1 கோடி கொடுத்தார்... 1.5 கோடி எடுத்தார்...? - உதயநிதி பேரில் அடாவடி

நாமக்கல் _ கரூர் சாலையிலுள்ள வேலூர் சிறப்பு நிலை பேரூராட்சிக்கு சேர்மனாக இருப்பவர் தி.மு.க.வைச் சேர்ந்த லட்சுமி. இவர் பதவி வாங்குவதற்கு 1 கோடி ரூபாய் கொடுத்தார் என்றும், பேரூராட்சி நிதியில் இருந்து 1.5 கோடி சுருட்டிவிட்டார் என்றும் சட்டமன்றத்தில் கிடுகிடு. அடையாளத்தை மறைத்துப் பேசிய தி.மு.க. கவுன்சிலர்கள், முன்னாள் தி.மு.க. மாவட்டச் செயலாளர் கே.எஸ்.மூர்த்திக்கு நெருக்கமானவரும் கட்சி மாணவர் அணி பதவியில இருந்தவருமான பிரதாப், வேலூர் பேரூராட்சி கவுன்சிலர் வேட்பாளர்களுக்கான செலவை ஏத்துக்கிறேன், சேர்மன் பதவிய விட்டுத்தாங்க’னு சொன்னாரு. சொன்ன மாதிரியே 18 வார்டு தி.மு.க. வேட்பாளர்களுக்கும் தலா 10 லட்சம் வீதம் 1 கோடியோ 80 லட்சம் கொடுத்தாரு. வேலூர் சேர்மன் பதவி மகளிருக்கு ஒதுக்கியதால மனைவிய கவுன்சிலர் வேட்பாளரா நிறுத்தினாரு பிரதாப். அவரை எதிர்த்து சீட் கிடைக்காத அதிருப்தியில் சுரேஷ் என்பவர், தனது மனைவிய சுயேச்சையா நிறுத்தினாரு. பிரதாப் மனைவி தோத்துட்டாங்க.இவ்வளவு பணம் கொடுத்தும் தோத்துட்டேனே. 1 கோடி பணத்தைக் கொடுக்கிறவங்க சேர்மன் ஆயிடலாமுன்னு சுமுக டெண்டர் விட்டுட்டாரு பிரதாப். அப்ப லட்சுமி என்பவர் ஒரு கோடி பணத்தை பிரதாப்புக்கு கொடுத்திட்டு, கவுன்சிலர்களுக்கும் தலா 1 லட்சம் கொடுத்து சேர்மன் ஆயிட்டாங்க.பேரூராட்சி போர்டு அமைஞ்ச கொஞ்ச நாள்லயே 1.5 கோடி பணம் எடுக்க 35 தீர்மானத்த பாஸ் செஞ்சாங்க. இதை எதிர்த்து கேட்டதுக்கு, ‘நான் 1 கோடி ரூபாய் பிரதாப்புக்கு கொடுத்துத்தான் சேர்மன் ஆனேன். கவுன்சிலர்களுக்கு பணம் கொடுத்த வகையில 50 லட்சம் செலவு ஆயிடுச்சி. அத எடுக்கணுமுல்ல’னு சொன்னாங்க. இதுல டென்ஷனாகி தி.மு.க., பா.ம.க. கவுன்சிலர்கள் சேர்ந்து உள்ளிருப்புப் போராட்டம் நடத்தினாங்க. அமைச்சர் மதிவேந்தன், மாவட்டச் செயலாளர்களான ராஜேஷ்குமார், மதுரா செந்தில் ஆகியோரை வச்சி பைசல் செஞ்சும் கவுன்சிலர்கள அனுசரிச்சிப் போக மறுத்திட்டாங்க லட்சுமி.உதயநிதிக்கு நெருக்கமான கல்லூரி நண்பர் வேலூர்ல இருக்கார். அந்த குடும்பத்துக்கு சொந்தக்காரங்க லட்சுமி. அத வச்சிகிட்டு ‘உதயநிதிகிட்டயே நாங்க பேசிட்டோம். எங்கள ஒண்ணும் அசைக்க முடியாது’ன்னு ஓப்பன் ஸ்டேட்மென்ட் விடறாரு’’ என்று கொதித்தார்கள்.பரமத்தி வேலூர் தொகுதி அ.தி.மு.க. எம்.எல்.ஏ. சேகரிடம் பேசினோம். மக்கள் மன்றம் முடங்கிக் கிடக்கு. அதனாலே சட்டமன்றத்தில பேசினோம். அவங்க பணப் பஞ்சாயத்து பற்றி நான் சொல்ல விரும்பவில்லை’’ என்று நழுவினார்.இறுதியாக சேர்மன் லட்சுமியிடம் குற்றச்சாட்டுகளை சொல்லி கேட்டோம். உதயநிதி பேரை பயன்படுத்தல. அரசியலே எனக்குத் தெரியாது. முன்னாள் மாவட்டச் செயலாளர் மூலமா பிரதாப் செலவு செஞ்சதா சொல்லி 2 கோடி கேட்டாரு. அப்ப தெரியாம 1 கோடி கொடுத்தேன். இப்பவும் கமிஷன் கேட்டு 5 தி.மு.க. கவுன்சிலர்கள எனக்கு எதிரா தூண்டிவிட்டுட்டாரு பிரதாப். எல்லாம் கூட்டுச் சேர்ந்து என்னை டார்கெட் செய்யறாங்க. அமைச்சரே பேசியும் அடங்க மாட்டேங்கிறாங்க...’’ என்றார்.சர்ச்சை வளையத்தில் வரும் பிரதாப்பிடம் பேசினோம். காச இழந்ததால அந்தப் பக்கமே போறதில்ல. அந்தம்மாவ நேர்ல சொல்லச் சொல்லுங்க. எல்லாம் பொய் குற்றச்சாட்டு...’’ என்றார் ஒரே வரியில்.ஜனநாயகத்துக்கு வந்த சோதனை..!- கே.பழனிவேல்

1 கோடி கொடுத்தார்... 1.5 கோடி எடுத்தார்...? - உதயநிதி பேரில் அடாவடி

Related Stories