மோதல் உலக அழிவிற்கு வழிவகுக்கும் : அமெரிக்காவுக்கு சீனா கடும் எச்சரிக்கை

அமெரிக்காவின் ஹூஸ்டனில் உள்ள சீன தூதரகத்தை 72 மணி நேரங்களுக்குள் மூடுமாறு அமெரிக்கா உத்தரவிட்டுள்ளது. அதற்கு சீன தூதர் இந்த மோதல் உலக அழிவிற்கு வழிவகுக்கும் என்று எச்சரிக்கை விடுத்துள்ளார்.

அமெரிக்காவின் ஹூஸ்டனில் உள்ள சீன தூதரகத்தை 72 மணி நேரங்களுக்குள் மூடுமாறு அமெரிக்கா உத்தரவிட்டுள்ள நிலையில், தாங்கள் தவறு செய்திருந்தால் அதற்கான ஆதாரங்களை வழங்குமாறு சீன தூதர் கெய் வீ அமெரிக்காவிடம் கேட்டுக் கொண்டுள்ளார்.

உலகின் இரு பெரும் நாடுகளான அமெரிக்காவும் சீனாவும் மோதிக்கொள்வது இந்த இரு நாடுகளுக்கு மட்டுமின்றி உலகிற்கே அழிவை உண்டாக்கும் என்றும் கெய் வீ கூறியுள்ளார்.