லைட்மேன் : ஷாருக் டீல்… சம்மதித்த நயன்!

கோள்மூட்டி விடுவது, குடும்பப் பஞ்சாயத்துகளை ஊதிப் பெரிதாக்குவது, மனம் புண்படும் வகையில் மீம்ஸ்களை உருவாக்குவது போன்றில் கண்ணும் கருத்துமாய் இருக்கும் நெட்டிசன் மாம்ஸ்களால் சில நேரங்களில் எதிர்பாராத நன்மைகளும் நடந்துவிடுவதுண்டு. கடந்த வெள்ளியன்று ‘ஜெயிலர்’மெகா வெற்றிக்காக ரஜினிக்கு பெருந்தொகையாக ஒரு செக் கொடுத்து பி.எம். டபுள்யூ காரும் கொடுத்த கலாநிதிமாறன் ஏனோ நெல்சனை மறந்துவிட்டார். அடுத்த நிமிடம் நெட்டிசன்கள் பொங்கி எழுந்து, ’ஆக்சுவலா ரஜினிக்குக் கொடுக்குறதுக்கு முந்தி நெல்சனுக்கும், அனிருத்துக்கும்தான் கொடுத்திருக்கணும்’என்று சமூக வலைதளங்களில் குமுறிக் கொந்தளிக்க, அவசர அவசரமாக நெல்சனுக்கும் செக்கும், காரும் அன்பளிக்கப்பட்டதாம்! # வெல் சன்! ‘மிஸ்டர் லைட்மேன் உன்னை ரைட்மேன்னு நினைச்சா ரொம்ப மேனா வம்பு மேனா இருக்கியேப்பா’என்று செல்லமாக கடிந்துகொண்டார் ‘அறம்’கோபி நயினார். “சினிமான்னா டெக்னீஷியன்களுக்குள்ள சின்னச் சின்ன கருத்து வேறுபாடுகள் இல்லாமலா இருக்கும். ஆனாலும், என்னை வச்சி ‘மனுஷி’படம் தயாரிச்ச வெற்றிமாறனோட இன்னைக்கு வரைக்கும் நல்ல புரிதலோடதான் இருக்கேன். அதே மாதிரி ஒரு படம் மூணு மணி நேரம் ஓடுறதெல்லாம் இன்னைக்கு ஒரு மேட்டரே இல்லை. அது தரமா இருக்கான்னு மட்டுமே பார்க்கணும்” என்று மனம் திறந்தார். #அறம்… ’கரம், சிரம் புறம் நீட்டாதீர்’னு சொல்ல வர்றாரு! ‘ஜவான்’ புரமோஷன்களில் பங்கெடுக்க மாட்டேன் என்று அடம்பிடித்த நயன்தாராவை போனில் அழைத்து கூலாக பேசிய ஷாருக், ‘இப்படம் வட இந்தியாவில் என்ன ஆகப்போகிறதென்று தெரியவில்லை. ஆனால், தென்னிந்தியாவில் குறிப்பாக தமிழில் சூப்பர் ஹிட் அடிக்கும். அது உனக்கும் மைலேஜ் தானே?’ என்று பேசி, இனி செய்யப்போகும் புரமோஷன்களுக்காக ஒரு குறிப்பிட்ட தொகையும் தர சம்மதித்தாராம். இந்த பேச்சுவார்த்தை முடிந்தவுடன்தான் தன் இரு குழந்தைகளின் ஃபர்ஸ்ட் லுக்கை இன்ஸ்டாவில் வெளியிட்டு கோடிக்கணக்கானவர்களின் கவனத்தை தன் பக்கம் திருப்பினார் நயன். # தாரா நீ வாராய்! 2014ல் ‘கத்தி’யை எடுக்கத்து வங்கி 30 படங்கள் வரை எடுத்துள்ள லைகா நிறுவனம் இதுவரை இளைய, யுவன் ஷங்கர் ராஜாக்களை திரும்பிக்கூட பார்த்ததில்லை. ஆனால் கடந்த வாரம் யுவனின் பிறந்தநாளன்று சோஷியல் மீடியாக்கள் முழுக்க வியாபித்திருந்தது யுவனுக்கு லைகா நிறுவனம் ஷேர் செய்திருந்த பிறந்தநாள் வாழ்த்து போஸ்டர்கள்தாம். விசாரித்தால், விஜய்யின் மகன் ஜேசன் சஞ்சய் இயக்கவிருக்கும் படத்துக்கு யுவன் இசையமைக்க ஒப்பந்தமாகியிருப்பது தெரிய வந்தது. வெங்கட் பிரவுவின் ‘தளபதி 68’, ஜேசனின் படம் என்று ஒரே நேரத்தில் அப்பா, மகன் படங்களுக்கு இசையமைக்கிறார் யுவன். # ஜேசன், வர்ரே வா சன்! சீக்ரெட்தனது தலைவிரி கோலத்தையே காமெடியாக்கி மாதத்துக்கு கோடிகளில் கல்லா கட்டி வந்தவருக்கு, சமீபகாலமாக யோகம் பெரியதாக அடிப்பதில்லை. இதையடுத்து, இப்போது மனம் திருந்திய மைந்தனாகிவிட்டதாகவும், இனி ஒழுக்கமாக ஷூட்டிங்குகளுக்கு வருவதோடு பட புரமோஷன்களுக்கும் ஆஜராகிறேன் என்று சந்திக்கிற அத்தனை இயக்குநர், தயாரிப்பாளர்களிடம் சத்தியம் செய்கிறாராம். # யோக்கியவான் வர்றான், சொம்பை எடுத்து உள்ள வை!