சுவாமி வம்பானந்தா : விஜய் ரசிகர்களுக்கு `திடீர்' வார்னிங்!

``சொக்கா... ஆயிரம் பொன்னாச்சே... ஆயிரம் பொன்னாச்சே?'' திருவிளையாடல் டயலாக்கை உச்சரித்தபடியே என்ட்ரி கொடுத்த வம்புவுக்கு லெமன் டீ கொடுத்தபடியே, ``என்ன சுவாமி.. காலையிலேயே திருவிளையாடல் புராணத்தைப் பாட ஆரம்பித்துவிட்டீர்கள்'' எனக் கேட்டார் சிஷ்யை.``இதுவும் ஒருவகையான திருவிளையாடல்தான். மலைக்குப் பெயர் பெற்ற ஊர் அது. அங்குள்ள காவல்நிலையத்தில், `5 லட்ச ரூபாய் பணத்தைக் காணவில்லை' என்ற புகார் பதிவாகியுள்ளது. இந்தப் புகாரின் பின்னணியை விசாரித்தால் அதிர்ச்சியோ அதிர்ச்சி. தி.மு.க.வினரை குறிவைத்து ஐ.டியும் இ.டியும் வலைவீசிக் கொண்டிருக்க, பணத்தைப் பதுக்கும் வேலைகளில் சிலர் தீவிரம் காட்டி வருகின்றனர்.அதன் ஒருகட்டமாக, தன்னிடம் இருந்த ரொக்கப்பணம் 5 கோடியை பிரதான உதவியாளரிடம் கொடுத்து, `நம்பிக்கையானவர்கள் வீட்டில் வை' எனக் கூறியிருக்கிறார், சீனியர். அவரும், தனது உறவினர் வீட்டில் பணத்தைப் பதுக்கியிருக்கிறார். கடந்த வாரம், அந்தப் பணத்தை சீனியர் கேட்கவே, பணத்தை எடுக்கப் போயிருக்கிறார். அங்கு பணம் மிஸ்ஸிங்.பணம் காணாமல் போனதாக உதவியாளர் கூற, கடுப்பான சீனியர் லோக்கல் போலீஸிடம் விசாரிக்குமாறு கூறியிருக்கிறார். போலீஸாரும், தங்கள் பாணியில் லாடம் கட்டத் தொடங்க, இன்னொரு டீம் பணப்பெட்டியை வலைவீசி தேடி வருகிறது. `யார் அந்த மிஸ்டர் எக்ஸ்?' என்பதுதான் தி.மு.க வட்டாரத்தின் பரபர டாபிக்''..``முதல்வரின் ஆல்டைம் குட்புக்கில் இருக்கும் அமுதா ஐ.ஏ.எஸ். தனது அதிரடியை தொடங்கிவிட்டாரே?''`` உள்துறை செயலாளராக அமுதா ஐ.ஏ.எஸ்., பொறுப்பேற்ற நாள்முதல் அதிரடியைத் தொடர்ந்து வருகிறார். புதிய டி.ஜி.பி.யாக சங்கர் ஜிவால் பொறுப்பேற்றார். இந்நிலையில், `தமிழகத்தில் சட்டம்-ஒழுங்கு சரியில்லை' என எதிர்க்கட்சி தலைவர் எடப்பாடி பழனிசாமி, பா.ஜ.க. மாநில தலைவர் அண்ணாமலை உள்ளிட்டோர் தொடர்ந்து குற்றம்சாட்டி வருகின்றனர்.இந்தநிலையில், காவல்துறையில் அதிரடி மாற்றங்களை நடைமுறைப்படுத்த முடிவெடுத்த அமுதா. டி.ஜி.பி.யுடன் ஆலோசனை மேற்கொண்டார். இதைத் தொடர்ந்து ஆகஸ்ட் 4-ம் தேதி, 27 ஐ.பி.எஸ். அதிகாரிகள் மாற்றப்பட்ட நிலையில், அதற்கு மறுநாளான ஆகஸ்ட் 5-ம் தேதி 33 ஐ.