விண்ணில் பாய்ந்தது ஆதித்யா எல்-1 விண்கலம்!

இந்தியா சார்பில் முதன் முதலாக சூரியனை ஆய்வு செய்ய இஸ்ரோவால் வடிவமைக்கப்பட்டது தான் ஆதித்யா எல்-1 விண்கலம். இந்த விண்கலம் சூரியனின் உள்ள காந்தபுயலை ஆய்வு செய்வதற்காக வடிவமைக்கப்பட்டுள்ளது. இந்தியாவால் சூரியனுக்கு அனுப்பப்படும் முதல் விண்கலம் என்ற பெருமையையும் ஆதித்யா எல்-1 விண்கலம் பெறும்.

அதையடுத்து இந்த விண்கலத்தில் பெங்களூருவில் உள்ள ஐஐஎம் கல்வி நிறுவனத்தால் வடிவமைக்கப்பட்ட 7 ஆய்வு கருவிகள் பொறுத்தப்பட்டுள்ளன. பூமியில் இருந்து சுமார் 15 லட்சம் கி.மீ. தொலைவில் "லெக்ராஞ்சியன் பாயிண்ட் ஒன்" என்கிற இடத்தில் இந்த விண்கலம் நிலை நிறுத்தப்பட்டுள்ளது அதிலும் குறிப்பாக சூரியனை நோக்கிய கோணத்தில் நிறுத்தப்பட்டுள்ளது.

இந்நிலையில் ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தில் இருந்து பிஎஸ்எல்வி சி-57 ராக்கெட் மூலம் சரியாக இன்று காலை 11.50 மணிக்கு விண்ணில் செலுத்தப்பட்டது ஆதித்யா எல்-1 விண்கலம். 1,485 கிலோ எடை கொண்ட ஆதித்யா எல்-1 விண்கலம் 125 நாட்கள் பயணித்து எல்-1 பகுதியை அடையும்.

அதை தொடர்ந்து 7 முக்கிய கருவிகளில் 4 கருவிகள் சூரியனை நேரடியாக ஆய்வு செய்கின்றன என்பது குறிப்பிடத்தக்கது.