நியூஸ் பெஞ்ச்

மேயர் நாற்காலி கிடுகிடு!கோவை மேயர் கல்பனாவுக்கு நிர்வாகத் திறமை போதாது என்று சொந்தக் கட்சியினரே ஓப்பனாகப் போட்டுத் தாக்குகின்றனர். இதுபோக நிர்வாகிகள் தங்களுக்குள்ளே தூற்றிக்கொள்ளும் பிரச்னையும் புழுதிபறக்கிறது. இந்த நிலையில் முதல்வரின் உத்தரவுப்படி, கோவை மேயர், துணைமேயர்,மண்டலத் தலைவர்கள், கவுன்சிலர்கள் என அத்தனைபேரையும் சந்தித்துப் பேசினார் அமைச்சர் செந்தில்பாலாஜி. அப்போது கிடைத்த தகவல்களால் ஷாக் அடித்ததுபோல் மிரண்டிருக்கிறார். கமிஷன், கரப்ஷனில் மட்டும் கவனம் செலுத்தி மக்கள் பிரச்னையை மறந்துபோயிருக்கும் கோவை மாநகராட்சியில் பதவியில் உள்ளோரை சுழற்சி முறையில் மாற்றும்படி பலரும் சொன்ன ஆலோசனைகளை முதல்வரின் கவனத்துக்குக் கொண்டுசென்றிருக்கிறார். இதனால், கோவை மாநகராட்சியின் மேயர் கல்பனா மற்றும் அவரது சகாக்கள் உட்பட அத்தனைபேரின் நாற்காலியும் ஆட்டம் கண்டிருப்பதாகச் சொல்கிறார்கள் விஷயம் அறிந்தவர்கள்!-ஷக்தி.பெரியகுளத்தில் பெரிய பள்ளம்!தேனி மாவட்டம் பெரியகுளம் நகராட்சியின் தலைவர், திமுகவைச் சேர்ந்த சுமிதா சிவக்குமார். தலைமை செயலகத்தில் பணிபுரிந்து வந்த புனிதன் என்பவர் கடந்த ஆண்டு இங்கே கமிஷனராக பணிமாறுதலாகி வந்தார். என்ன காரணத்தாலோ அன்று முதலே எலியும் பூனையுமாக இருந்தார்கள் சுமிதாவும், புனிதனும். ஒரு கட்டத்தில், கவுன்சிலர்களை கூட்டு சேர்த்துக்கொண்டு கலெக்டரிடம் புனிதனைப் பற்றி புகாரளித்தார் சுமி. அதையடுத்து கமிஷனர் பணியிட மாற்றம் செய்யப்பட்டார். ஆனால் அதை எதிர்த்து, உயர்நீதி மன்ற மதுரைக்கிளையில் வழக்குத் தொடுத்து, பழைய இடத்துக்கே வந்திருக்கிறார், அவர்.அவர் மீண்டும் வந்ததால் நொந்த சுமிதா, பழைய ஈகோ யுத்தத்தை மறுபடியும் முழு மூச்சில் துவங்க, நகராட்சிப் பணிகள் எதுவும் இம்மியளவு கூட நகராமல் குப்பைகளாக தேங்கிக்கிடக்கின்றன என்று குமுறுகிறார்கள் பெரியகுளம் மக்கள். ஆக பெரியகுளத்தில் நிர்வாகத்தில் பெரிய பள்ளம்.-அறிவழகன்.