25.உளவுக்கு 1000 கண்கள்

‘சதாமின் இலக்கு எண்ணெய்க் கிணறுகள் மீது பதிந்திருக்கிறது’ என்று வந்த தகவலையடுத்து சவுதி நடுங்கிக்கொண்டிருக்க, ஒசாமா பின்லேடனிடமிருந்து சவுதி ஆட்சியாளர்களுக்கு ஒரு செய்தி வந்தது. ‘சவுதியைக் காப்பாற்ற, அமெரிக்காவிடம் பயிற்சிபெற்ற படைகள் என்னிடம் இருக்கின்றன. அனுமதித்தால் உடனே களம் இறங்கத் தயார்!’ என்றது அந்தத் தகவல். ஆனால், சவுதி அரசகுடும்பம் அதனை ஏற்கவில்லை. அதேசமயம், சதாம் மீதான அச்சமும் மேலோங்கியது. காரணம், சதாம் தன் இஷ்டப்படி எதுவும் செய்யக்கூடியவர். எத்தகைய கொடும் செயலிலும் இறங்கத் தயங்காதவர் அமெரிக்க ஆதரவுடன் ஈரானுடன் பத்து வருடங்களாகப் போர் புரிந்ததில் ஏகப்பட்ட உயிர்ச் சேதம். ஆனாலும் எந்த முடிவும் எட்டப்படவில்லை. எந்த இடத்தில் இருந்து போர் தொடங்கினார்களோ அதே இடத்தில்தான் போரை முடிவுக்கு கொண்டு வந்திருந்தார்கள். பொருள், மனித உயிர்கள், மக்கள் நலன், எல்லாம் நாசம். ஏராளமானோர் உடலுறுப்புகளை இழந்தனர். இரு நாடுகளும் சகலவிதத்திலும் சுமார், ஐம்பது ஆண்டுகள் பின் நோக்கிச் சென்றன. அதைக் கண்கூடாகக் கண்டதால்தால், சவூதி ஆட்சியாளர்கள் ஒசாமா பின் லேடனை நம்பி நாட்டை ஒப்படைக்க அஞ்சினர். அதேசமயம் போராபத்துக் காலங்களில் அமெரிக்காவைத்தான் நம்ப வேண்டியிருக்கிறது. அவர்களிடம்தான் வலிமையான படைவீரர்கள், போர்த் தளவாடங்கள், துல்லியமாக தாக்க கூடிய ஏவுகணைகள் என எல்லாமும் இருக்கின்றன. அதோடு, அவர்களை ஆதரிக்க வலிமையான நாடுகள் பலவும் தயாராக இருக்கின்றன. இவற்றையெல்லாம் யோசித்து, அமெரிக்காவுடன் உடன்பாடு செய்தது சவுதி அரேபியா. இஸ்லாமியர்கள் புனிதமாகக் கருதும் இரு இடங்களில், அமெரிக்க ராணுவ வீரர்கள் வந்து இறங்கினார்கள். அவர்களில் பெண்களும் இருந்தார்கள். அவர்களின் நோக்கம் ஈரானைப் பாதுகாப்பதுதான். ஆனாலும் அமெரிக்க ராணுவ வீரர்கள் அங்கே வந்து இறங்கியதில்,ஈராக்கியர்க்கு வருத்தமே ஏற்பட்டது. இஸ்லாமியர்கள் அல்லாதோர் வரத் தடை செய்யப்பட்ட பகுதி அது. அங்கே அமெரிக்கர்களை எப்படி அனுமதிக்கலாம்? நம்மிடம் இல்லாத போர்க்கருவிகளா? படைவீரர்களா? அப்புறம் எதற்காக அவர்களை அழைத்திருக்கிறார்கள்? என்றெல்லாம் இஸ்லாமியர்களுக்குக் கேள்விகள் எழுந்தாலும், மிகக் குறுகிய காலத்தில் அமெரிக்கர்கள், குவைத்தை மீட்டார்கள். என்றாலும், இஸ்லாமியர்கள் அமெரிக்கப்படையினர் அங்கே வந்ததைக் கடுமையாக எதிர்த்தார்கள். அது சவுதி அரசர்களுக்கு கடுமையான அதிர்ச்சியை ஏற்படுத்தியது. ஷரிய சட்டப்படிதானே ஆட்சிசெய்கிறோம். அப்படி இருந்தும் இவர்கள் இப்படி எதிர்ப்பது ஏன் என்று யோசித்தார்கள். அதே சமயத்தில் ஈராக்கிற்கு அமெரிக்கப் படையினர் வந்ததால் இன்னொருவனும் கடும் எரிச்சல் அடைந்திருந்தான். அவன், பின் லேடன்! டெல்லியில் உள்ள அமெரிக்க தலைமைத் தூதரகத்தில் உள்ள