ரீடர்ஸ் ரியாக்ஷன்: சிவப்பு நிற அட்டைப்படமே சாட்சி!

‘பள்ளியில் சாதி, கோயிலில் சாதி, குடிநீரில் சாதி, எங்கே சமூக நீதி?நாசமான நாங்குநேரி’ கட்டுரை மனதை பதைபதைக்க வைத்துவிட்டது. வகுப்பு ஆசிரியர் போட்ட தூபம் தானா.. சாதித் தீ பற்றி எரிகிறதோ? பட்டியலின மக்களுக்கு இன்று மட்டும் அல்ல, சுதந்திரம் பெற்ற நாளில் இருந்தே நடந்து கொண்டுதான் இருக்கிறது. தேர்தல் நேரத்தில் மட்டும்தான் அவர்களுக்குக் குரல் கொடுக்க சில கட்சிகள் வருகின்றன.-தே.மாதவராஜ், கோயம்புத்தூர்.‘நாசமான நாங்குநேரி’ என்ற தலைப்பில் வந்துள்ள குமுதம் ரிப்போர்ட்டரின் சிவப்பு நிற அட்டைப் படமே, இன்றைய தமிழகத்தில் சமூகநீதி வெட்டப்பட்டு ரத்தம் சிந்தி மருத்துவமனையில் கோமா நிலையில் இருப்பதை படம் பிடித்துக் காட்டிவிட்டது அல்லவா? திராவிட மாடல் அரசு இதற்காகவாவது பதில் வைத்திருக்கிறதா?-அ.குணசேகரன், புவனகிரிதமிழக காங்கிரஸ் மாநிலத் தலைவர் கே.எஸ்.அழகிரியின் செல்வாக்கு என்ன என்பது ரயில் மறியல் போராட்டத்தின்போதே தெரிந்துவிட்டது. தமிழகத்தில் காங்கிரஸ் கட்சியை வளர்த்தாரா? என்றால் அதுவும் இல்லை. காங்கிரஸ் நாளொருமேனி பொழுதொரு வண்ணமாய்தேய வழிகளை வகுத்தவரே அழகிரிதான். இவர் தலைவராக இருக்கும்வரை தமிழக காங்கிரஸின் நிலை கோமாதான்.-குஞ்சன்விளை ரவி, கன்னியாகுமரி.ரஜினி சொன்னதை நிரூபித்துவிட்டார். ‘72 வயசில் நான்தான் சூப்பர் ஸ்டார். வசூலில் நம்பர் 1’ என்று கெத்து காட்டிவிட்டு கலைப் பயணத்துக்கு குட்பை சொல்வதைத் தவிர்த்து, இமயமலை சென்றுவிட்டார். ‘ரஜினியின் உயிர் மூச்சு உள்ளவரை அவரின் கலைப் பயணம்தான் எங்களுக்கு சாகாவரம். 100 வயசானாலும் உன் ஸ்டைலும் அழகும் உன்னை விட்டுப்போகல’ என அதே நீலாம்பரி சொன்னாலும் ஆச்சரியப்படுவதற்கில்லை.-பி.எம்., விழுப்புரம்‘கட்சிக்குக் கொடுக்க காசு இல்லை... பாதயாத்திரைக்கு பட்டுக் கம்பளம்! மாஜிக்களை எச்சரித்த எடப்பாடி’ என்ற கட்டுரையைப் படித்ததும் அரசியல்வாதிகள் தங்களைக் காப்பற்றிக் கொள்ள எந்த எல்லைக்கு வேண்டுமானாலும் போவார்கள். அதில், அ.தி.மு.க. மாஜிக்கள் விதிவிலக்கல்ல என்பது தெளிவாயிற்று. அதேநேரம், அ.தி.மு.க. செய்தித் தொடர்பாளர் சிவசங்கரியின் வாதத்தையும் ஒதுக்கிவிட முடியாது.-இரா.வளையாபதி, தோட்டக்குறிச்சிபோலி ஹெல்த் கிளினிக் நடத்த அனுமதி கொடுத்த திருப்பத்தூர் மாவட்ட மருத்துவ இணை இயக்குநரின் சப்பைக்கட்டுகள், சால்ஜாப்புகள் எல்லாம் கண்டனத்துக்குரியது. அதிலும், அலுவலகத்தில் ஒரு ஊழியர்கூட இல்லை என்பது நம்பும்படியாக இல்லை. ஜீப்புக்கு பெட்ரோல் போடவும் மற்ற சொந்த செலவுக்கும் எப்படி சமாளித்திருப்பார் என்பது தெளிவாகத் தெரிகிறது.-ஆர்.எஸ்.மனோகரன், முடிச்சூர்