ரீடர்ஸ் ரியாக்ஷன்: சனாதனமா...திராவிடமா?

‘பௌர்ணமியில் பூஜை! எம்.பி.க்களுக்கு ரேங்க் கார்டு... வாரிசுகளுக்கு ரெட் கார்டு அறுவடைக்குத் தயாராகும் அறிவாலயம்!’ கட்டுரை சரவெடி போங்கள். ‘இந்தியா’ கூட்டணியில் ஸ்டாலின் வியூகம் அதிரடிதான். வாரிசுகளைப் புறக்கணித்து, கூட்டணிக் கட்சிகளுக்கு சீட்டைக் குறைத்து, 30 சீட்டாவது தி.மு.க தனித்து வெற்றிபெற்றால் டெல்லியை ஒரு பிடி பிடிக்கலாம் என்ற நோக்கத்தில் களமிறங்கிவிட்டார். சனாதனமா... திராவிடமா? என்ற கேள்விதான் தமிழ் மண்ணில் ஓடிக்கொண்டு இருக்கிறது. பொறுத்திருந்து பார்ப்போம்.-தே.மாதவராஜ், கோயம்புத்தூர்சந்திரயான் ராக்கெட் ஏவுதளத்தை அமைத்த இஸ்ரோவின் கனரக பொறியியல்துறை ஊழியர்களுக்கு 15 மாத சம்பள பாக்கி என்ற தகவல் இஸ்ரோவின் சமீபத்திய சாதனைக்கு திருஷ்டியாக அமைந்திருந்தது என்றாலும், சாதனைக்கு அடித்தளமிட்ட ஊழியர்களுக்கு சம்பள பாக்கி என்பது ஏற்றுக்கொள்ள முடியாத ஒன்று. எனவே, சம்பந்தப்பட்ட ஊழியர்களின் கண்ணீரை உடனடியாக மத்திய அரசு துடைக்க வேண்டும்.-இரா.வளையாபதி, தோட்டக்குறிச்சிஉடல் வலியின்றி பணம் வந்தால் அது சொகுசு வாழ்க்கைக்கு வழிதேடும். அந்தவகையில் சர்ச் பணத்தில் சல்லாபம் தேடியதும் மக்கள் கணக்குக் கேட்டபோது கோபத்தில் சாபம் கொடுப்பதும் வாடிக்கைதானே? இவர்கள் எல்லாம் தேவ தூதர்களானால் நாடு தாங்குமா?-என்.ஏ.நாகசுந்தரம், குஞ்சன்விளை.‘திருமணம் செய்துகொள்வதாக சீமான் சொன்னதை நம்பி ஏழு முறை கருக்கலைப்பு செய்தேன்’ என்று விஜயலட்சுமி சொன்னதாக வம்பானந்தா பகுதியில் படித்தபோது கஜினி முகமதுதான் நினைவுக்கு வந்துபோனார். ஆம், இந்தியா மீது 17 முறை படையெடுத்து வந்ததுபோல விஜயலட்சுமியும் விடாமல் சீமானை துரத்தி வருகிறார். அரசியல் வாக்குறுதி போலத்தான் திருமண வாக்குறுதியும் என்பது நடிகைக்கு தெரியாதோ!-எஸ்.மந்திரமூர்த்தி, புதுச்சத்திரம்சந்திரயான் ராக்கெட் ஏவுதளத்தை அமைத்த கனரக பொறியியல் ஊழியர்கள் 15 மாத சம்பள பாக்கிக்காக போராடி வருவது வருத்தமளிக்கிறது. தேசத்தின் பெருமையை கட்டிக் காத்தவர்களுக்கா இந்தக் கொடுமை? மத்திய அரசு அவர்களுக்கான சம்பளத்தை வழங்க வேண்டும்.-சு.ஆறுமுகம், கழுகுமலை.சமூகத்தில் ஏற்றத்தாழ்வு, சாதி வெறுப்பை ஆகியவற்றை களைய முன்னாள் முதல்வர் கருணாநிதியின் சிந்தனையில் உதித்ததுதான் பெரியாரின் கனவுத் திட்டமான சமத்துவபுரக் குடியிருப்புத் திட்டம். அவற்றிலும் உடன்பிறப்புகளே ஏழை, பணக்காரன் வித்தியாசம் பார்த்து வீடுகளை ஒதுக்கியதுதான் திராவிட மாடலோ?-ரங்கநாதன், சிவகங்கை