லைட்மேன் : ரசிகர்களைக் கண்டிக்காத விஜய், ரஜினி அப்செட் !

விடுபட்ட ஷாட்களை ரீ ஷூட் செய்வதற்காக ‘லியோ’படக்குழு மீண்டும் காஷ்மீர் சென்றிருக்கிறது அல்லவா... அப்படி ஒரு வாரம் நடக்கவிருக்கும் ஷூட்டிங்குக்கான பட்ஜெட் என்று ஐந்து கோடி ரூபாய்க்கு இன்வாய்ஸ் அனுப்பி வைத்தாராம் லோகேஷ் கனகராஜ். அதைப் பார்த்த தயாரிப்பாளர் லலித், விஜய்யிடம் புகார் சொல்ல, ‘டைரக்டரோட சம்பள பாக்கிக்கும் சேர்த்துதான் பட்ஜெட் கொடுத்திருக்காரு. டென்சன் பண்ணாம அனுப்பி வையுங்க’ என்று ஆறுதல் சொல்லி அனுப்பி வைத்தாராம். செட்டில்மென்ட்டுக்கு எப்படி ட்விஸ்ட் வெச்சாரு பாருங்க! சுமார் ஆறு ஆண்டுகளுக்கு ‘நாம நிச்சயம் சேர்ந்து படம் பண்ணலாம் சார்’ என்று விஜய் சேதுபதி கொடுத்த உற்சாக வார்த்தைகளால் தவமாய் தவமிருந்து காத்திருந்தார் இயக்குநர் சேரன். அவ்வப்போது விழாக்களில் சந்திக்க நேரும்போதெல்லாம் இதோ அதோ என்று இழுத்தடித்து வந்த விஜய் சேதுபதி கடந்த ஒரு வருடமாய் சேரனின் எண்ணை பிளாக் லிஸ்ட்டில் போட்டுவிட்டாராம். சமீபத்தில் ஒரு விழாவில் கலந்துகொண்ட சேரன் முன்பு மைக் நீட்டப்பட்டு, “விஜய் சேதுபதி படம் என்னாச்சி?” என்று வினவப்பட்டபோது, “அதுக்கு இன்னும் ஒரு பத்து வருஷம் ஆகும். காத்திருக்கட்டுமா?” என்று விரக்தியை வெளிப்படுத்தினார். சுமார் ஒரு வாரம் முன்புவரை, வழக்கமான இமயமலை பயணம் செல்லும் எண்ணம் ரஜினிக்கு இருக்கவில்லையாம். கமல் விக்ரமுக்கு அடித்ததுபோல் தியேட்டர் விசிட் எல்லாம் அடித்து ஜெயிலரை புரமோட் பண்ணவே விரும்பியிருந்தார். ஆனால் ஆடியோ நிகழ்வில் பேசப்பட்ட காக்கா, கழுகு கதை பூதாகரப்படுத்தப்பட்டு இவரது பெயர் ஓவராக டேமேஜ் செய்யப்படுவதால், நமது நிம்மதியைக் காலி பண்ணிவிடுவார்கள் என்று பயந்தே பயணத்துக்கு ஆயத்தமானாராம். ‘நான் உச்சம் போனால்... உனக்கு அச்சம் எதற்கு?’ போன்ற போஸ்டர்களில் விஜய் ரசிகர்கள் தன்னை அட்டாக் செய்வதை அவர் தட்டிக்கேட்கவில்லை என்பதிலும் ரஜினி அப்செட்டாம். விஜய், அஜித்துக்குப் பின்னர் நம் குடும்பம்தான் முன்னணியில் இருக்கவேண்டும் என்று சூர்யா, கார்த்தியின் சோஷியல் மீடியா வல்லுநர்கள் ராப்பகலாய் வியூகம் அமைத்துவருகிறார்கள். ‘கங்குவா’படத்தின் மூலம் சூர்யா 200 கோடிக்கும் மேல் பிசினஸை தொட்டுவிட்ட நிலையில், கார்த்தியின் அடுத்தடுத்த காம்பினேஷன்களுக்கு பில்ட் அப்கள் கொடுக்கப்பட்டு, அவரது படங்கள் 150 கோடி ரூபாய்க்கு பிசினஸ் ஆக ஆரம்பித்துள்ளதாக நம்ப வைக்கும் வேலைகள் ஜரூராக நடக்கின்றன. கூடவே தனுஷ், சிவகார்த்திகேயன், விஜய் சேதுபதி போன்றவர்களின் பட கலெக்ஷன்கள் டல்லடிப்பதாகவும் செய்தி பரப்புவது இவர்களின் பார்ட் டைம் வேலையாம்! சீக்ரெட் இடையில் பெண்டிங் வைத்த வாரிசு நடிகரின் படத்தை மன்னாதி மன்ன இயக்குநர் இயக்கப்போகிறார் அல்லவா? முந்தைய படத்துக்கு 5 கோடி சம்பளம் வாங்கிய அவருக்கு இந்தப்படத்துக்கு சம்பளம் அதில் பத்து சதவிகிதம்தானாம். பெரிய பார்ட்டியுடன் பெரிய சம்பளத்துக்கு இயக்கப்போனவரை கழுத்தில் துண்டைப்போட்டு, ‘தம்பி 3 வருஷத்துக்கு முந்தி நம்ம கம்பெனிக்கு ஒரு படம் இயக்க சம்மதிச்சு அட்வான்ஸ் வாங்கினயே ஞாபகம் இருக்கா?’ என்று இழுத்து வந்தாராம் குருநாதருமான அந்த இயக்குநர்.