சுவாமி வம்பானந்தா: டிக் டிக் டிக்... 20 நிமிடங்களில் உண்மையை கக்கி விடுவார் பாலாஜி! கூல் மூடில் அமலாக்கத்துறை...

வாட்ஸ் ஆப் வீடியோ காலில் வந்த சிஷ்யை “நலமாக இருக்கிறீர்களா சுவாமி?” என்று நமுட்டுச் சிரிப்பு சிரிக்க, அதை அட்டெண்ட் செய்தபடியே ஆசிரமத்துக்குள் என்ட்ரி கொடுத்த வம்பானந்தா “காணொளியைத்தான் இருட்டடிப்பு செய்தார்கள். குறைந்தபட்சம் ‘இன்னும் வலிக்கிறது’என்று நீதிமன்றத்துக்கு சொன்ன குரலையாவது ஒலிக்கவிட்டிருக்கலாம்” என்றபடி சிஷ்யை கொடுத்த ஃபில்டர் காபியைக் கையில் எடுத்தார்..“செந்தில் பாலாஜியை அமலாக்கத்துறை விசாரிக்கவிடாமல் மிக சாமர்த்தியமாக காயை நகர்த்துகிறதே கழகம்?”“அது தொடர்பாக அமலாக்கத்துறைக்கு எந்த டென்ஷனும் இல்லை. ஒரு சின்ன தகவல் சொன்னால் உனக்கு எளிதாகப் புரியும். செந்தில்பாலாஜியிடம் அமலாக்கத்துறை விசாரணை நடத்தியபோது அந்தக் குழுவில் மனோதத்துவ நிபுணர் ஒருவரும் கலந்திருந்தாராம். செந்தில்பாலாஜியை ஹாலில் உட்கார வைத்து அதிகாரிகள் விசாரணை மேற்கொண்டபோதே அவரையே அறியாமல் அவருக்கு உதறல் எடுத்ததை மனோதத்துவ நிபுணர்கள் நோட் செய்திருக்கிறார்கள். இதையடுத்துதான், அமலாக்கத்துறை மிகவும் கூலாக இருக்கிறது. இதை முன்வைத்துதான் ‘அவர்கிட்ட 20 நிமிஷத்துல உண்மையை வரவழைச்சிட முடியும்’ என்று டெல்லி மேலிடத்திடம் கூலாக கூறினாராம் அதிகாரி ஒருவர். “மதுபான ஆலை விவகாரம் ஒன்று கசிகிறது கவனித்தீரா?”“வெளிநாட்டு மதுபான ஆலையுடன் ஒப்பந்தம் அடிப்படையில் இணைந்து தஞ்சையில் மிகப்பெரிய மதுபான ஆலையைத் திறக்க மும்முரமாக இருந்தது வி.வி.ஐ.பி குடும்பம் ஒன்று. கட்டுமானப்பணிகள் உட்பட அத்தனை பணிகளும் ஜெட் வேகத்தில் முடிந்து லைசன்ஸுக்காக வெயிட்டிங். அது வந்தால் ரிப்பன் கட் செய்துவிடலாம் என்று காத்திருந்த நேரத்தில்தான் எல்லா சகுனங்களும் அதற்கு எதிராகவே அமைந்துவிட்டன.கள்ளச்சாராய சாவு, அமைச்சர் செந்தில்பாலாஜி கைது, டாஸ்மாக் நிறுவனம் மீதான சர்ச்சைகள் என்று அடுத்தடுத்து அறிகுறிகளே சரியில்லை. இதனால் பதற்றம் அடைந்த வி.வி.ஐ.பி இப்போதைக்கு எதுவும் வேண்டாம் என்று விவகாரத்தை அப்படியே நிறுத்தி வைத்துள்ளாராம்!”.“சில தினங்களாக சீனியர் அமைச்சர்கள் சீற்றம் கொண்டு திரிகிறார்களாமே சுவாமி?” “சில காலமாகவே சீனியர் அமைச்சர்களை கட்டுப்படுத்துவதற்குள் முதல்வர் ஸ்டாலின் படாதபாடுபடுகிறார்.தற்போது செந்தில்பாலாஜி விவகாரத்தால் சீனியர் அமைச்சர்கள் தங்களது குரலை ஸ்டாலினிடம் உயர்த்த தொடங்கிவிட்டார்களாம். துரைமுருகன், கே.என்.நேரு, எம்.ஆர்.கே.பன்னீர்செல்வம், பொன்முடி, ஐ.பெரியசாமி என ஒரு அணியாக சீனியர்கள் திரண்டு செந்தில்பாலாஜி விவகாரத்தில் தி.மு.க தலைமையின் செயல்பாடு மீதான அதிருப்தியை வெளிப்படுத்தி வருகிறார்களாம். பல ஆண்டுகளாக கட்சியில் உழைத்து கொண்டிருப்பவர்களை விட்டு விட்டு, நேற்று வந்த செந்தில் பாலாஜிக்கு வலுவான இரண்டு இலாகாவை ஸ்டாலின் கொடுத்தது தவறு என்று போர்க்கொடி உயர்த்தியுள்ளனர். இதையடுத்து முதல்வர் குடும்பத்திலும் இதுதொடர்பாக யோசிக்க ஆரம்பித்துள்ளார்கள்.”