ஒரு குண்டு ரூ 50 ஆயிரம்தான்! வெடிகுண்டு கலாசாரத்தால் அதிரும் டெல்டா!

பா.ஜ.க. பிரமுகர்களிடம் இருந்து வெடிகுண்டு, துப்பாக்கி, பட்டாக்கத்தி உள்ளிட்ட ஆயுதங்கள் பறிமுதல் செய்யப்பட்ட அதிர்ச்சியே அடங்காத நிலையில், கூலிப்படை ரவுடி ஒருவர் வெடிகுண்டு தயாரித்து தனது கை விரல்களை இழந்த பகீர் சம்பவத்தால் அச்சத்தில் உறைந்துள்ளது டெல்டா!மயிலாடுதுறை மாவட்டம் பண்டாரவாடையைச் சேர்ந்தவர் தர்மலிங்கத்தின் மகன் கலைவாணன். இவர் போலீஸாரால் என்கவுன்டர் செய்யப்பட்ட ரவுடி மணல்மேடு சங்கரின் கூட்டாளிகளில் ஒருவர். 2007ம் வருடம் திருவாரூர் மாவட்ட தி.மு.க. செயலாளராக இருந்த பூண்டி கலைச்செல்வனை கொலை செய்த குற்றவாளிகளில் ஒருவரும் கூட. இவர் மீது ஐந்து கொலை வழக்குகள், 10க்கும் மேற்பட்ட கொலை முயற்சி மற்றும் கொள்ளை வழக்குகள் உள்ளன. இந்தநிலையில்தான் நாட்டு வெடிகுண்டு தயாரிக்கும் முயற்சியில் விபத்தில் சிக்கியிருக்கிறார் கலைவாணன்..இதுபற்றி நம்மிடம் பேசிய விசாரணை டீம் போலீஸார் சிலர், “மே 13-ம் தேதி தனது வீட்டின் கொல்லைப்புறத்தில் இரவு 8.30 மணியளவில் வெடிகுண்டு தயாரித்திருக்கிறார் கலைவாணன். அப்போது திடீரென்று வெடிகுண்டு வெடித்து, கலைவாணனின் இரண்டு கைகளின் விரல்களும் மணிக்கட்டு வரை துண்டாகிப் போக, ரத்தவெள்ளத்தில் கிடந்துள்ளார். அக்கம்பக்கத்தினர் கலைவாணனை மீட்டு மயிலாடுதுறை அரசு மருத்துவமனைக்கு அனுப்பி வைத்திருக்கின்றனர்.போலீஸாரிடம் கலைவாணனின் மனைவி, ’யாரோ வெடிகுண்டு வீசுனாங்க. அதை பிடிச்ச என் புருஷன் கை இப்படியாகிடுச்சு’ என்று நாடகமாடியிருக்கிறார். போலீஸார் கலைவாணனின் மனைவியை அழைத்துக்கொண்டு விபத்து நடந்த வீட்டிற்குச் சென்றனர். அங்கு வெடிக்காத இரண்டு வெடிகுண்டுகள் கிடக்க, அதுபற்றி துருவித் துருவி விசாரித்தபோதுதான் உண்மையை கக்கியிருக்கிறார். இதையடுத்து, அவரையும் வழக்கில் சேர்த்துள்ளோம். கலைவாணனை மேல் சிகிச்சைக்காக தஞ்சாவூர் அரசு மருத்துவமனைக்கு அனுப்பி வைத்துள்ளோம்” என்றனர் திகிலுடன்..இதையடுத்து, “யாரை தீர்த்துக்கட்ட கலைவாணன் வெடிகுண்டு தயாரித்தார்?” என்று அந்தப் பகுதியின் அரசியல் புள்ளி ஒருவரிடம் கேட்டோம்... “மயிலாடுதுறைப் பகுதியைச் சேர்ந்தமுக்கிய பிரமுகர் ஒருவரை கொலை செய்யதான் கலைவாணன் வெடிகுண்டு தயாரித்துள்ளார். ஏற்கெனவே இதே கலைவாணன், மாவீரன் வன்னியர் சங்க நிறுவனத் தலைவர் வி.ஜி.கே. மணியை வெடிகுண்டு வீசி கொலை செய்ய முயற்சி செய்துள்ளார். அதேபோல் திருவாரூர் மாவட்ட தி.மு.