1960-ல் அமெரிக்கா-கியூபா இடையேயான தூதரக உறவு முறிந்தது. மேலும், கியூபா மீது கடுமையான பொருளாதார தடைகளை விதித்து பயங்கரவாதத்திற்கு ஆதரவளிக்கும் நாடாக அறிவித்தது. அமெரிக்க ஜனாதிபதி ஒபாமாவின் ஆட்சிக்காலத்தில் பயங்கரவாதிகளுக்கு ஆதரவு அளிக்கும் நாடுகளின் பட்டியலில் இருந்து கியூபா நீக்கப்பட்டது. ஆனால் தற்போதைய ஜனாதிபதி ட்ரம்ப் மீண்டும் கியூபாவை பயங்கரவாதத்துக்கு ஆதரவளிக்கும் நாடாக அறிவித்துள்ளார். இது தொடர்பான அறிவிப்பை அமெரிக்க வெளியுறவு மந்திரி பாம்பியோ நேற்று வெளியிட்டார்.