ரீடர்ஸ் ரியாக்ஷன்: ரஜினி குறித்து அச்சப்பட வேண்டாம்!

‘கோடநாட்டில் கொள்ளை போனது பணம் அல்ல’ கட்டுரை வேற லெவல். எத்தனை ஆண்டுகள் அரைத்த மாவை அரைப்பது. திடீர் திடீரென்று கட்டுக்கதைகள் வரும், பின்பு மறைந்து போகும். எங்களுக்கும் எத்தனை முறைதான் மர்ம நாவலை படிப்பது? ‘ஆட்சிக்கு வந்த அடுத்த நொடி நடவடிக்கை எடுக்கப்படும்’ என்று சொன்னவர், இன்று வாய்மூடி மௌனியாகவே இருக்கிறார்.-தே.அண்ணாதுரை, கம்பம்‘கோட்டைக்குள் ஓட்டை’ கட்டுரை நூறு சதவிகிதம் உண்மை நிலையை விளக்கி உள்ளது. சட்டமன்றக் கூட்டம் நடக்கும்போதும் மத்திய, மாநில அரசின் நிபுணர்கள் கூடும் கருத்தரங்குகளின்போதும் கோட்டையில் ஏற்படும் நெருக்கடி, பாதுகாப்பு குறைபாடுகளை ஏற்படுத்துகிறது. ஊழியர்களுக்கும் இடநெருக்கடி, வாகனங்கள் நிறுத்த இடமின்மை, கட்டடங்களின் உறுதியற்றத்தன்மை போன்ற ஏகப்பட்ட சிரமங்கள் உள்ளன. தலைமைச் செயலகத்துக்கென கட்டப்பட்ட ஓமந்தூராரில் அரசு கட்டடங்களை மாற்றியமைப்பதுதான் ஒரே வழி.-ஆர்.எஸ்.மனோகரன், முடிச்சூர்.மழை ஓய்ந்தாலும் தூவானம் ஓயவில்லை என்பதுபோல் நடிகர் ரஜினிகாந்த், தனக்கு அரசியல் வேண்டாம் என பின்னங்கால் பிடரியில் அடிக்க ஓடிய பின்னரும் அவரை வம்பாக அரசியலில் நுழைப்பது தேவையில்லாத செயல். ரஜினிகாந்த் வாய்ஸ் கொடுத்தால் தமிழக அரசியல் களம் மாறும் என்ற நிலை இன்றில்லை. எனவே, அரசியல்வாதிகள் ரஜினி குறித்து அச்சப்பட வேண்டாம்.-குஞ்சன்விளை ரவி, கன்னியாகுமரிபிரமாண்டமான இயக்குநர் ஷங்கர், நடனப் புயல் பிரபுதேவா என இருவரையும் உலக வெளிச்சத்துக்கு மேடை போட்டுக்காட்டிய ‘ஜென்டில்மேன்’ கே.டி.குஞ்சுமோனுக்கு இந்த இருவர்கள் காட்டிய விசுவாசம் பற்றி நம்ம லைட்மேன் வச்சாருங்க பாரு ஒரு பஞ்ச்; ‘இந்த ஜென்டில்மேன்களை வலைவீசித் தேடினாலும் கண்டுபிடிக்க முடியாத இடம் தமிழ்த் திரையுலகம். இதைவிட நெத்தியடி வேறு என்ன இருக்க முடியும்? ஏற்றிவிட்ட ஏணியை மறக்கலாமா!-எம்., விழுப்புரம்‘தலைவர் பிரபாகரனுடன் 150 போராளிகள் துணை நிற்கிறார்கள்’ என்று கூறுவதே வடிகட்டிய பொய். இதிலிருந்து, `தாரகா புருடாவிடுகிறார்' என்பதை துல்லியமாக உணர முடிகிறது.-ஆர்.கே.லிங்கேசன், மேலகிருஷ்ணன்புதூர்நடந்து முடிந்த மதுரை அ.தி.மு.க. மாநாட்டுக்கு தி.மு.க.அமைச்சர் வாரிவழங்கியதில் ஆச்சரியமில்லை. தற்போது ஆட்சியமைப்பில் தி.மு.க. ‘உள்ளே’, அ.தி.மு.க. ‘வெளியே’. இந்த நிலை எப்போது வேண்டுமானாலும் மாறலாம், வரலாம். ஆனாலும், தி.மு.க.வின் புத்திசாலி அமைச்சரைப் பாராட்டியே ஆகவேண்டும்.-எஸ்.மந்திரமூர்த்தி, புதுச்சத்திரம்