தடையை மீறி இலங்கை துறைமுகத்துக்கு நுழைந்த சீன உளவு கப்பல்!

தடையை மீறி இலங்கை துறைமுகத்துக்கு நுழைந்த சீன உளவு கப்பல்!

தடையை மீறி சீனாவின் 'யுவான் வாங் 5' கப்பல் இலங்கையின் ஹம்பன்தொட்டா துறைமுகத்தை வந்தடைந்ததாக தகவல்கள் தெரிவிக்கின்றன.

சீனா தனது 'யுவான் வாங் 5' என்ற ஆராய்ச்சி கப்பலை இலங்கையின் ஹம்பன்தொட்டா துறைமுகத்தில் 6 நாட்கள் நிறுத்தி செயற்கைக்கோள் தொடர்பான ஆய்வு மேற்கொள்ள இருப்பதாக அறிவித்தது. இதற்கு இலங்கை அரசும் ஒப்புதல் அளித்தது.

இதற்கிடையில் சீனா ஆராய்ச்சி கப்பல் என்று கூறுவது உண்மையில் ஒரு உளவு கப்பல் என்றும் அது இலங்கையில் நிறுத்தப்படுவது இந்தியாவுக்கு அச்சுறுத்தலை ஏற்படுத்தும் என்றும் இலங்கை அரசிடம் இந்தியா நேரடியாக கவலையை வெளிப்படுத்தியது.

அதை தொடர்ந்து 'யுவான் வாங்- 5 ' கப்பலின் பயணத்தை ரத்து செய்யும்படி சீனாவிடம் இலங்கை அரசு தெரிவித்தது. இந்த முடிவை மறுபரிசீலனை செய்ய இலங்கையை சீனா வலியுறுத்தியது. ஆனால் இலங்கை அதை ஏற்கவில்லை. இந்த நிலையில் தடையை மீறி சீனாவின் 'யுவான் வாங் 5' கப்பல் இலங்கையின் ஹம்பன்தொட்டா துறைமுகத்தை நோக்கி புறப்பட்டது.

இந்திய நேரப்படி இன்று காலை 9.30 மணிக்கு அந்த கப்பல் ஹம்பன்தொட்டா வந்து சேர்ந்ததாக தகவல் வெளியாகி உள்ளன.

சீனா வெளியுறத்துறை வெளியிட்டுள்ள அறிக்கையில்; இலங்கை என்பது இறையாண்மை கொண்ட நாடு . அந்த நாட்டின் வெளியுறவுக் கொள்கையில் இந்தியா தேவையில்லாமல் தலையிடுவது முறையல்ல. 

இலங்கை சீனா உறவில் மூன்றாம் தரப்பு தலையிடுவது தேவையற்ற ஒன்று. மேலும், அணி சேராக் கொள்கையின் படி இலங்கை தங்கள் விருப்பத்திற்கு ஏற்ப எந்த நாட்டுடனும் உறவு வைத்திருக்கலாம். எனவே, உளவு கப்பல் விவகாரத்தில் இந்திய தேவையில்லாமல் தலையிட வேண்டாம் என எச்சரித்துள்ளது.

Find Us Hereஇங்கே தேடவும்