அஸ்வதிகுட்டியே நின்னை காணாதிருந்தால்... பெண்ணாசையால் ஏமாந்த பெரும்புள்ளிகள்...

‘அஸ்வதிகுட்டி. பெயரைக் கேட்டாலே கிளுகிளுப்பாக இருக்கிறதல்லவா... ஆனால், இப்போது இந்தப் பெயரைச் சொன்னால் கேரளாவே நடுநடுங்குகிறது. வளைவு நெளிவுகளால் கவர்ச்சி காட்டி செக்ஸியாகப் பேசி ரிட்டயர்டு ஆபீஸர் முதல் அரசியல் புள்ளிகள் வரை மொத்தத்தையும் உருவிவிட்டு அனுப்பியிருக்கிறாள் இந்த ஜெகஜால கில்லாடி! கேரள மாநிலம் திருவனந்தபுரத்தை அடுத்த பூவாரைச் சேர்ந்தவர் கிருஷ்ணன். 68 வயது ஓய்வுபெற்ற வங்கி ஊழியரான இவர், சமீபத்தில் பூவார் போலீஸில் ஒரு புகார் கொடுத்தார். அதில், ‘அஸ்வதிகுட்டி என்கிற இளம்பெண் என்னைத் திருமணம் செய்து கொள்வதாக ஆசை வார்த்தைக் கூறி நாற்பதாயிரம் ரூபாயை ஏமாற்றிவிட்டார்’என்று குறிப்பிட்டிருந்தார். போலீஸார் அவரை மேலும் கீழும் பார்த்தாலும்கூட புகாரில் இருந்த அஸ்வதியை தேடினர். தொடர்ந்து அஸ்வதி பற்றிய விவரங்களை அனைத்து காவல்நிலையங்களுக்கும் அனுப்பினர்.சில நாட்கள் கழித்து, கொல்லம் மாவட்டம் நூரநாடு பகுதியைச் சேர்ந்த 66 வயது சங்கரன் என்பவர் கொல்லம் போலீஸில் ஒரு புகார் கொடுத்தார். அதில், ‘நான் ஓய்வுபெற்ற வங்கி ஊழியர். என் மனைவி இறந்துவிட்டார். என் மகள் ஒரு மாற்றுத்திறனாளி. எங்கள் இருவரையும் கவனித்துக்கொள்வதற்காக ஒரு பெண்ணைத் தேடினேன். அப்போது நண்பர் மோகன் மூலமாக அஸ்வதிக்குட்டி அறிமுகமானார். வீட்டிற்கு வந்து சமைத்துக்கொடுத்து எங்களை நன்றாகவே கவனித்துக்கொண்டார்.அவரோட பேச்சும் பணிவிடையும் ஆறுதலாக இருந்ததால் எங்கள் குடும்பத்தில் ஒருத்தராகவே அவரை ஏற்றுக்கொண்டோம். ஒருநாள் திடீரென்று ‘எனக்கு ஒரு லட்சம் ரூபாய் கடன் இருக்கு... கொடுத்தீங்கன்னா, அதை அடைத்துவிட்டு வந்து உங்களைக் கல்யாணம் பண்ணிக்கிறேன்’என்று சொன்னார். அதனால் பணம் கொடுத்தேன். பிறகு அவர் திரும்பி வரவே இல்லை. எப்படியாவது அவரைக் கண்டுபிடித்து என்னுடன் சேர்த்து வையுங்கள்’ என்று குறிப்பிட்டிருந்தார்.ஏற்கெனவே திருவனந்தபுரத்தில் இதேபோல வழக்கு பதிவானதால், போலீஸார் சுதாரித்துக்கொண்டு விசாரிக்கத் துவங்கினர். இதையடுத்து சங்கரனின் நண்பர் மோகன் மூலமாக ஸ்கெட்ச் போட்ட போலீஸார், எர்ணாகுளம் அருகே அஸ்வதிகுட்டியை கைது செய்தனர்..அனு, அஸு, அஸ்வதிகுட்டி, அச்சு, அனும்மா என்று பல பெயர்களில் சோஷியல் மீடியா மூலம் வலைவிரித்து, பெருசுகளின் சபலத்தை பயன்படுத்திக்கொண்டு ஏமாற்றியிருக்கிறார் அஸ்வதிகுட்டி. தன்னிடம் ஏமாந்தவர்களின் பெயர்களை அவர் சொன்னபோது கொல்லம் போலீஸார் மிரண்டுவிட்டார்கள். மாஜி அமைச்சர் ஒருவரும் சில ஐ.