அமெரிக்க தூதர், சென்னையில் உள்ள அமெரிக்க துணைத் தலைமைத் தூதரகத்திற்கு வந்திருக்கும் செய்தி மெதுவாகக் கசியத் தொடங்கியது. தொடர்ந்து, அமெரிக்க நாடாளுமன்றக் குழு ஒன்று சென்னைக்கு வர இருக்கிறது. இங்கு உள்ள கலை கலாசாரம் முதலிய விஷயங்களை தெரிந்து கொள்ளவே அவர்கள் வருகிறார்கள். எந்தெந்த இடங்களைப் பார்க்கலாம் என்று, நேரில் பார்த்து தெரிவு செய்யவே தூதரே வந்திருக்கிறார் என்று ஒரு செய்தியை அவர்களே பரவச் செய்தார்கள். அதோடு, ’சென்னைக்கு வந்த தலைமைத் தூதருக்கு உடல்நிலை சரியில்லை, அதனாலேயே யாரையும் சந்திக்கவில்லை. மருத்துவப் பரிசோதனை செய்ததில் சாதாரணக் காய்ச்சல்தான் என்று தெரியவந்தது’ என்றும் சொன்னார்கள். சென்னை அமெரிக்க துணைத்துதரக அதிகாரிகள் கொஞ்சம் பரபரப்பாக இருந்தார்கள். காரணம், ஃபாசிலின் மருத்துவப் பரிசோதனை அறிக்கை வந்திருந்தது. எல்லாவற்றையும் முழுமையாகப் பார்த்தார்கள். நல்லவேளை, அவன் உடல்நலத்தில் பெரிய பாதிப்பு ஏதும் இல்லை. ரத்த அழுத்தம் மட்டும் சிறிது கூடுதலாகக் காண்பித்தது. ரத்தச் சர்க்கரை சீராக இருந்தது. உடலில் எல்லா உறுப்புகளும் நல்ல விதமாக வேலை செய்கின்றன. டி.என்.ஏ. அறிக்கையும் வந்துவிட்டது. எல்லாவற்றையும் பார்த்துவிட்டு, ஃபாசிலின் மருத்துவ அறிக்கையை உடனடியாக அமெரிக்காவுக்கு அனுப்பி வைத்தார்கள்.. பெக்கெட்டுக்கு முன்புபோல் எல்லோரிடமும் சகஜமாகப் பேசவே தயக்கமாக இருந்தது. சிரியர்களின் பங்கு அல் கொய்தாவில் இருக்குமோ என்ற அச்சம் அமெரிக்கா முழுக்கப் பரவியது. இஸ்லாயமிய அடிப்படைவாதிகளை சிரியா ஆதரிப்பதாலேயே இத்தகைய சர்ச்சைகள் எழுந்தன. இவன் முதல் முதலாக ஒரு நாட்டில் பணியில் சேர்கிறான். அந்த நாட்டிற்கும் அமெரிக்காவில் நிகழ்ந்த விமானத் தற்கொலைத் தாக்குதலுக்கும் தொடர்பு என்ற செய்தி, அவனை வருத்தத்தில் ஆழ்த்தியது. இது எங்கு போய் முடியப் போகிறதோ என்று கவலைப்பட்டான். தூதர் தன்னாலான எல்லா முயற்சியையும் எடுத்துப் பார்த்தார் ஆட்சியாளர்களிடம் தனிப்பட்ட முறையிலிலும் தூதர் என்ற முறையிலும் பேசிப் பார்த்தார். மத அடிப்படைவாதிகள் ஒரு புறம்; இஸ்லாமிய அமைப்புகள், இஸ்லாமிய நாடுகள், எளிய மக்கள் ஒரு புறம்; ஆட்சியாளர்கள் ஒரு புறம்; அரசுக்கு ஆதரவான தொழிலதிபர்கள், நெருக்கமான அரசு ஊழியர்கள், எதிர் தரப்பு கட்சிகள் இப்படி எல்லாவற்றையும் அரவணைத்துச் செல்வது ஆட்சியாளர்களுக்கு மிகவும் கடினமாக இருந்தது. மார்ச் மாதம் முதல் அரசுக்கு எதிராக மக்கள் கிளர்ச்சி செய்தார்கள். ஒரு கட்டத்தில் வன்முறை வெடித்தது. அரசியலில் ஸ்திரத் தன்மை இல்லாமல் போனது. அரசு கூட்டத்தைக் கட்டுப் படுத்த டாங்க்கைப் பயன்படுத்தியது. வன்முறையில் ஏராளமான உயிர்கள் பலியாயின. யாரையும் பகைத்துக் கொள்ள முடியவில்லை, அதே சமயம் அவர்களின் கருத்தோடு இயைந்து