17. உளவுக்கு 1000 கண்கள்

அமெரிக்காவில் உள்ள நிதி ஆலோசனை நிறுவனங்கள், டிரில்லியன் டாலர்களில் புரள்கின்றன. 15 ஆயிரத்துக்கும் மேற்பட்டவர்கள் இந்த நிறுவனங்களில் பணிபுரிகிறார்கள். ஒவ்வொரு நாட்டிலும் வளரும் தொழில்கள் எவை, நலிவடையும் தொழில்கள் எவை, சூழலியலால் அங்கே ஏற்படக்கூடிய பொருளாதார ஏற்றத்தாழ்வு என்று ஒவ்வோர் அணுவையும் ஆராய்வார்கள். அது குறித்த புள்ளிவிவரங்களை தயார் செய்வார்கள்.உலகில் உள்ள பல்வேறு நாடுகளின் அரசர்கள், அரசாங்கங்கள், விளையாட்டு வீரர்கள், நடிகர், நடிகையர், அரசியல்வாதிகள், தொழில் நிறுவனங்கள், டிரஸ்ட், தனிப்பட்ட உயர் செல்வந்தர்கள் என்று பெரும் செல்வந்தர்களின் பணத்தை மேலும் மேலும் பெருக்கித் தருவதுதான் அவர்களின் பணி.பொதுவாக இவர்கள் ஆஸ்திரேலியா, ஜப்பான், லண்டன், ஃபிராங்பேர்ட் மற்றும் சில ஐரோப்பிய நாடுகள், இந்தியா உள்ளிட்ட ஆசிய நாடுகள், அமெரிக்கா போன்ற வளர்ந்த, பிரேசில் போன்ற வளரும் நாடுகள் அனைத்திலும் முதலீடு செய்கிறார்கள். சீனாவிலும் பெருமளவில் முதலீடு செய்கிறார்கள். இதன் மூலம் தங்களின் வாடிக்கையாளர்களின் பணத்தை ட்ரில்லியன் கணக்கில் பெருக்கித் தருகிறார்கள்.தங்கம், அமெரிக்க பாண்ட், நிலம், மெட்டல், பங்குச் சந்தை, ஸ்டர்டு அப்ஸ் என்று இவர்கள் முதலீடு செய்யாத பொருளோ, நாடோ இல்லை எனலாம். தங்களிடம் பணம் போட்டவர்கள் மக்கள்பணிபுரிபவர்களா, சொந்தப்பணி செய்பவர்களா, பூர்வீக சொத்தில் உல்லாசமாக ஊர் சுற்றி வாழ்பவர்களா என்றெல்லாம் இவர்கள் பார்ப்பதில்லை. அவர்கள் யாராக, எந்த நாட்டைச் சேர்ந்தவராக இருந்தாலும், அவர்களின் முதலீட்டைப் பன்மடங்கு பெருக்கித் தருவதற்காக, இந்த நிறுவனங்களின் ஊழியர்கள் உலகம் முழுக்கப் பணியாற்றுகிறார்கள்உலகமெங்கும் தங்கம், பங்குகள், தாதுப்பொருட்கள் என ஏதோ ஒன்றை வாங்கியோ, விற்றோ செய்துகொண்டிருப்பார்கள். இவர்கள் அகராதியில் நஷ்டம் என்ற வார்த்தையே இருக்காது. அவ்வளவு துல்லியமாகச் செயல்படுவார்கள். எந்த வழியில் எங்கே இருந்து என்று கணிக்கவே இயலாத அளவுக்கு எல்லா வகைகளிலும் இவர்களுக்குத் தொடர்ந்து பணம் வந்துகொண்டே இருக்கும். அதனால் இவர்கள் மதிப்பைக் கணக்கிடவே முடியாது.உலகெங்கும் தொடர்பு உள்ளவர்கள் என்பதோடு, நடக்கும் அத்தனை விஷயங்களையும் கண் இமைக்காமல் கவனித்துக்கொண்டிருப்பார்கள். உளவுத் துறை போல ஒவ்வொன்றையும் ஊன்றி கவனித்தார்கள்.