காக்க காக்க டிராக்டரைத் தூக்கராஜபாளையம் அருகே ஜமீன் கொல்லங்கொண்டான் குமிட்டிகுளம் கண்மாயில் விவசாயிகள் வண்டல் மண் அள்ளிக்கொள்ள அனுமதி தந்தது கனிம வளத்துறை. அதையே சாக்காக்கி, டிராக்டர்களில் மணல் கொள்ளை கனஜோராக நடந்திருக்கிறது. உடனே வெகுண்டெழுந்து அதை தடுத்து நிறுத்தியிருக்கிறார்கள் லோக்கல் கிராம மக்கள். அப்போது டூ வீலரில் அங்கே வந்திருக்கிறார், காக்கி கதிரேசன். ‘அப்பாடா, மணல் கடத்தியவர்களைக் கைது செய்யப்போகிறார்’ என மக்கள் நினைக்க, அவரோ லத்தியை உயர்த்தி, கிராம மக்களைப் பதம் பார்த்திருக்கிறார். சிதறி ஓடியவர்கள் விசாரித்ததில், மக்கள் வளையத்துக்குள் சிக்கிய அன்னாரின் டிராக்டரை விடுவிக்கவே அத்தனை வேகமாக வந்திருந்தாராம்.உடைமையைக் காக்க, கடமை தவறாத கதிரேசன்- கார்த்தி.மூன்று முகங்கள்!திருச்சி அ.தி.மு.கவின் மாநகரச் செயலாளராக இருந்த முன்னாள் அமைச்சர் வெல்லமண்டி நடராஜன் ஓ.பி.எஸ் அணியில் ஐக்கியமானார். இதனால் காலியாக உள்ள அந்தப் பதவியைக் கைப்பற்ற, அ,ம,மு,கவுக்கு போய்விட்டு வந்த முன்னாள் துணைமேயர் சீனிவாசன், ஆவின் சேர்மன் கார்த்திகேயன் ஆகியோர் போடும் போட்டியில் மூன்றாவதாக இணைந்திருக்கிறார், அ.ம.மு.கவிலிருந்து சமீபத்தில் யுடர்ன் போட்ட முன்னாள் கொறடா மனோகர்.இந்தப் பதவிப் போட்டியில் கார்த்திகேயன் சீனியர்களை அழைத்துப் பாடம் நடத்த, சீனிவாசன் மாற்றுக்கட்சியினரை அழைத்து வந்து மாஸ் காட்ட அவர்கள் ஆட்டத்தையெல்லாம் ரசித்துவிட்டு, அமைதியாக இருக்கும் மூன்றாம் மனிதர் மனோகரை மாநகர் மாவட்ட செயலாளர் ஆக்கத் தீர்மானித்திருப்பதாக அரசல் புரசலாகச் சொல்கிறார்கள், ரத்தத்தின் ரத்தங்கள்.கவலைப்படாதே மனோகாரா...-ஷானு.ஸ்கார்ப்பியோல வந்துதான் கறப்பியோ?ஏற்கெனவே ஜி.எஸ்.டி. என்ற பெயரில் வாங்குவோர் விற்போர் என இரண்டுபேரிடமும் கல்லா கட்டுகிறது மத்திய அரசு. போதாக்குறைக்கு, மதுரை, திண்டுக்கல், தேனி, சிவகங்கை ஆகிய மாவட்டங்களுக்கான வணிகவரித்துறை நுண்ணறிவுப்பிரிவு அதிகாரிகள் மதுரை சுற்றுவட்டாரம் முழுக்க நடத்தும் அதிரடி வேட்டையால் அலறிக்கொண்டிருக்கிறார்கள் இப்பகுதி வர்த்தகர்கள். ‘பில் கேட்டு வாங்கினீர்களா, இல்லையா?’ என்று வாடிக்கையாளர்களை மிரட்டுவது ஒரு பக்கம் என்றால், பில் எல்லாம் சரியாக இருந்தாலும் அதில் இது நொட்டை அது நொள்ளை என்றெல்லாம் சொல்லி வியாபாரிகளிடம் லட்சக்கணக்கில் வசூல் வேட்டை நடத்துகிறார்களாம் இந்த அதிகாரிகள். பெரும்பாலும் ஸ்கார்ப்பியோ காரிலேயே இந்த அதிகாரிகள் வருவதால், அந்தக் காரைப் பார்த்தாலே அலறும் வியாபாரிகள், அந்த கார்களின் டயர்களை பஞ்சராக்கிடலாமா? என்கிற அளவுக்கு கடுப்பிலோ இருக்கிறார்களாம்.