லைட்மேன்: ஜெயிலர் எப்படி இருக்கு? விஜய் கமென்ட்

முதல் நாளிலிலேயே உலகம் முழுக்க 86 கோடி வசூல் என்று பெரும் பில்ட் அப் கொடுக்கப்படுகிற ஜெயிலரின் உண்மை நிலை அபவ் ஆவ்ரேஜ் என்பதுதான். ரஜினி வெறியர்களைத் தவிர மற்றவர்களை படம் பெரிதும் வசீகரிக்கவில்லை. ‘காக்கா- பருந்து’பஞ்சாயத்து தொடர்பாக சில திரையரங்குகளில் விஜய் ரசிகர்கள் ரஜினி ரசிகர்களால் தாக்கப்பட்ட வீடியோக்கள் வெளியான நிலையிலும் கூட அதைப் பொருட்படுத்தாமல் தனது பிரத்யேக திரையரங்கில் ஜெயிலரை பார்த்த விஜய், ‘பீஸ்ட்’படத்தை விட கொஞ்சம் பெட்டராவே இருக்கு’என்று நெல்சனைக் கலாய்த்தாராம். அதாவது அடுத்து கதை சொல்ல இந்தப் பக்கம் வந்துராதீங்ணா தானே?‘காத்து வாக்குல ரெண்டு காதல்’படத்துக்குப் பிறகு தொட்டதெல்லாம் தோல்வி கண்டுவரும் நிலையில் கொஞ்சம் மனம் துவண்டுதான் போயிருக்கிறார் நயன்தாரா. தனக்கும் விக்னேஷ் சிவனுக்கும் கமிட் ஆகிற படங்கள் அடுத்தடுத்து டிராப் ஆவதும், தங்களது ரவுடி பிக்சர்ஸ் நிறுவனத்துக்கு ஒரு உருப்படியான பிராஜக்ட் கூட செட் ஆகவில்லை என்பதும் அவரை ரொம்பவே அப்செட் ஆக்கியிருக்கிறது. இதை நிவர்த்தி செய்ய கேரளாவின் பிரபல மாந்திரீகர்களைக் கொண்டு ஒரு மாபெரும் யாகம் நடத்த முடிவு செய்திருக்கிறாராம். படு சோகம்.‘அறம்’படம் மட்டுமே நிரந்தரம் என்று முடிவு செய்துவிட்டாரோ என்னவோ அடுத்தடுத்து துவங்கிய அத்தனை படங்களிலும் பஞ்சாயத்துகளைக் கூட்டியே பாதியில் விட்டுவிடுவார் இயக்குநர் கோபி நயினார். கடைசியில் ‘ஒரு நல்ல டைரக்டர் நாதியற்றுக் கிடக்கிறாரே’ என்று இரக்கப்பட்டு இயக்குநர் வெற்றிமாறன் இவரை வைத்துப் படம் தயாரிக்க, ஆண்ட்ரியா நாயகியாக நடித்த அந்த ‘மனுஷி’ படத்திலும் நாயகி, வெற்றிமாறன் இருவரையும் பாடாய்ப்படுத்திவிட்டாராம் கோபி நயினார். மூன்று மணி நேரத்துக்கும் மேல் ஓடும் ‘மனுஷி’யைப் பார்க்கும் மக்கள் டயர்டாகிவிடுவார்கள், அதனால் அரை மணி நேரம் எடிட் செய்துகொடுங்கள் என்று வெற்றிமாறன் வைத்த வேண்டுகோளை கோபி நிராகரித்ததால் பெண்டிங்கில் இருக்கிறாள் மனுஷி.‘ஜெயிலர்’ படத்துடன் தனது ‘விக்ரம்’படம் பல அம்சங்களில் ஒப்பீடு செய்யப்பட்டு வருவதால் அதற்கு டேக் டைவர்சன் கொடுக்க, தனது ஐ.டி விங் நிர்வாகிகளிடம் அவசர ஆலோசனை கேட்டாராம் கமல். அப்படி வழங்கப்பட்ட ஆலோசனைகளில், அவர் திரையுலகில் காலடி எடுத்து வைத்து 63 ஆண்டுகள் நிறைவு பெற்று 64 வது ஆண்டு துவங்கியுள்ளதை ஒட்டி ‘கமலிஸம் 64 ஆண்டுகள்’ என்று ட்ரெண்டிங் செய்யலாமே என்று ஒரு உதவி இயக்குநர் வழங்கிய ஆலோசனை ஏற்கப்பட்டு தற்போது ட்விட்டர் ட்ரெண்டிங்கில் முன்னேறி வருகிறது.சீக்ரெட்விருதுகளைக் குறிவைத்தே தொடர்ந்து படங்களை இயக்கிவரும் அந்த இயக்குநர் லேட்டஸ்டாக முடித்திருக்கும் கடல் மலைதாண்டிய படத்தை எப்படியாவது பார்த்துவிடமாட்டோமா என்று பணம் போட்ட தயாரிப்பாளரும் ஹீரோவும் தவியாய்த் தவித்துக்கொண்டிருக்கிறார்கள். ஆனால் படம் முடிந்து 6 மாதங்கள் ஆகியும் ஏனோ டைரக்டர் இதுவரை ஒரு காட்சியைக் கூட காட்டாமல் கண்ணாமூச்சி ஆடிவருகிறாராம். ஹே ராம்!