லைட்மேன்: ஏன் வரவில்லை ரஜினி?- மன்னிக்காது மனோவின் ஆன்மா!

“தெரிஞ்சவன், தெரியாதவன், பிரபலம், சாதாரண புரடெக்ஷன் பாய் என்று சினிமா சம்பந்தப்பட்ட துக்க நிகழ்வுகளுக்கு முதல் ஆளாக சென்று நிற்பார் மனுஷன். அவர் கலந்துகொள்ளாத ஒரே துக்க நிகழ்வு இதுதான்...” – மறைந்த இயக்குநர் மனோபாலாவின் இறுதி யாத்திரையில் மூத்த இயக்குநர் ஒருவர் அடித்த கமென்ட் இது! ஆம், மனோபாலாவுக்கு அஞ்சலி செலுத்த ரஜினி வராதது பலருக்கு ஆத்திரத்தையும் கேள்வியையும் ஏற்படுத்தியிருக்கிறது. இத்தனைக்கும் ரஜினியை வைத்து ‘ஊர்க்காவலன்’படத்தை இயக்கிய காலத்திலிருந்தே அவருடன் நெருக்கமாக இருந்தவர் மனோபாலா. அப்படி இருக்கும்போது அன்றைய தினம் சென்னையில் இருந்துகொண்டே துக்க நிகழ்வுக்கு வரவில்லை ரஜினி. மேலும் அதேநாளில் ஏ.வி.எம்.சரவணனுக்கு கைமுறிவு ஏற்பட்டதற்கு நேரில் சென்று ஆறுதல் சொல்லி, அதை ட்விட்டரிலும் பகிர்ந்தார் ரஜினி. இதையடுத்து, “பாண்டேவோட அப்பா மாதிரி முக்கியஸ்தர்கள் சாவுக்குத்தான்யா அவர் போவாரு. நம்ம ஆளுங்க நிகழ்வுக்கு இனிமே அவர் எங்க வருவாரு” என்கிற ஆதங்க குரல்களும் அதே இறுதி ஊர்வலத்தில் எழுந்ததைக் கேட்க முடிந்தது! அறிமுகம் ரோகாந்த் இயக்கத்தில் ஐந்து ஆண்டுகளுக்கு முன் துவங்கப்பட்டு, நாயகன் விஜய் சேதுபதியின் தலையீட்டால் படத்தின் நாயகி முதல் பல டெக்னீஷியன்கள் தூக்கப்பட்டு, நிதி நெருக்கடியால் துயரப்பட்டு, பல ஷெட்யூல்கள் பாதியில் பேக் அப் செய்யப்பட்டு, ஒரு வழியாய் ரிலீஸுக்கு தயாராகியிருக்கும் படம் ‘யாதும் ஊரே யாவரும் கேளிர்’. மேகா ஆகாஷ் நாயகியாக நடித்துள்ள இந்தப் படத்துக்கு முதலில் நாயகியாக கமிட்டானவர், அமலாபால். ஆனால், இந்தப் படத்துக்கு அட்வான்ஸ் வாங்கிய கையோடு அடுத்ததாக ‘ஆடை’ படத்தில் நிர்வாணமாக நடிக்க ஒப்பந்தமானதால் இப்படத்திலிருந்து கழற்றிவிடப்பட்டார். மே 19 ரிலீஸ் என்று அறிவிக்கப்பட்டிருக்கும் இப்படத்தின் முக்கியமான அம்சம் ‘ஏ.கே 62’ படத்தை இயக்கும் மகிழ் திருமேனி முக்கிய பாத்திரத்தில் நடித்திருப்பதுதான்..சர்ச்சைகள் என்று வந்துவிட்டாலே எட்டுக்கட்டை தூரம் தள்ளி நிற்பவர் இசைப்புயல். ஆனால், சற்றே இன்ப அதிர்ச்சியாக ‘த காஷ்மீர் ஸ்டோரி’ சர்ச்சைக்குள் ’மே ஐ கம் இன்?’ என்று என்ட்ரி கொடுத்திருக்கிறார். சங்கதி இதுதான்... ‘கேரளா ஸ்டோரி’ இஸ்லாமியர்களுக்கு எதிராக விஷத்தைக் கக்கியுள்ள நிலையில், ‘காம்ரேட் ஃப்ரம் கேரளா’ என்ற ட்விட்டர் பக்கத்தில் ஒரு வீடியோ பகிரப்பட்டுள்ளது. அதில், கேரளாவின் ஆலப்புழா மாவட்டத்தில் உள்ள சேரவல்லி முஸ்லிம் ஜமாத் பள்ளிவாசலில் சரத் சசி மற்றும் அஞ்சு அசோக் தம்பதிகளுக்கு நடைபெற்ற திருமணம் காட்சிப்படுத்தப்பட்டுள்ளது. மசூதியில் நடைபெற்ற இந்தத்திருமணம் முழுக்க முழுக்க இந்து சடங்குகளின் அடிப்படையில் நடத்தப்பட்டுள்ளது. பொருளாதாரரீதியாகப் பின்தங்கிய குடும்பத்தைச் சேர்ந்த மணப்பெண்ணின் பெற்றோர் மசூதியின் நிர்வாகத்தை நாடியுள்ளனர். இதையடுத்து நிர்வாகம் சார்பில் 10 சவரன் நகை மற்றும் ரூ.20 இலட்சம் ரொக்கப்பணம் கொடுக்கப்பட்டதுடன் மசூதியிலேயே திருமணம் நடத்த அனுமதியும் வழங்கப்பட்டது. முஸ்லிம்கள் தொழுகை நடத்தும் அந்த பள்ளிவாசலில் புரோகிதர் வரவழைக்கப்பட்டு சடங்குகள் நடத்தப்பட்டு மணமகன், மணமகளுக்குத் தாலி கட்டுகிறார். தொடர்ந்து 1000 பேருக்கு சைவ உணவும் பறிமாறப்படுகிறது. மத நல்லிணக்கத்தைப் பறைசாற்றும் இந்த வீடியோவை தனது பக்கத்தில் ஷேர் செய்துள்ள ரஹ்மான்,’ மனிதகுலத்தின் மீதான அன்பு நிபந்தனையற்றதாகவும் குணப்படுத்தக்கூடியதாகவும் இருக்க வேண்டும்’என்று பதிவிட்டு ’கேரளா ஸ்டோரி’ வகையறாக்களுக்கு பாடம் எடுத்துள்ளார். சீக்ரெட் இந்த வாரம் ரிலீஸாகும் ஐந்து எழுத்து சர்ச்சைப் படத்தில் பாயம்மாவாக நடித்திருக்கும் எட்டு எழுத்து நடிகை, ஷூட்டிங் நேரத்தில் இயக்நனரை படாதபாடு படுத்தி எடுத்துவிட்டாராம். ‘படம் ஹிட்டோ, ஃப்ளாப்போ இனி அவங்க இருக்கிற திசைப்பக்கம் கூட திரும்பிப் பார்க்கமாட்டேன்’ என்று அலறுகிறார் சன் சன் இயக்குனர்.

லைட்மேன்: ஏன் வரவில்லை ரஜினி?- மன்னிக்காது மனோவின் ஆன்மா!

Related Stories