லைட்மேன் : 80 வயசுலயும் என்னா சேட்டை?

‘கிரிக்கெட்டின் எவர் கிரீன் லெஜண்ட் கபில் தேவுடன் இணைந்து ஒரு காட்சியில் நடித்தது வாழ்நாள் கௌரவம்’ என்று தனது ட்விட்டர் பக்கத்தில் பதிவிட்டு புளகாங்கிதம் அடைந்திருக்கிறார், ரஜினி. ‘லால் சலாமில் கபிலுக்கு என்ன வேலை?’ இதுவரை மிகவும் ரகசியமாக வைக்கப்பட்டுள்ள செய்தி இது. ‘லால் சலாம்’ 2013ல் வெளியான ‘கை போ சே’ படத்தின் ரீமேக். அப்படம் கிரிக்கெட் அகாடமியின் சில தில்லாலங்கடி சமாசாரங்களை துகிலுரிக்கிறது. இந்த ரீ மேக்கிலும் அதே காட்சிகள் சில வைக்கப்பட்டுள்ள நிலையில், ஒரு குறிப்பிட்ட காட்சியில் கபில்தேவ், அவராகவே வந்தால் படத்துக்கு வலு சேர்க்குமே என்ற எண்ணத்தில் ரஜினி கபிலின் எண்ணைச் சுழற்ற, சுமார் 3 மணி நேரம் தலையைக் காட்டிவிட்டுப்போனாராம், கபில்.கடைசியாக ரிலீஸான ‘அயோத்தி’ பரபரப்பாகப் பேசப்பட்ட நிலையிலும் புதுப்படங்கள் எதுவும் கமிட் ஆகாத நிலையில், ‘சம்பளத்தை ரிலீஸ் டைம்ல பாத்துக்கலாம். முதல்ல நல்ல படமா பண்ணுவம் சார்’ என்று ஏழெட்டு தயாரிப்பாளர்களை வான்டட் ஆக அணுகி, ஒரு புதுப் படத்தில் கமிட் ஆகியிருக்கிறார், சசிகுமார். 20ல் ரிலீஸான ‘காவல்துறை உங்கள் நண்பன்’ படத்தை இயக்கிய ஆர்.டி.எம். இயக்க, ஃபைவ் ஸ்டார் கதிரேசன் தயாரிக்க சசிகுமார் நாயகனாக கமிட் ஆகியிருக்கும் இப்படத்துக்கு சசி டோக்கன் அட்வான்ஸாக ஒரு சிறு தொகையை மட்டுமே வாங்கியிருக்கிறார். எல்லாருமே இப்படி இறங்கி வாங்க ராசா.எட்டுக்கோடி, பதினைந்து கோடி சம்பளம் வாங்கும் விஜய் ஆண்டனி, விஜய் சேதுபதி ஆகிய இருவரின் கடந்த வார ரிலீஸ்களும் தியேட்டரில் ஒரு காட்சிகூட ஹவுஸ்ஃபுல் ஆகாமல் காத்து வாங்கிக்கொண்டிருக்க, அதே தேதியில் ஓ.டி.டி.யில் வெளியான ‘மாடர்ன் லவ் சென்னை’ காதல் ஆந்தாலஜி கோடிக்கணக்கான பார்வையாளர்களால் ரசிக்கப்பட்டு சிலாகிக்கப்பட்டு வருகிறது. சோஷியல் மீடியா முழுக்க இதை இயக்கிய 6 இயக்குநர்களில் யார் டாப்? யார் வேஸ்ட்? என்ற விவாதம் சூடு பிடித்துக்கொண்டிருக்கிறது. இந்தக் காதல், காமக் கதைகளின் ரேஸில் முன்னணியில் இருப்பவர்கள் ‘பறவைக் கூட்டில் வாழும் மீன்கள்’ படத்தை இயக்கிய பாரதிராஜாவும், மொத்தத் தொடருக்கும் சேர்த்து 13 பாடல்கள் தந்திருக்கும் இளையராஜாவும்தான். செல்ல ராஸ்கோல்ஸ் 80 வயசுலயும் என்னா சேட்டை!முழுக்கதை தயாராகவில்லை! இசையமைப்பாளர் யுவன் ஷங்கர் ராஜா என்பதைத் தவிர வேறு எந்த டெக்னீஷியனும் முடிவு செய்யப்படவில்லை! ஆனால், வெங்கட் பிரபு, -விஜய் இணையும் ’தளபதி 68’ படத்துக்குக் கதாநாயகியாக நான்கு பேரை சாய்ஸாக வைத்து ஹீரோவுக்கு அனுப்பியிருக்கிறார்களாம். 1. கிரித்தி ஷெட்டி, 2. லியோ நாயகி த்ரிஷா, 3.கீர்த்தி சுரேஷ் 4.ராஷ்மிகா மந்தனா. இவர்கள் நால்வரில் இருவரின் பெயரை டிக் அடிக்கவேண்டும் விஜய். அப்ப டபுள் ஹீரோயின் சப்ஜெக்டா என்று கேட்கப்புடாது. ஒருவர் ஹீரோயின், மற்றவர் குத்துப்பாட்டுக்கு ஆட. அட..!

லைட்மேன் : 80 வயசுலயும் என்னா சேட்டை?

Related Stories