ஜி. லெவல் அதிகாரிகளும் அதில் அடக்கம். அஸ்வதி போலிஸால் வளைக்கப்பட்ட விவகாரம் மீடியாவுக்கு வரும் முன்னதாகவே கேரள போலீஸ் வட்டாரத்தில் பரவியது. சில உயரதிகாரிகள் பதற்றத்துடன், கொல்லம் போலீஸாரை தொடர்புகொண்டு, ‘சின்ன கேஸை போட்டு அவளை விட்டுடுங்க. ரொம்ப நோண்ட வேண்டாம்’ என்று அழுத்தம் கொடுத்திருக்கிறார்கள். ஆனால், இந்த விவகாரம் மீடியாக்களில் பரவியதால், வேறுவழியின்றி அஸ்வதியுடன் தொடர்பு வைத்திருந்தவர்கள் அனைவரையும் விசாரணைக்கு அழைத்துவருகின்றனர், போலீஸார்.இதுபற்றி நம்மிடம் விவரித்தார் விசாரணை டீமில் இருந்த எஸ்.ஐ ரமேஷன்... “கொல்லம்தான் அஸ்வதியோட சொந்த ஊர். கண்டிப்பதற்கு ஆளில்லாத பொண்ணு. சீக்கிரம் பணக்காரி ஆகணும்கிற ஆசையில் தன்னோட அழகை இன்வெஸ்ட் பண்ணியிருக்கு. ஃபேஸ்புக்ல தன்னை விதவிதமா போட்டோஸ் எடுத்துப்போட்டு அமைச்சர்கள், எம்.எல்.ஏ-க்களுக்கு ஃப்ரெண்ட் ‘ரெக்வெஸ்ட்’கொடுத்திருக்கு. அப்படித்தான் தேவசம்போர்டின் மாஜி அமைச்சர் ஒருத்தரும் மத்திய கேரளாவின் மார்க்சிஸ்ட் எம்.எல்.ஏ. ஒருத்தரும் நட்பாகி இருக்காங்க. அவங்க இந்தம்மாவைப் பல முறை அழைச்சு ரகசிய சந்திப்பு நடத்தி, சில லட்சங்களை இறைச்சிருக்காங்க.அஸ்வதியோட பேச்சு, செயல்கள்ல மயங்கி ஒருகட்டத்துல, ‘கல்யாணம் பண்ணிக்கலாம்’னு ரெண்டு பேருமே தனித்தனியா அஸ்வதிகிட்ட அப்ரோச் பண்ணியிருக்காங்க. அதுக்கு சம்மதிக்காத அஸ்வதி, அவங்க தன் கூட ஆடியோ, வீடியோ கால்ல பேசினதை ரெக்கார்டு பண்ணி வெச்சிருந்ததைக் காட்டி மிரட்டி ஃபைனல் செட்டில்மென்டா மேலும் சில லட்சங்களை வாங்கிட்டு கிளம்பிடுச்சு.இது இல்லாம‘ஃப்ரீ ஹனி சர்வீஸ்’ என்கிற பெயர்ல செக்ஸ் சாட்டிங்ஸுக்கு அழைச்சு அது மூலமாவும் பணம் சம்பாதிச்சிருக்குது. ஃபேஸ் மாஸ்க்கை போட்டு முகத்தை மறைச்சுகிட்டு, எந்தளவுக்கு முடியுமோ, அந்தளவுக்கு உடலை காட்டி, செக்ஸியா பேசியிருக்குது. அதுல நிறைய ரிஸ்க் உருவானதால இன்ஸ்டாகிராம் மூலமா பெரிய ஆளுங்ககிட்ட நட்பை உருவாக்கி, செக்ஸில் விழவெச்சு சம்பாதிச்சிருக்குது. இதுல எங்க டிபார்ட்மென்ட் அதிகாரிங்க சிலரே விழுந்து, பணத்தையும் இழந்திருக்காங்க. இப்படிப் புதுசு புதுசா ரூட் போட்டு ஆண்களை ஏமாத்துன அஸ்வதி, கடைசியா ரிட்டயர்டு வங்கி அதிகாரிகளையும் மனைவியை இழந்த பெரும் புள்ளிகளையும் ‘விதவை மறுமணம், விவாகரத்தானோர் மறுமணம்’ங்கிற பேர்ல அணுகி பணத்தைப் பிடுங்கியிருக்குது.பணத்தை இழந்த வயசானவங்க கம்முன்னு விட்டுடுவாங்கன்னு அஸ்வதி நினைக்க, அவங்களோ ருசி கண்ட பூனைகளா, அஸ்வதியை மறக்க முடியாம எங்ககிட்ட புகார் கொடுத்து தேடிக் கண்டுபிடிச்சுத் தரச் சொன்னதுதான் காமெடியே” என்கிறார்.பல்லுப்போன பிறகும் பகோடா சாப்பிட ஆசைப்பட்டா இப்படித்தான்..! - எஸ்.ஷக்தி

அஸ்வதிகுட்டியே நின்னை காணாதிருந்தால்... பெண்ணாசையால் ஏமாந்த பெரும்புள்ளிகள்...

Related Stories