க. செயலாளர் பூண்டி கலைச்செல்வன் கொலை வழக்கிலும் இவர் சம்பந்தப்பட்டுள்ளார். மேற்கண்ட இரு வழக்குகளிலும் தீர்ப்புகள் விரைவில் வரவிருக்கின்றன. இந்த இரு வழக்கிலும் தனக்கு ஆயுள் தண்டனை கிடைக்கும் என எதிர்பார்த்த கலைவாணன், மயிலாடுதுறைப் பகுதியைச் சேர்ந்த முக்கிய பிரமுகரை கொலை செய்ய அதிக பணம் பேசியிருப்பதாக தகவல் கசிகிறது. பணத்தை வீட்டில் செட்டில் செய்துவிட்டால் சிறையில் நிம்மதியாக காலத்தைக் கழிக்கலாம் என்பதே அவரது திட்டம்” என்றார்..வி.ஜி.கே. மணி நம்மிடம், “நான்கு நாட்களுக்கு முன்பே என்னை வெளியே எங்கும் போகவேண்டாம் என போலீஸார் எச்சரித்தனர். அதனால் நான் பாதுகாப்பாக சென்று வருகிறேன். என் மீது கலைவாணன் வெடிகுண்டு வீசிய வழக்கில் இன்னும் பத்து நாட்களில் தீர்ப்பு வரவிருக்கிறது. மீண்டும் அதே மோட்டிவில்தான் அ.தி.மு.க. பிரமுகர் ஒருவரிடம் பெரியளவில் பணம் வாங்கிக்கொண்டு என்னை மீண்டும் கொலை செய்ய கலைவாணன் வெடிகுண்டு தயாரித்துள்ளான்” என்றார் கலக்கமாக!.ஓய்வுபெற்ற உயரதிகாரி ஒருவரோ, “பூண்டி கலைச்செல்வன், தஞ்சாவூர் சூரி ஆகியோர் கொலைகளை தலைமை ஏற்று நடத்தியது இவன்தான். 2006ம் வருடம் நாச்சியார்கோவிலில் வி.ஜி.கே.மணி, சிற்றரசு ஆகியோரை கொலை செய்ய வெடிகுண்டுகளுடன் மறைந்திருந்தபோது கைது செய்யப்பட்டான். மணல்மேடு சங்கரின் கூட்டாளி திருச்சிற்றம்பலம் கமலக்கண்ணனிடம்தான், இவன் வெடிகுண்டு தயாரிக்க பயிற்சி பெற்றான். சமீப காலமாக கொல்லுமாங்குடியைச் சேர்ந்த அ.தி.மு.க. பிரமுகர் மற்றும் மயிலாடுதுறையைச் சேர்ந்த அ.தி.மு.க. பிரமுகர் ஆகியோரை மிரட்டி பணம் பறித்து வந்தான். மயிலாடுதுறை ஃபைனான்சியர் கொலை வழக்கிலும் முக்கிய குற்றவாளி இவன்தான். வினை விதைத்தவன் வினை அறுப்பான் என்பதுபோல பலரை அழிக்க வெடிகுண்டு செய்தவன் இன்று அந்த வெடிகுண்டாலே பாதிக்கப்பட்டுள்ளான்” என்றார்..போலீஸ் தரப்பிலோ, “இது வி.ஜி.கே. மணிக்கு வைத்த குறியல்ல. கடந்த மாதம் ‘வளரும் தமிழகம்’ கட்சியைச் சேர்ந்த பூவனூர் ராஜ்குமார் கொலை வழக்கு தொடர்பாக திருவாரூர் குற்றவியல் நீதிமன்றத்தில் ஆஜராகிவிட்டு காரில் திரும்பிக்கொண்டிருந்தார். அப்போது திருவாரூர் அருகே ஏழு பேர் கொண்ட கும்பல் காரை வழிமறித்து ராஜ்குமாரை கொடூரமாக வெட்டிக் கொலை செய்தது. இதற்கு பழிவாங்கவே கலைவாணனிடம் ஒரு வெடிகுண்டுக்கு 50,000 ரூபாய் என மொத்தம் 5 குண்டுக்கு 2 லட்சத்து 50 ஆயிரம் ரூபாய் கொடுக்கப்பட்டிருக்கிறது. ஏற்கெனவே சீர்காழியில் அ.தி.மு.க. பிரமுகர் மணல் பாபுவை வெடிகுண்டு வீசி கொன்ற புதுத்துறை பார்த்திபன் உள்ளிட்ட அதே டீம்தான் இந்த அஸைன்மென்டை கையிலெடுத்திருக்கிறது. அந்த ஒட்டுமொத்த டீமையும் இன்னும் சில தினங்களில் போலீஸார் வளைத்துவிடுவார்கள்” என்றனர். பச்சைப் மண்ணில் பாஸ்பரஸ் எதற்கு?- ஆர்.விவேக் ஆனந்தன்

ஒரு குண்டு ரூ 50 ஆயிரம்தான்! வெடிகுண்டு கலாசாரத்தால் அதிரும் டெல்டா!

Related Stories