போகவும் முடியவில்லை. ஆட்சியாளர்களின் பாடு திண்டாட்டம் என்றால், மக்களின் நிலைமையோ அதற்கு மேல் திண்டாட்டம். பெக்கெட் தீவிரவாதிகளின் ஆதரவாளர்களை சிலரை சந்திக்கும்படி நேர்ந்தது. அவர்களிடம் பேசிப் பார்த்தான். ‘ உலகம் எங்கும் இஸ்லாமியர்கள் துன்பப்படுகிறார்கள்’ என்று ஒவ்வொன்றாகச் சொன்னார்கள்... அதை எல்லாம் வெகு விரைவில் சரி செய்து விடலாம் என்று திடமாக நம்பினார்கள். தன்னால் முடிந்த அளவிற்கு அல்ல அதற்கும் மேலேயும் தன் அளவில் சரி செய்ய முற்பட்டான், பெக்கெட். அரசியல்வாதிகள், மதவாதிகள், சாமானிய மக்கள், எல்லோருக்கும் வெவ்வேறு நிலைப்பாடுகள். வேலைக்குச் சேர்ந்த புதிது. சாதித்துவிட முடியும் என்ற நம்பிக்கையோடு செயல்பட்டான். அதேசமயம், ஒரு சிலர் எடுக்கும் முடிவுக்கு ஒரு நாடே தவிக்கப்போகிறது என்று வருத்தப்பட்டான்..அமெரிக்காவிற்கு உலகெங்கும் பல நாடுகளிலுள்ள அவர்களின் தூதர்கள் தீவிரவாதிகளைப் பற்றிய செய்திகளை அனுப்பிக்கொண்டிருந்தார்கள். பெக்கெட், ஒசாமா பின் லேடனைப் பற்றி பல இடங்களில் இருந்து தகவல்களைத் திரட்டி அமெரிக்காவிற்கு அனுப்பி வைத்தான். தங்களுக்கு வரும் அத்தனை தகவல்களையும் பல குழுக்கள் சரி பார்த்துக் கொண்டிருந்தார்கள். சில நாட்களில் கழித்து அங்கிருந்து பெக்கெட்டுக்கு சில தகவலை அனுப்பி வைத்தார்கள். அவற்றில் எவை எல்லாம் சரி; எவையெல்லாம் பிழை என்று நன்கு விசாரித்து சரிபார்த்து விரைவில் அனுப்பச் சொன்னார்கள். ஒசாமா பின் லேடனின் தந்தை முகமது பின் அவார்டு, சவுதி அரேபியா. தாயார் ஹமீதா, சிரியா. முகமது 11வது மனைவியாக ஹமீதாவை திருமணம் செய்து 1956ஆம் ஆண்டு சவுதி அரேபியாவிற்கு அழைத்துச் சென்றார். அவர்களுக்குப் பிறந்த ஒரே மகன், ஒசாமா பின்லேடன். அவன் பிறந்த பின் அவர்களுக்கு விவாகரத்து ஆனது. அதன் பின் ஒசாமாவின் தாயார், அரேபிய இனக் குழுவைச் சேர்ந்த முகமத் அல் அட்டஸ் என்பவரை மறுமணம் புரிந்துகொண்டு, மூன்று மகன்கள் ஒரு மகளை ஈன்றெடுத்தார். ஒசாமா, தன் உடன் பிறவா தங்கை தம்பிகளை வளர்ப்பதில் கவனம் செலுத்தினார். 1941ஆம் ஆண்டு பிறந்த பாலஸ்னிய அப்துல்லாஹ் யூசுஃ அஸ்ஸம் (Abdallah Yusuf Azzam) படித்தவர். படிக்கும் காலத்திலேயே ஆசிரியர்களால் கூர்மதி உடையவர் என்று பாராட்டப் பெற்றவர். 1966ஆம் ஆண்டு டமாஸ்கஸ் பல்கலைக்கழகத்தில் இளங்கலை வகுப்பில் தேர்ச்சி பெற்றார். அவருடைய பேச்சாற்றல், போர்த் திறமை அனைவரையும் வெகுவாகக் கவர்ந்தது. யாசர் அரபாத்தின் பாலஸ்தீன விடுதலை இயக்கத்தை சோவியத் யூனியன் ஆதரிப்பதால், இவருக்கு அதில் உடன்பாடு இல்லை. கருத்து மாறுபாடு வருகிறது. பிறகு ஜோர்டான், எகிப்து சென்று முனைவர் பட்டம் பெற்றார். சவுதி அரேபிய பல்கலைக்கழகத்தில் சேர்ந்து பாடம் எடுத்தார். அங்குதான் ஒசாமா பின்லேடன் அவரை சந்தித்தார். (பார்வை விரியும்) - நந்தன் மாசிலாமணி