அன்றைய தினம் காலை நேரம், அந்த நிதி ஆலோசனை நிறுவனத்தின் நிர்வாக இயக்குநர்கள் அவசரமாகக் கூடினார்கள். அதற்குக் காரணம், முக்கியமான சில தகவல்கள் அவர்களுக்கு வந்திருந்தன. ‘அமெரிக்க அதிபர் மாளிகையில் திடீரென அமைச்சரவை கூடியுள்ளது. பாதுகாப்பு, நிதி, வெளியுறவு அமைச்சர்கள் மிக முக்கியமான விவாதத்தில் ஈடுபட்டிருக்கிறார்கள். இந்தியாவில் உள்ள அமெரிக்கத் தூதரகத்தில் ஏதோ பிரச்னை ஏற்பட்டுள்ளது. ’ - இந்தத் தகவல்களை அடுத்தே நிதி ஆலோசனை நிறுவன இயக்குநர்கள் கூட்டமாகக் கூடியிருந்தார்கள்.. எங்கே இருந்து இந்தத் தகவல்கள் வந்தன? " பேச்சைத் தொடங்கினார் ஒருவர்." நான்கு இடங்களில் இருந்து. வெள்ளை மாளிகை, தினசரி, காட்சி ஊடகம், மற்றும் நம் சோர்ஸில் இருந்து! "" ஓ மை காட்! " கோரஸாக குரல்கள் எழுந்தன."சீனா, ஜப்பான், இங்கிலாந்து, பிரான்ஸ், ஜெர்மனி நாட்டு நிதி நிறுவனங்கள் இன்று எந்தப் பங்குச் சந்தையிலும் முதலீடு செய்யவில்லை. மாறாக தங்கத்திலும் அமெரிக்க பாண்ட் பத்திரத்திலும் மட்டுமே முதலீடு செய்துள்ளார்கள்.""இது எப்படி நிகழ்ந்தது? அவர்களுக்கு ஏதேனும் தகவல் தெரிந்து அப்படிச் செய்தார்களா? அல்லது வெறும் தற்செயலாகவா? இதை உறுதிபடுத்த முடியுமா?" "இன்னும் இரண்டு மணி நேரத்தில் தகவல் வந்து விடும்." “இன்னும் சீக்கிரம் முடியுமா? என்று பாருங்கள்!”இரும்பு, எண்ணெய், தங்கம், மென்பொருள், வங்கி, இன்சூரன்ஸ், வாகனம், கட்டுமானம், போன்ற முக்கியமான இருபத்து நான்கு தொழில் மற்றும் சேவைத் துறைகள் ஒவ்வொன்றிற்கும் ஓர் உயரதிகாரி இருப்பார். தலைமை இயக்குநர் அவர்களைப் பார்த்தார்."இன்று நாம் எந்த நிலைப்பாட்டை எடுப்பது? நாம் முதலீடு செய்துள்ள ஒவ்வொரு நாட்டின் பங்குச் சந்தையிலும் இரண்டு முதல் இருபது சதவீதம் வரை இறங்கினால் நமக்கு எவ்வளவு இழப்பு ஏற்படும்? என்று ஒவ்வொரு உயர் அதிகாரியும் கணக்குப் போட்டுச் சொல்லுங்கள்! " என்றார்."சரி சார்! ""ஒரு வேளை, எந்த மாற்றமும் ஏற்படாவிட்டால் எவ்வளவு லாபம் கிடைக்கும், புள்ளிகள் ஏறினால் எவ்வளவு லாபம் நமக்கு கிடைக்கும் என எல்லாவற்றையும் கணக்குப் போட்டு விரைவாகச் சொல்லுங்கள் " சொன்னார்."ஓகே சா!ர் "" இந்தச் சிக்கலினால் சில நிறுவனங்கள் பாதிப்பு அடையக் கூடும். உலகம் முழுக்க அப்படி எந்தெந்த நிறுவனங்கள் பாதிக்கப்படலாம் என்று கண்டறியுங்கள். அந்தப் பங்குகளை ஷார்ட் அடிக்க வேண்டும். குறைந்தது பத்து பில்லியன் டாலராவது லாபம் வரும்படி பார்க்க வேண்டும்!"" நிச்சயம் சார்… இன்னும் இரண்டு மணி நேரத்தில் கணக்கிட்டுத் தருகிறோம்! " உயரதிகாரி ஒருவர் சொல்ல, சட்டென்று டேபிளில் ஓங்கிக் குத்தினார், தலைமை இயக்குநர்." என்னது இரண்டு மணி நேரமா? அதற்குள் எத்தனை மாற்றங்கள் நிகழ்ந்துவிடும் தெரியுமா? இன்னும் அரை மணி நேரத்தில் எனக்கு அந்தப் பட்டியலைத் தந்தாக வேண்டும். எவ்வளவுபேரைவேண்டுமானாலும் இந்தப் பணியில் கூடுதலாக ஈடுபடுத்துங்கள். ""ச...