பி.எஸ். அதிகாரிகளை இடமாற்றம் செய்து உத்தரவிட்டார், அமுதா ஐ.ஏ.எஸ். `சட்டம்-ஒழுங்கை நிலைநிறுத்தவே இந்த அதிரடி' என்பது உள்துறை வட்டாரத்தின் தகவல்''.``தி.மு.க.வில் மீண்டும் மண்டல தலைவர் பதவி வரப் போகிறதாமே?''``ஆமாம். அதன் பின்னணியில் சில `எடுபடாத' முயற்சிகளும் இருக்கின்றன. தி.மு.க.வில் மாவட்ட செயலாளர்களில் சிலர் அமைச்சர்களாகவும் இருக்கிறார்கள். எனவே, அமைச்சர்களாக இருப்பவர்களின் கட்சிப் பொறுப்பை பறிக்க வேண்டும் என்ற முடிவுக்கு வந்தார், ஸ்டாலின். ஆனால் அது நடக்கவில்லை. இதன்பிறகு, `அதிக தொகுதிகளை வைத்திருக்கும் மாவட்ட செயலாளர்களிடம் இருந்து தொகுதிகளை வாங்கி புதியவர்களை மா.செ.வாக கொண்டு வரவேண்டும்' எனத் திட்டமிட்டார். அதுவும் எடுபடவில்லை.இதனைத் தொடர்ந்து, 2024 நாடாளுமன்றத் தேர்தலுக்கு முன்பு கட்சியில் ’மண்டல தலைவர்கள்’ என்ற பதவியை அமலுக்குக் கொண்டு வர முடிவு செய்திருக்கிறார் ஸ்டாலின். இதை சீனியர்களுக்கு மட்டுமே கொடுக்கும் முடிவுக்கு வந்திருக்கிறார் ஸ்டாலின். இது ஏற்கனவே கடைபிடிக்கப்பட்டு வந்த நடைமுறைதான். இதில் பல சண்டை சச்சரவுகள் வந்ததால் மண்டல தலைவர் பதவிகள் முடக்கி வைக்கப்பட்டன. இதனை மீண்டும் கொண்டுவருவது குறித்து தீவிர ஆலோசனை நடந்து வருகிறதாம்''..``அ.தி.மு.க முகாமிலும் பதவிகள் குறித்த பேச்சு கிளம்பியுள்ளதே?''`` ஆமாம். அ.தி.மு.க.வில் கன்னியாகுமரி, தஞ்சாவூர், தேனி, பெரம்பலூர், திருச்சி உள்பட மொத்தம் 7 மாவட்ட செயலாளர் பதவிகள் காலியாக உள்ளன. இதுதவிர, சிறுபான்மைப் பிரிவு, வர்த்தகர் பிரிவு மற்றும் மீனவர் அணி ஆகிய 3 சார்பு அணிகளின் தலைவர்கள் பதவிகளும் நிரப்பப்படவில்லை. மதுரையில் மாநாடு முடிந்ததும் இதனை நிரப்ப முடிவு செய்திருக்கிறார், எடப்பாடி பழனிசாமி.அதேபோல், அ.தி.மு.க மாவட்ட செயலாளர்கள் கூட்டம் ஆகஸ்ட் 4ம் தேதி நடந்தது. இதில் மதுரை மாநாடு குறித்து பல கோணங்களில் விவாதித்த எடப்பாடி பழனிசாமி,‘மாநாட்டுக்கு வருபவர்கள் யாருக்கும் சரக்கு வாங்கி கொடுக்கக்கூடாது’ என கடும் உத்தரவை பிறப்பித்து இருக்கிறார்.அதேபோல், உறுப்பினர் சேர்க்கையில் தமிழக அளவில் யார் யார் அதிக நபர்களை சேர்த்துள்ளனர் என்ற பட்டியலையும் வெளியிட்டார் எடப்பாடி. அதில், முதலிடத்தில் புதுக்கோட்டை சி.