன்ற முடியாத பா.ஜ.க., திரைப்படங்கள் வழியாக பொய் பிரச்சாரத்தில் ஈடுபட்டு உள்ளே நுழைய பார்க்கிறது” என்றார் ஆதங்கத்துடன்.இருதரப்பு சர்ச்சைகள் குறித்து, பட இயக்குநர் சுதிப்தோ சென் ஐ தொடர்புகொண்டப்போது, அவர் தொடர்ந்து தொடர்பு எல்லைக்கு வெளியில் இருந்ததால், கேரளாவின் நட்சத்திர இயக்குனர் ஷாஜி கைலாஷிடம் பேசினோம். “கலைஞர்கள் பொதுவானவர்கள். உண்மை சம்பவங்களை படமாக கொண்டு வரும்போது இதுபோன்ற சிக்கல்களை கலைஞர்கள் எதிர்கொள்வது வழக்கம். கதைக் களத்துக்கான ஆதாரங்கள் இல்லாமல் இப்படத்தை டைரக்டர் சுதிப்தோ சென் கண்டிப்பாக எடுத்து இருக்க மாட்டார் என்பது என் நம்பிக்கை” என்றார் சிரித்தபடி. நாட்டை கலவரக் காடாக்கிவிட வேண்டாம்!- ஜி.ஜி.கே

லவ் ஜிகாத் ரகசியம் பகிரும் ’தி கேரளா ஸ்டோரி’ தியேட்டர்களில் ரத்தக்களரி?

Related Stories