லைட்மேன் : டிராப் ஆகிறதா ரஜினியின் 170?

ஜெயிலரின் வெற்றியால் திக்குமுக்காடிப்போயுள்ள ரஜினி, அதன் இயக்குநர் நெல்சனிடன், ’ நுவ் காவாலய்யா, வேறு யாருக்கும் கதை சொல்லப் போகாதய்யா. நாம ரிப்பீட் பண்ணலாம்’என்று தகவல் அனுப்பியிருக்கிறாராம். அப்படியென்றால் லைகா நிறுவனத்துக்கு ‘ஜெய்பீம்’ஞானவேல் இயக்கத்தில் நடிப்பதாக இருந்த படம்? நிதி நெருக்கடியால், என்னென்னவோ காரணங்களைச் சொல்லி, அஜித்தின் ‘விடாமுயற்சி’யையே தள்ளிக்கொண்டே வருகிறார்கள். அப்படம் நடப்பதே சந்தேகம் என்றெல்லாம் செய்திகள் வருகின்றன. நடுவே நாமும் கொஞ்சம் தள்ளிப்போட்டால் என்ன? என்பது ரஜினியின் மைண்ட் வாய்ஸாம். # அடுத்த படம் பேரு ‘டெய்லர்’? ‘இதோ க்ளைமேக்ஸுக்கு வந்துவிட்டோம்’என்று யூனிட்டுக்கு அறிவித்துவிட்டு, அதையே 100 நாட்களுக்கு எடுத்துக்கொண்டிருப்பார் இயக்குநர் பாலா. அதுபோலவே ‘வணங்கான்’படத்தையும் ஜவ்வாக இழுத்துக்கொண்டிருக்க, அவரோடு இணை தயாரிப்பாளர்களாக இணைந்த சிலரும் ஓட்டம் பிடித்துவிட்டார்கள். கடைசியாக தற்போது பாலாவுக்கு அடைக்கலம் கொடுத்திருப்பவர் ‘மாநாடு’ தயாரிப்பாளர் சுரேஷ் காமாட்சி. ஏற்கெனவே இவர் தயாரிப்பிலிருக்கும் ‘ஏழு கடல் ஏழு மலை’, ‘ராஜாகிளி’ படங்களோடு ’வணங்கான்’ படமும் இணைய ஒரே நேரத்தில் மூன்று படங்களின் தயாரிப்பாளராகியிருக்கிறார் சுரேஷ் காமாட்சி. # பாலா பத்து சிம்புக்கு சமம்… பார்த்துங்க காமாட்சி! சமந்தாவுடன் ஜோடி போட்டுள்ள ‘குஷி’படத்தின் தமிழ் புரமோஷனுக்காக சென்னை வந்து பத்திரிகையாளர்களைச் சந்தித்தார் விஜய் தேவரகொண்டா. அப்போது நிருபர் ஒருவர், “ஆந்திராவில் சிரஞ்சீவி நடித்த ‘போலா சங்கர்’படு தோல்வியடைந்து ரஜினியின் ‘ஜெயிலர்’ ஹிட் ஆகியுள்ளதே?” என்று கேள்வி எழுப்பினார். உடனே உணர்ச்சிவசப்பட்ட தேவரகொண்டா, “சிரஞ்சீவி மாதிரி சூப்பர் ஸ்டார்களுக்கு இந்தத் தோல்வி எல்லாம் ஒரு பொருட்டே இல்லை. அப்படிப்பார்த்தால் ரஜினி தொடர்ந்து ஆறு படம் ஃப்ளாப் கொடுத்துட்டு இப்ப ‘ஜெயிலர்’ ஹிட் கொடுக்கலையா?’ என்று எதிர் கேள்விகேட்டார். #வயசான ரஜினி ரசிகர்கள் நோட் பண்ணுங்கப்பா... வெங்கட் பிரபு இயக்கும் தளபதி ’68’ படத்தில் இரண்டு விஜய்களில் ஒருவரான மூத்த விஜய்க்கு ஜோடியாக ஜோதிகா நடிக்கவிருக்கிறார் என்று செய்திகள் கசிந்ததல்லவா? இது தொடர்பாக ஜோதிகாவை இயக்குநர் வெங்கட் பிரபுவோ, தயாரிப்பாளர் தரப்போ சந்திக்கவே இல்லையாம். அதேபோல், ’ மூத்த விஜய் பாத்திரம் தந்தையாக இருந்து, இளைய விஜய்யின் அம்மாவாக நடிக்கவேண்டி இருந்தால் நிச்சயமாக நோ சொல்லிவிடுவேன்’என்று தனது நட்பு வட்டாரத்தில் கமென்ட் அடித்திருக்கிறார் ஜோ. # ஆமாம்மா அம்மா கேரக்டர்னா வேணாம்மா! சீக்ரெட் சூப்பர் தயாரிப்பாளரின் வாரிசான இரண்டெழுத்து நடிகர் சில மாதங்களாகவே கைவசம் உருப்படியான படங்களின்றி ஜீவ மரணப்போராட்டம் நடத்தி வருகிறார். கதை கேட்பதில் அலட்சியம், அடிக்கடி மேனேஜர்களை மாற்றுவது, படப்பிடிப்புகளில் கலந்துகொள்வதைவிட பார்ட்டிகளில் கலந்துகொள்ள உற்சாகம் காட்டுவது, தகுதிக்கு மீறி சம்பளம் கேட்பது என்று மைனஸ் பாயிண்டுகளை அடுக்கிக்கொண்டே போகிறார்கள்.