விஜயபாஸ்கர், இரண்டாவது இடத்தில் கே.பி.கந்தன், 3வது இடத்தில் குமரகுரு, 4வது இடத்தில் வேலுமணி ஆகியோர் இருக்கிறார்களாம். சென்னையை பொறுத்தவரை ஆர்.எஸ்.ராஜேஷ் முதலிடத்திலும் தரவரிசைப்பட்டியலில் 9வது இடத்திலும் இருக்கிறாராம்''.``ஓஹோ... பா.ஜ.க.வில் `சன்டே சென்டிமென்ட்' ஒன்று ஓடிக் கொண்டிருக்கிறதே?''`` ஆமாம். பொதுவாக, `ஞாயிற்றுக்கிழமைகளில் பா.ஜ.க தேசியத் தலைவர் ஜே.பி.நட்டா யாரையும் சந்திக்க மாட்டார். ஆனால், அண்ணாமலையை ஞாயிற்றுக்கிழமை அழைத்து இருக்கிறார் என்றால் அதில் அரசியல் முக்கியத்துவம் அடங்கியிருக்கிறது' என அடித்துச் சொல்கிறது டெல்லி வட்டாரம்.ஆனால், மத்திய உள்துறை அமைச்சர் அமித்ஷாவின் பரிபூரண ஆசிர்வாதம், அண்ணாமலைக்கு இருப்பதாகவும் ஒரு தகவல். அ.தி.மு.க உட்பட அனைத்து கட்சிகளையும் அவர் அடித்து ஆடினாலும் ‘ரெட் சிக்னல்’ விழாது. காரணம். ஜூலை 28ம் தேதி நடந்த பாதயாத்திரை தொடக்கவிழாவை வெகு விமரிசையாக அண்ணாமலை நடத்தியதுதான். அங்கு கூடிய கூட்டத்தைப் பார்த்து அமித் ஷா ரொம்பவே ’இம்ப்ரஸ்’ ஆகிவிட்டாராம்.எனவேதான், ஆகஸ்ட் 6ம் தேதி அவரை டெல்லிக்கு அழைத்தார் அமித் ஷா. அப்போது, `அ.தி.மு.கவை விமர்சித்தால் அது தமிழக அரசியலில் எந்த மாதிரியான பாதிப்பை ஏற்படுத்தும். அதை பா.ஜ.க.வுக்கு சாதகமாக மாற்றிக் கொள்வது எப்படி?’ எனக் கேட்டதாவும் சொல்கிறார்கள்''.`` டெல்லி தகவல்கள் சூட்டைக் கிளப்புவது ஒருபுறம் இருக்கட்டும். பாதயாத்திரையால் விஜய் முகாமிலும் சலசலப்பு கிளம்பியதே?''`` அது தனிக்கதை. ஆகஸ்ட் 5ம் தேதி நடந்த அண்ணாமலையின் பாதயாத்திரையில் விஜய் ரசிகர் மன்றம் சார்பில் அவருடைய ரசிகர்கள் கொடிபிடித்து நின்றதாக செய்திகள் பறந்தன. இதனால் கொதிப்பான விஜய் ரசிகர் மன்றத் தலைவர் புஸ்ஸி ஆனந்த், ஒரு பதிவை வெளியிட்டார்.அதில், 'மன்றத்தின் பொறுப்பில் இருப்பவர்கள் யாரும் பிற கட்சிகளின் கூட்டத்தில் கலந்து கொள்ளவில்லை' என்று ட்வீட் போட்டார். அதோடு, `விஜய் ரசிகர் மன்றத்தைச் சேர்ந்தவர்கள் யாராவது பிற கட்சிகளில் இணைய நினைத்தால் மன்றத்திலிருந்து வெளியேறிவிடுங்கள்’ எனவும் வாய்மொழியாக எச்சரித்திருக்கிறார், புஸ்ஸி ஆனந்த்.``ராகுல் காந்தியின் தகுதிநீக்கத்துக்கு உச்ச நீதிமன்றனம் தடைவிதித்ததை காங்கிரஸ் கொண்டாடினாலும், சத்தியமூர்த்தி பவனில் சத்தமே இல்லையே?''