ரீடர்ஸ் ரியாக்ஷன்

கஜினி 17…மோடி 20..! ‘வெட்டிப்பேச்சு தூக்கம் போச்சு கொட்டித் தீர்த்த ஸ்டாலின்..!’ என்ற கட்டுரை, முதல்வர் ஸ்டாலினின் இன்றைய மனநிலையை வெளிச்சம் போட்டுக் காட்டியிருந்தது. தனக்குக் கீழ் உள்ள சீனியர் சகாக்களே, ஆட்சிக்கு உலைவைத்து விடுவார்களோ என்று மெல்லவும் முடியாமல் விழுங்கவும் முடியாமல் இருக்கும் அவர் இனியும் தயவு தாட்சண்யம் பார்க்காது நடவடிக்கை என்ற சாட்டையை சுழற்றினால் மட்டுமே, வரவிருக்கும் நாடாளுமன்றத் தேர்தலை சமாளிப்பதோடு, மீதமுள்ள மூன்றாண்டு கால ஆட்சியைக் காப்பாற்றிக்கொள்ளவும் முடியும். - இரா.வளையாபதி, தோட்டக்குறிச்சி. ‘குற்றம் 36 அ.தி.மு.க. ஊழல் பட்டியலைக் கையிலெடுக்கும் ஸ்டாலின்’ என்ற ஹாட்டான தலைப்புடன் கட்டுரையை விறுவிறுப்பாக வீசியிருந்தார், வம்பானந்தா. சுவாமியும் சிஷ்யையும் நான்கு முக்கியக் கட்சிகளின் அப்டேட்களை அள்ளிவிட்டிருந்தது, அபாரம்!- வெற்றிச்செல்வன், நஞ்சுண்டாபுரம்.‘கர்நாடகத் தேர்தல் மோடிக்கு விடப்பட்ட பெரும் சவால்!’ கட்டுரை வாயிலாக, கர்நாடகாவில் நடப்பதை பு(ப)டம் போட்டுக் காட்டிவிட்டீர்கள். தென் மாநிலங்களில் பா.ஜ.க. கடைசி அத்தியாயத்தை எழுதிக் கொண்டிருக்கிறது. மோடிக்கு அடுத்த பிரதமர் வாய்ப்பு நழுவுகிறதா, வலுவாகிறதா என்பதை நிர்ணயிக்கும் தேர்தல், காங்கிரஸுக்கு நாடாளுமன்றத் தேர்தலில் வெற்றி பெற கூட்டணி அமைக்கும் தேர்தல். ஆக கஜினி முகமது 17 முறை படையெடுத்தது போல் மோடி கர்நாடகாவில் 20 முறை படை எடுக்கிறார், பொறுத்திருந்து பார்ப்போம் மக்கள் தீர்ப்பு என்ன என்று!- டி.எம்.ராஜ், கோவை.இடம் பொருள் ஏவல் அறிந்து பேசுவது புத்திசாலித்தனம்... அந்த விஷயத்தில் ரஜினிகாந்த் கொஞ்சம் கவனக்குறைவாக இருந்துவிட்டார். ஆந்திராவில் தெரியாத அரசியல் பேசி வம்பில் சிக்கி நடிகை ரோஜாவிடம் வாங்கி கட்டிக் கொண்டது தேவையான படிப்பினையே..!- என்.ஏ.நாகசுந்தரம், கன்னியாகுமரி..குடிகாரன்பேச்சு பொழுதுவிடிந்தால் போச்சு என்பார்கள். ஆனால் அவர்களைவிட மோசமாக அரசியல்வாதிகள்தான் இன்று ஒரு பேச்சு, நாளை ஒரு பேச்சாக வாழ்கிறார்கள். அருப்புக்கோட்டை வி.ஏ.ஓ. பிரித்விராஜ், ராஜினாமா கடிதம் எழுதி, மறுநாள் அதை மறுத்துப் பேசியதைப் படித்தேன். ஒருவேளை, கடிதத்தை எழுதிய பின் வாழ்வாதாரத்தைப்பற்றி யோசித்திருப்பாரோ?- எஸ்.மந்திரமூர்த்தி, புதுச்சத்திரம்.தேனாம்பேட்டை காவல் நிலையத்தில் விபத்து, விதிமீறல், திருட்டு என பல வழக்குகளில் பிடிபட்ட 360 டூ வீலர்களை 360 டிகிரியில் யோசித்து 20 லட்சத்துக்கு விற்றுவிட்டது சாதாரண விஷயம் அல்ல. காவல்துறையின் சாமர்த்தியம். துறைரீதியான நடவடிக்கை என்பது சாத்தியமல்ல என்றே தோன்றுகிறது.- சு.ஆறுமுகம், கழுகுமலை.அரசியலில் அதிகம் தலைகாட்டாத ஓர் ஆணோ, பெண்ணோ மேயரானால், அவரை எப்படி எல்லாம் நடத்துவார்கள் என்பதற்கு ஓர் உதாரணம்தான் சென்னை மேயர், ப்ரியா. அரசியலில் எதுவும் தெரியாத அவரை மேயர் ஆக்கியது கேலிக்கூத்து. இன்று அவரைப் பலரும் பந்தாடுவதில் ஆச்சரியம் ஏதும் இல்லை. இனியாவது அரசியலில் முதிர்ந்தவர்களையே மேயர் ஆக்கவேண்டும்.- வண்ணை கணேசன், பொன்னியம்மன்மேடு.

ரீடர்ஸ் ரியாக்ஷன்

Related Stories