-பாலா.அறிவாலயத்தில் கிடாவெட்டு!கடந்த வாரம் தேனி மாவட்டம் உசிலம்பட்டி தி.மு.க நிர்வாகிகள், ஏதோ கெடாவெட்டு திருவிழாவுக்கு குவிவது போல், தெனாவெட்டாக அறிவாலயத்திற்கு அதிரடி விசிட் அடித்தார்கள்அவர்கள் அப்படி அறிவாலயம் வந்ததும் கூட ஒரு ’கிடா’ வெட்டு சமாசாரமாகத்தான்.அப்படி வந்தவர்கள், ‘எங்கள் தொகுதி வடக்கு ஒன்றியச் செயலாளராக இருக்கும் அலெக்ஸ் பாண்டி மீது போலீசில் மோசடி புகாரில் எஃப்.ஐ.ஆர் பதிவு செய்யப்பட்டிருக்கிறது. இப்படிப்பட்ட நிர்வாகியால் கட்சியைப் பற்றி பொதுமக்களிடம் எதிர்மறையான விமர்சனங்கள் ஏற்படுத்தி இருக்கிறது. இவரை பொறுப்பில் இருந்து நீக்கினால்தான் உசிலம்பட்டியில் தி.மு.க வளர்ச்சி அடையும். எனவே, தேனிமாவட்டத்தில் தி.மு.க வளர்ச்சிக்கு முட்டுக்கட்டையாக இருக்கும் அலெக்ஸ் பாண்டியை கட்சியில் இருந்து நீக்கி உடனடியாக அவருக்கு ஒரு டெலக்ஸ் அனுப்புங்கள்’ என்று மன்றாடி மேலிடத்துக்கு மனு கொடுத்திருக்கிறார்கள்.கெடா வெட்டு எப்போ சார்?-பாபு.தங்கம் ஆதங்கம்!420!கள் செய்யும் சீட்டிங்கை 360 டிகிரியில் என்னதான் தொடராகவே எழுதினாலும் ஏமாறுகிறவர்கள் இருக்கும் வரை புதுசுபுதுசாக ஏமாற்று வித்தைகள் காட்டப்பட்டுக்கொண்டேதான் இருக்கும். இதில் லேட்டஸ்ட், கரூரில் காந்தி கிராமத்தைச் சேர்ந்த கண்ணனின் ‘அரைகிராம் தங்கக் காசுக்குப் பணம் தந்தால், முப்பதே நாளில் ஒருகிராம் தங்கக்காசு தரப்படும்’என்று, ஆசை முலாம் பூசப்பட்ட சீட்டிங் திட்டம்தான்.ஒரு கிராம் அறிவிப்பு வந்த சில நாளிலேயே சுமார் இருநூறுக்கும் மேற்பட்ட ஏமாளிகள் பணம்செலுத்தியதோடு, மேலும் பலரை சேரச்சொல்லி ரெகமண்ட் செய்திருக்கிறார்கள். விஷயத்தை எப்படியோ மோப்பம்பிடித்துவிட்ட போலீஸார், தாமதிக்காமல் செயல்பட்டு கண்ணனை பிடித்து, வசூல் பணத்தை மீட்டு உரியவர்களிடம் சேர்த்து வருகிறார்கள்.’எப்பவுமே கடைசியில வர்ற போலீஸ் என் விஷயத்துல ஆரம்பத்துலயே வந்து பிழைப்பைக் கெடுத்திடுச்சே’ என்று புலம்பிக் கொண்டிருக்கிறார், தங்கக் காசு கண்ணன்.தங்கமான மனுஷனின் ஆதங்கம்! அவ்வ்வ்…- அரவிந்த்.

நியூஸ் பெஞ்ச்

Related Stories