“ஆக... முதல்வர் தொடர்ந்து தர்மசங்கடத்தில் தவிக்கிறார்!” “காவல்துறை செய்தி ஒன்று சொல்கிறேன் கேள். பவர்ஃபுல்லான உளவுத்துறை ஏ.டி.ஜி.பி போஸ்டிங்கில் இருந்த டேவிட்சன் ஆசீர்வாதம் அந்த பதவியில் இருந்து மாற்றப்பட்டிருக்கிறார். ‘பாஸ்போர்ட்’விவகாரத்தில் ஏற்கெனவே விசாரணை வளையத்துக்குள் இருந்தார் டேவிட்சன் ஆசிர்வாதம். தவிரகனியாமூர் பள்ளியின் ’சென்செட்டிவ்’ நிலவரம் குறித்து எந்த தகவலையும் அரசுக்கு தெரிவித்து எச்சரிக்கை செய்யவில்லை என்பதும் முதல்வரின் வருத்தம். அதுவும் போக, அமைச்சர் செந்தில் பாலாஜியின் ரெய்டு விவகாரத்திலும் கோட்டைவிட்டுவிட்டார் என்கிறார்கள். இதையெல்லாம் முன்வைத்துதான் அவரை மாற்றிவிட்டார்கள் என்கிறார்கள். செந்தில்வேலன் ஐ.பி.எஸ் இந்த பொறுப்பை கூடுதலாக கவனிப்பார் என்று அறிவிக்கப்பட்டுள்ளது. அதேசமயம் இன்ட் பதவிக்கு யாரையும் நியமிக்கும் எண்ணம் முதல்வரிடம் இல்லையாம். அநேகமாக டி.ஜி.பி-யாக அறிவிக்கப்படவுள்ள சங்கர் ஜூவாலே ஆஃப் தி ரிக்கார்டாக இந்தப் பொறுப்பையும் சேர்த்து கவனிப்பார் என்று சொல்கிறது கோட்டை வட்டாரம்..தலைமைச் செயலாளர் இறையன்புவின் விவகாரத்திலும் ஒரு குழப்பம் நீடிக்கிறது. இவரது பதவிக்காலம் ஜூன் 30-ம் தேதியுடன் முடிகிறது. இதையடுத்து அந்த இடத்திற்கு சிவதாஸ் மீனாவை கொண்டுவர ஸ்டாலின் முடிவு செய்திருந்தார். ஆனால், இப்போது அதிலும் ஒரு குழப்பம். அதாவது, இறையன்பு, சிவதாஸ் மீனா போன்றவர்கள் க்ளீன் ஆஃபிசர்கள் என்ற இமேஜ் இருப்பதால், இறங்கிச் சென்று டெல்லியில் லாபி செய்ய மாட்டார்கள். அதனாலேயே டெல்லியை சரியாக கையாளத் தவறிவிட்டார் இறையன்பு என்று கூறப்படுகிறது. அதனால், சிவதாஸ் மீனா டெல்லியை எப்படி ஹேண்டில் செய்வார் என்று மேலிடத்தில் ஒரு ஆலோசனை நடந்திருக்கிறது. இதனால், இப்போது தலைமைச் செயலாளர் பட்டியலில் ஹன்ஸ்ராஜ் வர்மாவை கொண்டுவரலாமா என்றும் ஒரு ஆலோசனை நடக்கிறது. ஆனால், இருவரில் ஒருவர்தான் தலைமைச் செயலாளர். அதில் எந்த மாற்றமும் இல்லை.”“நடையாத்திரைக்கு நாள் நெருங்கிக்கொண்டிருக்கும் நிலையில், லண்டனில் முகாமிட்டிருக்கிறாரே அண்ணாமலை?”“லண்டன் போயிருக்கும் பா.ஜ.க தலைவர் அண்ணாமலை அங்கு சில காய்நகர்த்தல்களை செய்துவருகிறார். அதில் முக்கியமான பணி இலங்கை தமிழர்களிடம் பா.ஜ.கவுக்கு நல்ல பெயரை கொண்டு சேர்ப்பதுதான். பல காலமாக திராவிட கட்சிகள் ஈழ அரசியலை மையப்படுத்திதான் தமிழகத்திலும் அரசியல் காயை நகர்த்தி வருகிறார்கள். அதை தட்டி பறிக்க வேண்டும் என்பது அண்ணாமலையின் முடிவு. அதற்காக ஏற்கெனவே பா.ஜ.க-வின் பல டீம்கள் இலங்கை உட்பட பல நாடுகளிலும் செயல்பட்டு வருகின்றன. அந்த டீம் தான் தற்போது அண்ணாமலையை ஈழத் தமிழர்களுடன் சந்திக்க வைத்து வருகிறது. ஈழத்தமிழர்களை அவர்கள் வாயால் ’இந்துக்கள்’என்று சொல்ல வைத்தால், தமிழ்தேசியத்தின் மவுசு குறைந்துவிடும் என்பது அண்ணாமலையின் கணக்கு.