சரி சார் " “ஓகே புறப்படுங்கள்... ஸ்டார்ட் குயிக். அடுத்த அரை மணி நேரத்தில் போர்டு மீட்டிங் ஏற்பாடு செய்யுங்கள். மற்ற நாடுகளில் இருக்கும் நம் டைரக்டர்களை விஷயம் சொல்லாமல் அவசர மீட்டிங் என்று கூப்பிடுங்கள்! " தலைமை இயக்குநர் சொல்ல, ‘’எஸ் ஸார்!” என்று விட்டுக் கலைந்த மறு நொடி, அலுவலகம் முழுக்க பரபரப்பு பற்றிக்கொண்டது. ரஷ்ய உளவு நிறுவனம் ஒரு காலத்தில் கே.ஜி.எஃப். இப்போது ஃபாரின் இன்டெலிஜென்ஸ் சர்வீஸ். இவர்களது முக்கியப் பணி உளவு பார்ப்பது. ரஷ்யாவுக்குப் பாதுகாப்பு வழங்குவது. பிற நாடுகளின் ராணுவம், போர்த் திறன், பொருளாதாரம், அறிவியல் மற்றும் தொழில்நுட்ப வளர்ச்சிகள் என அனைத்தையும் பற்றிய ரகசியங்களைக் கண்டறிதல். வெளிநாடு செல்லும், வாழும் ரஷ்யர்களின் பாதுகாப்பை உறுதிப்படுத்துதல். நட்பு நாடுகளுடன் இணைந்து பாதுகாப்பில் ஈடுபடுதல். குறிப்பாக, மின்னணு கண்காணிப்பில் ஈடுபடுதல்.யானை படுத்தாலும் குதிரை மட்டம் என்பதுபோல இன்றும் காரம் குறையாமல் இருக்கிறார்கள். அவர்களும் ஏராளமான பணம் செலவழிக்கிறார்கள். எந்த நாட்டில், எந்த இடத்தில் எவ்வளவு பேர் பணிபுரிகிறார்கள் என்ற தகவல் யாருக்கும் தெரியாது. பதிவேட்டில் பலரது பெயர் இருக்கும். ஆனால், எந்தவிதப் பதிவிலும் இல்லாமல் எக்கச்சமானவர்கள் பணிபுரிகிறார்கள். அவர்களில் ஒருவருக்கேகூட மற்றவரைத் தெரியாமலும் இருப்பார்கள். அவர்கள் எல்லோருக்குமே சம்பளம் போகும். ஆனால், நேரடியாக அல்ல. மறைமுகமாக. சரியாகச் சொன்னால், உளவு துறைக்கு உள்ளேயே ஓர் உளவுத்துறை. ஹிட்லரின் வீழ்ச்சிக்கு அன்றைய சோவியத் ரஷ்யாவின் உளவுத் துறையின் பங்கு மகத்தானது. அவர்கள் மட்டும் இல்லையென்றால் ஹிட்லரை அவ்வளவு எளிதாக வீழ்த்தி இருக்க முடியாது.அதன் ஏஜென்சி, எக்ஸிகியூட்டிவ் தலைமையில் மீட்டிங் நடை பெற்றுக் கொண்டிருந்தது. முக்கியமான மீட்டிங் என்றால் மட்டுமே அவர் கலந்துக்கொள்வார். அது ஆண்டுக்கு ஒன்றிரண்டு முறை தான் இருக்கும்.ரஷ்யாவில் இவர் மட்டும்தான், அதிபரை எப்போது வேண்டுமானாலும் முன் அனுமதி இன்றிச் சந்திக்க முடியும். தினமும் காலையில் சந்தித்து அன்றைய நடப்புகளைச் சொல்லுவார். அவரிடம் உள்ள கூடுதல் சிறப்பு, அதிபருக்கு அவர் ஆலோசனையும் வழங்குவார். மற்ற உளவு நிறுவனங்களில் இல்லாத ஓர் அதிகாரம் இது.அன்றையதினம் காலையில் வழக்கம்போல் அதிபரை சந்தித்தார், எக்ஸிகியூட்டிவ். “அமெரிக்காவின் வெள்ளைமாளிகையில் ஏதோ ரகசிய மீட்டிங் நடந்துகொண்டிருக்கிறது!” அவர் சொன்ன மறுகணம், ரஷ்ய அதிபரின் முகத்தில் ஒரு மாறுதல் தோன்றியது. (பார்வை விரியும்) - நந்தன் மாசிலாமணி