``எல்லாம் டுவிட்டர் பதிவோடு நிறுத்திக் கொண்டுவிட்டார்கள்போல. இந்த வெற்றியை நாடு முழுவதும் பட்டாசு வெடித்து கொண்டாடினாலும் தலைமை அலுவலகமான சத்தியமூர்த்தி பவனில் பெயரளவுக்குக்கூட யாரும் வரவில்லையாம்'.``கமல் குறித்து கே.எஸ்.அழகிரியிடம் ராகுல் பேசியிருக்கிறாராமே?''``ஆமாம். தமிழ்நாடு காங்கிரஸ் கமிட்டி தலைவர் கே.எஸ்.அழகிரி, டெல்லி சென்றபோது அரசியல் நிலவரம் குறித்து ராகுலிடம் பேசியிருக்கிறார். அப்போது, `கமலுக்கு நாம் மரியாதை தர வேண்டும். அவருடைய கருத்துகளை ஏற்றுக்கொள்ள வேண்டும். அவ்வப்போது அவரைப் பாருங்கள்' எனக் கூறியிருக்கிறார். தினமும் வாட்ஸ்ஆப் மூலம் கமலும் ராகுலும் கருத்துகளை பரிமாறிக் கொள்வதுதான் ஹைலைட்''.``அ.ம.மு.க.வில் திடீர் புகைச்சல் கிளம்பியுள்ளதாமே?''`` அ.ம.மு.க.வின் 2-வது பொதுக்குழு சென்னை வானகரத்தில் நடந்தது. இதில், மீண்டும் பொதுச்செயலாளராக தினகரன் தேர்வு செய்யப்பட்டார். அ.ம.மு.க.வில் தொடர்ந்து முன்னிலைப்படுத்தப்பட்ட சி.ஆர்.சரஸ்வதி, ஓர் ஓரமாக அமரவைக்கப்பட்டிருந்தார். சில தினங்களுக்கு முன்பு சென்னை அசோக் நகரில் மழைநீர் வடிகால் பணிகளை ஸ்டாலின் ஆய்வு செய்தபோது, அவருடன் பேசியதோடு, ஸ்டாலினையும் புகழ்ந்திருக்கிறார், சி.ஆர்.சரஸ்வதி. அதுதான் காரணமாம்''.``ஜெயிலர் அப்டேட் எதுவும் இருக்கிறதா சுவாமி?''`` சமீபத்தில் சென்னையில் நடந்த ’ஜெயிலர்’ பட ஆடியோ விழாவில், ‘மது அருந்த வேண்டாம் என்றும் `அது ஆரோக்கியம் மற்றும் மகிழ்ச்சியை பாதிக்கும்' என தன் ரசிகர்களை எச்சரித்தார் ரஜினிகாந்த். இதுதொடர்பான வீடியோ, சமூக வலைதளங்களில் வைரலானது.ரஜினியின் அட்வைஸை கலாய்த்த நெட்டிசன்கள் பலரும், `சென்னையில் ரஜினி நேரடியாக நடத்தி வந்த ’அருணாச்சலா’ ஹோட்டலை முழுநேர மதுகுடிக்கும் கூடமாக மாற்றியது ஏன்?' எனக் கேள்வி எழுப்பத் தொடங்கியுள்ளனர்.அந்த மதுக்கூடத்தின் புகைப்படத்தையும் பதிவிட்டு ‘ஊருக்குத்தான் உபதேசமா?’ என ஜெயிலரை டயர்டாக்கி வருகின்றனர். என்ன செய்வது. ஜெயிலருக்கு நேரம் சரியில்லை'' எனக் கூறிவிட்டு கச்சேரிக்கு என்ட் கார்டு போட்ட வம்பு, ஜனாபதி திரௌபதி முர்மூ வருகை தொடர்பான செய்திகளில் மூழ்கத் தொடங்கினார். - வம்பானந்தா