ரீடர்ஸ் ரியாக்ஷன்: எடப்பாடியின் பகல் கனவு!

`உளவு சொல்லும் 10 அதிகாரிகள்... களவு போகுதா ரகசியம்? சி.எம். கனவில் எடப்பாடி!' கவர் ஸ்டோரி, `கூரை ஏறி கோழி பிடிக்க முடியாதவன் வானம் ஏறி வைகுண்டம் போன கதையாக இருக்கு. அ.தி.மு.க.வில் புது பாய்ச்சலை புகுத்தினால் மட்டுமே எந்த தேர்தல் வந்தாலும் எடப்பாடியால் வெற்றிபெற முடியும். அதை விட்டுவிட்டு, வெறும் 10 அதிகாரிகளை வைத்துக்கொண்டு சி.எம். கனவில் இருப்பது, பகல் கனவாகவே முடியும்.-பாரதிமுருகன், மணலூர்பேட்டை. `உதயநிதி அதிரடி... டாஸ்மாக் இன்ப அதிர்ச்சி' வம்பானந்தா தூள் பறக்க வைத்துவிட்டார். ஏற்கெனவே, செந்தில் பாலாஜியின் பத்து ரூபாய் பஞ்சாயத்து, முத்துசாமியின் ஐந்து ரூபாய் பஞ்சாயத்தை அடைக்கவே இந்த 2,444 பேர் பணி நியமன ஆணை விவகாரம் என்றே சொல்லலாம். இல்லையென்றால், `நடைபயண நாயகன்' அண்ணாமலைக்குத் தெரிந்தால் அல்வா சாப்பிட்டதுபோல இருந்திருக்கும். அரசு ஊழியர் நியமனத்திலும் இதேபோல், உதயநிதி செய்யலாமே?-தே.மாதவன், கோயம்புத்தூர் தலைக்கு மேல் நாடாளுமன்றத் தேர்தலை வைத்துக்கொண்டு, தொடர்ந்து மக்கள் விரோதப்போக்கை கையாண்டு வரும் மோடி அரசின் மற்றுமொரு மக்கள் விரோத நடவடிக்கைதான் ப்ரீபெய்டு கரன்ட் திட்டம். மக்களை வெகுவாக பாதிக்கக்கூடிய ப்ரீபெய்டு கரன்ட் திட்டத்தால் அப்பாவி மக்கள்படும் சிரமங்களைப் பட்டியலிட்டு மக்களுக்கு விழிப்புணர்வை ஏற்படுத்தியிருந்தது, பாராட்டக்கூடியதாகும்.-ஆர்.வி., கரூர்.`அண்ணன் என நினைத்தேன்... அதுக்குக் கூப்பிட்டார்! ஓ.பன்னீர்செல்வம் மகன் மீது பகிரங்க புகார்!' கட்டுரை பரபரப்பை ஏற்படுத்தினாலும் பல கேள்விகள் எழுகின்றன. இதற்குப் பின்னால் யாராவது இருக்கிறார்களா? பழிவாங்கும் எண்ணமா? அரசியல்ல இதெல்லாம் சகஜமப்பா என்று தெரியாதா? வீடியோ, ஆடியோ ஆதாரம் எங்கே? இந்தக் கேள்விகளுக்கெல்லாம் காவல்துறைதான் விடைதர வேண்டும்.-ரவிச்சந்திரன், திருக்கோவிலூர் தற்போது தி.மு.க. மாடல் ஆட்சியில் அனைத்து துறைகளிலும் லஞ்ச லாவண்யங்கள், முறைகேடுகள் நடப்பதை ஜனங்கள் நன்கு அறிவர். அதனை அதிகாரிகள் மூலம் எடப்பாடி அறிந்திருக்கிறார். எனவே, சி.எம் கனவு காணுவதில் தவறில்லை. -ஆர்.கே.லிங்கேசன், மேலகிருஷ்ணன்புதூர் பவனிசாகர் தனித் தொகுதி அ.தி.மு.க. எம்.எல்.ஏ. என்பதற்காக தனது தொகுதியில் நடக்கும் பல முறைகேடுகளை பண்ணாரி சொல்லியும் அதிகாரிகள் நடவடிக்கை எடுக்காதது ஏன்? அ.தி.மு.க. எம்.எல்.ஏ. என்பதற்காகவா? அல்லது பட்டியலின எம்.எல்.ஏ. என்பதற்காகவா?-சு.ஆறுமுகம், கழுகுமலை