நியூஸ் பெஞ்ச்

கல்வெட்டுல பொறிச்சுடலாம்! தூத்துக்குடி, ஓட்டபிடாரம், கயத்தாறு, கோவில்பட்டி, புதூர் மற்றும் விளாத்திகுளம் ஆகிய ஆறு ஒன்றியங்களில் உள்ள 363 கிராமங்களுக்கு ஜல்ஜீவன் மிஷன் திட்டத்தின் கீழ் குடிநீர் வழங்க 515 கோடி ரூபாய் ஒதுக்கப்பட்டுள்ளது. இந்த திட்டத்தின் தொடக்க விழா அழைப்பிதழில் கருணாநிதி, ஸ்டாலின் மற்றும் எம்.பி. படங்கள் மட்டும் இருக்க, பிரதமர் படம் மிஸ்ஸிங். இதனால் கொதிப்படைந்த இப்பகுதி பா.ஜ.க.வினர்,இனி ஒருமுறை இப்படித் தவறு செய்தால் போராட்டம் நடத்துவோம் என்று எச்சரித்திருக்கிறார்கள். ஆனால், தமிழ்நாடு குடிநீர் வடிகால் வாரியத்தின் மேற்பார்வை பொறியாளர் செந்தூர்பாண்டியோ, ”இது தொடக்க விழாதானே... திட்டப்பணி முடிந்ததும் வைக்கப்படும் கல்வெட்டில் பிரதமரின் பெயரைப் பொறித்துவிட்டால் போச்சு!” என்கிறார், அசால்ட்டாக.இந்த வாசகத்தை அப்படியே தஞ்சாவூர்க் கல்வெட்டுல பதிச்சு…..காக்க காக்க கல்வெட்டைக் காக்க..!கரூர் மாவட்டம் குளித்தலை அருகே உள்ள பிரபலமான அய்யர் மலை ரத்தினகிரீஸ்வரர் ஆலயத்திற்கு வரும் பக்தர்கள், மலைக்கோயிலுக்குச் செல்ல வசதியாக ரோப் கார் பணிகள் முடியும் தறுவாயில் இருக்கிறது. இதற்கான வயரிங் பணிகளுக்காக, வயர்களைக் கொண்டு செல்ல பாறைகளை துளையிடும் போது கல்வெட்டுகளின் நடுவிலேயே துளையிட்டு சேதப்படுத்தியிருக்கிறார்கள். இதைப் பார்த்துப் பதறிப் போன பக்தர்கள், ‘கல்வெட்டுகளை சேதப்படுத்தாதீர்கள்’ என எவ்வளவோ மன்றாடியும், கல்வெட்டுகளை சேதப்படுத்துவது தொடர்கிறது. இதுபற்றி கோயில் நிர்வாக அதிகாரி அனிதாவிடம் விளக்கம் கேட்க பலமுறை தொடர்பு கொண்டும் அவர் பதிலளிக்கவில்லை.தொல்லியல் துறைக்கு இந்த விஷயம் தெரியுமா?.ராசிதான் நல்ல ராசிதான்!முன்பு அ.தி.மு.க.வில் துணைப் பொதுச்செயலாளர் பதவியை வகித்த கரூர் சின்னசாமி, ஈரோடு முத்துசாமியோடு இணைந்து தி.மு.க.வுக்குப் போனார். அப்போது வந்த தேர்தலில் அ.தி.மு.க. வெற்றி பெற்றது. பத்து வருடம் தி.மு.க.வில் இருந்த சின்னசாமி, 2021 பொதுத்தேர்தலுக்கு ஒரு மாதம் முன்பு அ.தி.மு.க.வில் இணைந்தார். இந்தத் தேர்தலில் தி.மு.க. அமோக வெற்றி பெற்றது. ‘நான் எந்தக் கட்சியிலேர்ந்து வெளியேறினாலும் அந்தக் கட்சி உடனே ஆட்சியைப் பிடிச்சுடுது!’ என்று சொந்த ராசியை சுயமாய்க் கலாய்த்துக் கொண்டு, அ.தி.மு.க.மாநில அமைப்புச் செயலாளராக இருக்கும் இவரை கரூர் எம்.பி. வேட்பாளராக எடப்பாடியார் ‘டிக்’ செய்துள்ளாராம். சின்னசாமியை பழனிசாமி டிக் பண்ணது எங்களுக்குதான் லக்! அவரோட ராசிப்படி நாங்கதான் ஜெயிப்போம் என்று இப்போதே குதூகலிக்கிறார்கள், உடன்பிறப்புகள்.அவசரப்படாதீங்க…திரும்பி வந்துடப்போறாரு!.நான் எழுதியது கடிதம் அல்ல..!மதுரை மாநகராட்சியில் இருந்த ஒரே ஒரு பெண் கவுன்சிலர் பூமா. அவரும் பா.ஜ.க.விலிருந்து விலகுவதாக மாவட்டத் தலைவர் சுசீந்திரனுக்கு கடிதம் எழுதியிருப்பதால் சலசலக்கிறது தாமரை வட்டாரம். கடிதத்தில், ‘தங்களின் செயல்பாடுகளும் சுயநலப் போக்கும் கட்சியை அழிவுப் பாதைக்கு அழைத்துச் செல்கிறது. கட்சி விசுவாசமின்றி சுயநலத்தோடு செயல்படும் தங்களுடன் இணைந்து பணியாற்றுவது கட்சிக்கு நான் செய்யும் இழிசெயலாகும். எனவே, மாவட்ட துணைத் தலைவர் பொறுப்பில் இருந்து என்னை விடுவித்துக்கொண்டு மாமன்ற உறுப்பினர் பணியில் தொடர்ந்து பயணிப்பேன்’ என்று குறிப்பிட்டுள்ளாராம், பூமா. சுசீந்திரனோ, ‘கவுன்சிலர் பூமா வேறு எங்கோ செல்வதற்காக இப்படி என்மீது பழிசுமத்தி இருக்கிறார்’ என்கிறார். தாவும் மரையா தாமரையா?.கோவையில் கமலின் சர்வே டீம்!கடந்த சட்டசபைத் தேர்தலில் கோவை தெற்குத் தொகுதியில் சின்ன வித்தியாசத்தில் தோற்ற மக்கள் நீதி மய்யத் தலைவர் கமல்ஹாசன், ‘கோவையே நமக்கு ராசி’ என்று மீண்டும் அங்கேயே போட்டியிடும் மூவ்களில் உள்ளார். 2024 தேர்தலில் தி.மு.க. கூட்டணியில் மய்யம் இருக்கப்போவது உறுதி என்று பேசப்படும் நிலையில், கட்சிக்கு கிடைக்கும் ஒன்று அல்லது இரண்டு தொகுதிகளில் கோவையை கேட்டுப்பெறும் முடிவில் உள்ளாராம் கமல்ஹாசன். ‘தமிழகத்தின் மிக மிக முக்கியத் தொகுதியான கோவையை தி.மு.க. விட்டுத் தருமா?’ என்று உடன்பிறப்புகள் மத்தியில் லேசான குழம்பிக் கொண்டிருக்க, கோவையில் கமலுக்கு வெற்றி வாய்ப்பு எப்படி என்று அலச, சர்வே டீம் ஒன்று ஜூன் மாத மய்யத்தில் களமிறங்க உள்ளதாம்.மாருகோ மாருகோ மாருகயி... ஜோருகோ ஜோருகோ ஜோருகயி.

நியூஸ் பெஞ்ச்

Related Stories