எம்பூட்டு புள்ளைக்கு ஃபீஸ் கட்ட வக்கில்லை! பா.ஜ.க எம்.எல்.ஏ மீது பகீர் புகார்...

புதுச்சேரியில் ஆள்மாறாட்ட புகழ் ஆல் இன் ஆல் அழகுராஜா கல்யாணசுந்தரத்தை மறக்க முடியுமா… அன்றைக்கு காங்கிரஸ் ஆட்சியில் கல்வி அமைச்சராக இருந்த கல்யாணசுந்தரம், பத்தாம் வகுப்புத் தேர்வில் ஆள்மாறாட்டம் செய்து பதவியை இழந்தவர், இன்றைக்கு பா.ஜ.க எம்.எல்.ஏ-வாக பெண் புகாரில் சிக்கியிருக்கிறார்! கல்யாணசுந்தரம் மீது புதுச்சேரி காவல் நிலையத்தில் புகார் கொடுத்துள்ள பெண் வேறு யாருமில்லை. அவரின் முதல் மனைவி எல்லம்மாள்தான். “என்னதான்மா நடந்தது?” என்று எல்லம்மாளிடம் கேட்டதுதான் தாமதம், அம்மணி பொங்கி அழுதுவிட்டார்... “கல்யாணசுந்தரத்தை 2004-ம் வருஷத்துலேர்ந்து தெரியும். சென்னை ராமாபுரத்துல இருக்கற என் தோழியோட பக்கத்து வீட்டுக்கு அடிக்கடி வருவார். அப்பதான் எங்களுக்கு காதல் ஏற்பட்டுச்சு. 2008, மார்ச் 17-ம் தேதி, வடபழனி கோயில்ல எங்க கல்யாணம் சிம்பிளா நடந்துச்சு. அதுக்கு அப்புறம் புதுச்சேரி கோரிமேட்டுல வசிச்சோம். முதல் குழந்தை பிறந்தது வரைக்கும் அன்பாத்தான் இருந்தார். ரெண்டாவதா நான் கர்ப்பம் ஆன பின்னாடி சொல்லாம கொள்ளாம திடீர்னு ரெண்டாவது கல்யாணம் செஞ்சிக்கிட்டார்.அன்னையில இருந்து ஒரே பிரச்னைதான். ஒரு கட்டத்துல, ‘நீ வீட்டைவிட்டு ஓடிடு’னு மிரட்ட ஆரம்பிச்சிட்டார். ஒருகட்டத்துல இவரோட டார்ச்சர் தாங்க முடியாம நான் எங்கம்மா வீட்டுக்கு குழந்தைகளோட வந்துட்டேன். அப்புறம்கூட அவர் அடிக்கடி சென்னைக்கு வந்து குழந்தைகளை பார்த்துட்டு போவார். செலவுக்கும் பணம் கொடுப்பார். நடுவுல என்ன நடந்துச்சோ தெரியலை... பல மாசமா அவர் எங்களைப் பார்க்க வரவே இல்லை.கடந்த ஆறு மாசமா குடும்பச் செலவுக்கு, பிள்ளைகளோட படிப்புச் செலவுக்குன்னு ஒத்த ரூபா இல்லாம கஷ்டப்படுறேன். பையன் ஒன்பதாவது படிக்குறான். பொண்ணு ஏழாவது படிக்குறா. மனுஷன் ஸ்கூல் ஃபீஸ்கூட கட்ட மாட்டேங்கிறார். எம்புள்ளைங்களுக்கு ஸ்கூல் ஃபீஸ் கூட கட்ட வக்கில்லாத வரு, பா.ஜ.க எம்.எல்.ஏ-வா இருந்து என்ன பிரயோஜனம்? இப்ப சாப்பாட்டுக்கே வழியில்லாம் தவிக்குறேன். எனக்கு நீதி கிடைக்கணும்!” என்றார் மூக்கை சிந்தியபடி. .இதுகுறித்து கல்யாணசுந்தரத்திடம் கேட்டோம்... “அதெல்லாம் பழைய கதை. நாங்க பிரிஞ்சிட்டோம். என்கிட்ட பணம் கேட்டு மிரட்டுறாங்க. கடந்த 15 வருஷமா அவங்க குடும்பச் செலவுக்கு பேங்குல பணம்போட்டுட்டு வர்றேன். அங்க என் குழந்தைங்க மைனர்களாக இருக்காங்க. அவங்க மேஜரான பின்னாடி அவங்களுக்குரியதை செஞ்சிக் கொடுப்பேன். மத்தபடி இந்த புகாரை சட்டப்படி சந்திச்சிக்கிறேன்...” என்றார்.கல்யாணசுந்தரம் ஆள்மாறாட்ட புகாரில் அமைச்சர் பதவியை இழந்தவுடன் 2011-ல் என்.ஆர்.காங்கிரஸில் போட்டியிட்டு எம்.எல்.ஏ-வானார். பின்னர் ரங்கசாமியுடன் ஏற்பட்ட மோதலால் பா.ஜ.க.வில் இணைந்து எம்.எல்.ஏ.வாகிவிட்டார். எப்போதும் பரபரப்பு அரசியலிலேயே இருப்பவர், தற்போது முதல் மனைவியால் மீண்டும் பேசப்படுவராகிவிட்டார்!

எம்பூட்டு புள்ளைக்கு ஃபீஸ் கட்ட வக்கில்லை! பா.ஜ.க எம்.எல்.ஏ மீது பகீர் புகார்...

Related Stories