இப்படி லண்டனில் பிசியாக இருக்கும் அண்ணாமலை ஜூலையில் தொடங்க வேண்டிய பாதயாத்திரையை மீண்டும் தள்ளிவைக்க இருக்கிறாராம். ஏனெனில் ஜூலையில் தென் ஆப்பிரிக்காவுக்கு பயணிக்க இருக்கிறார். இந்தப் பயணம் குறித்து அவருக்கு நெருக்கமான கட்சிக்காரர்களுக்குக் கூட இதுவரை தெரியாது” மர்மப்புன்னகை ஒன்றை உதிர்த்துவிட்டு புல்லட்டை ஸ்டார்ட் செய்தார் வம்பு..பாக்ஸ்நறுக் சுருக்அண்ணாமலை லண்டனுக்குப் பறந்திருக்கும் அதேவேளையில், வடசென்னை மேற்கு மாவட்ட பா.ஜ.க தலைவர் கபிலன் பாங்காக் பறந்திருக்கிறார். கிளம்பும்போது, , ‘தொடர்ந்து கட்சிக்கு 18 வருடமாக வேலை செய்துவிட்டேன். என் உழைப்பு இருட்டடிப்பு செய்யப்படுகிறது. இது அரசியலில் உதவாது. எனவே, பொறுப்பில் இருந்து விடுபட விரும்புகிறேன்’என்று கடிதம் எழுதி கட்சி அலுவலகத்துக்கு அனுப்பிவிட்டே பயணப்பட்டாராம். ராஜினாமா மகிழ்வுடன் ஏற்றுக்கொள்ளப்படும் என்கிறார்கள்.தி.மு.க. இலக்கியப் பிரிவில் இருக்கும் கலைராஜன் அதிருப்தியில் இருக்கிறாராம். ‘’தி.மு.கவில் உரிய மரியாதை இல்லை. என்னிடம் பணம் இல்லாததால் அரசியல் செய்ய முடியவில்லை. 2021 தேர்தலில் தி.நகர் தொகுதி தருவதாக சொல்லி ஏமாற்றி விட்டார்கள் என்று கண்ணீர் வடிக்கும் கலைராஜன் சேலம் பக்கமும் பார்வையை திருப்பியிருப்பதாக பேச்சு!அ.தி.மு.க ஆட்சிக்காலத்தில் காவிரி நதி படுக்கையை சுத்தம் செய்யப்போவதாக ’நடந்தாய் வாழி காவேரி’ என்ற திட்டம் தொடங்கி அது நீர்த்துப்போன நிலையில் தற்போது நொய்யல் ஆற்று படுக்கையை சுத்தம் செய்யப் போவதாக சொல்லி களத்தில் இறங்கி இருக்கிறது ஜக்கி வாசுதேவின் ஈஷா. இதற்கு உதவியாக தமிழகத்தின் பெரிய ஆதீனங்களையும் ஒன்று திரட்டி உள்ளனர். தற்போது எப்படி கங்கை ஆற்றில் நதி ஆரத்தி நடந்து வருகிறதோ அதேபோல நொய்யல் ஆற்றலும் நொய்யல் ஆற்று ஆரத்தி நடத்த முடிவு எடுக்கப்பட்டுள்ளது..டெல்லி வாத்தியார்சர்ச்சைக்குரிய அமைச்சர் ஒருவர், தினமும் பா.ஜ.க-வின் மூத்த தலைவர்களிடம் வெவ்வேறு அலைபேசிகள் மூலம் பேசிவருகிறார். எதற்காக அவர் இத்தனை நெருக்கம் காட்டுகிறார், ஒருவேளை பா.ஜ.கவில் சேர விரும்புகிறாரா, அவரை தமிழகத்தின் ஏக் நாத் ஷிண்டேவாக மாற்ற முடியுமா என்றெல்லாம் யோசிக்கிறதாம் செங்கோட்டை!பிரதமர் மோடி திடுதிப்பென்று பொது சிவில் சட்டம் பற்றி ஏன் பேச வேண்டும் என்ற கேள்விதான் டெல்லியின் ஹாட் டாபிக். ஜூலை 17ம் தேதி தொடங்கவிருக்கும் மழைக்காலக் கூட்டத் தொடரில் பொது சிவில் சட்ட மசோதாவை பா.ஜ.க அரசு தாக்கல் செய்தால் அது நாடு முழுவதும் பெரும் அதிர்வலைகளை ஏற்படுத்தும் என்று நோட் அனுப்பியிருக்கிறதாம் மத்திய உளவுத்துறை!செந்தில் பாலாஜியைத் தொடர்ந்து அடுத்த ரெய்டு பட்டியல் ரெடி. அதன்படி மூன்று அமைச்சர்களின் உறவுகள் தொடங்கி அடிபொடிகள் வரை தகவல் சேகரிக்க ஆரம்பித்துவிட்டது அமலாக்கத்துறை. ஆகஸ்டு புரட்சி நடக்க வாய்ப்பு இருக்கிறது