கோவை, தேனி உள்பட 7 மாவட்டங்களில் இன்று கனமழைக்கு வாய்ப்பு!

தமிழகத்தில் வெப்பசலனம், வளிமண்டல மேலடுக்கு சுழற்சி காரணமாக கடந்த ஒரு வார காலமாக ஓரிரு இடங்களில் கனமழை பெய்து வருகிறது. ஒரு சில இடங்களில் மிதமான மழையும் பெய்து வருகிறது. 

அந்த வகையில் தமிழகத்தில் இன்றும் (திங்கட்கிழமை) மழைக்கு வாய்ப்பு இருப்பதாக வானிலை ஆய்வு மையம் தெரிவித்து இருக்கிறது. அதன்படி, காற்றின் திசைவேக மாறுபாடு மற்றும் வெப்பசலனம் காரணமாக தமிழகத்தில் இன்று கோவை, நீலகிரி, சேலம், தர்மபுரி, கள்ளக்குறிச்சி, விழுப்புரம், தேனி ஆகிய 7 மாவட்டங்களில் ஓரிரு இடங்களில் கனமழை பெய்யும். 

ஏனைய மாவட்டங்கள் மற்றும் புதுச்சேரியில் ஒரு சில இடங்களில் லேசானது முதல் மிதமான மழையும் பெய்யக்கூடும் என அறிவிக்கப்பட்டுள்ளது. இதேபோல், நாளையும் (செவ்வாய்க்கிழமை), நாளை மறுதினமும் (புதன்கிழமை) அறிவிக்கப்பட்டுள்ளது.

அதன் படி, மேற்கு தொடர்ச்சி மலையை ஒட்டிய மாவட்டங்களான கோவை, நீலகிரி, திண்டுக்கல், தேனியில் ஓரிரு இடங்களில் கனமழையும், இதர மாவட்டங்களில் ஒரு சில இடங்களில் மிதமான மழையும் பெய்ய வாய்ப்பு இருப்பதாக ஆய்வு மைய அதிகாரிகள் கூறினர்.