சென்னை அணி கேப்டனாக தொடர்வாரா தோனி? காசி விஸ்வநாதன் ஓபன் டாக்

2008ம் ஆண்டு ஐ.பி.எல். கிரிக்கெட் போட்டி தொடங்கப்பட்டது. அப்போதில் இருந்து சென்னை சூப்பர் கிங்ஸ் அணியின் கேப்டனாக தோனி தான் இருந்து வருகிறார்.

2008ம் ஆண்டு ஐ.பி.எல். கிரிக்கெட் போட்டி தொடங்கப்பட்டது. அப்போதில் இருந்து சென்னை சூப்பர் கிங்ஸ் அணியின் கேப்டனாக தோனி தான் இருந்து வருகிறார். 

சென்னை அணியின் கேப்டனாக செயலாற்றி வரும் தோனி கடந்த ஆண்டைத் தவிர மற்ற சீசன்களில் அணியை பிளே-ஆப் சுற்றுக்கு அழைத்து சென்றுள்ளார். அதுமட்டுமல்லாமல் இதுவரை 3 முறை ஐ.பி.எல். கோப்பைகளை வென்றும் கொடுத்துள்ளார்.

இதற்கிடையில் கடந்த ஆண்டு சர்வதேச போட்டிகளில் இருந்து ஓய்வுபெற்றுவதாக அறிவித்து, தற்போது ஐபிஎல் போட்டிகளில் சென்னை அணிக்காக விளையாடி வருகிறார். கேப்டனாக சிறப்பாக செயல்ப்பட்டாலும் தோனி, பேட்டிங்கில் திணறி வருகிறார். 

இந்தாண்டு ஐ.பி.எல். தொடரில் சென்னை அணி பேட்டிங், பந்துவீச்சு, பீல்டிங்கில் என அனைத்திலும் சிறப்பாக செயல்பட்டாலும் தோனியின் அதிரடி ஆட்டத்தை காணமுடியவில்லை. எனவே, அவர் இந்தாண்டு ஐபிஎல்-லில் இருந்து ஓய்வை அறிவிப்பார் என செய்திகள் பரவின.

இந்நிலையில், சென்னை சூப்பர் கிங்ஸ் அணியின் தலைமை நிர்வாக அதிகாரி காசி விஸ்வநாதன், சென்னை அணிக்காக தோனி இன்னும் இரண்டு ஆண்டுகள் விளையாடுவார் என தெரிவித்துள்ளார்.

இதுதொடர்பாக அவர் கூறுகையில், சென்னை சூப்பர் கிங்ஸ் அணிக்காக தோனி இன்னும் ஒன்று அல்லது இரண்டு ஆண்டுகள் விளையாடலாம் என்று தெரிவித்த அவர் தோனி தற்போதும் முழு உடற்தகுதியுடன் உள்ளார் என்றும் கடும் பயிற்சிகளை செய்து வருகிறார் என்றும் தெரிவித்தார். இப்படி இருக்க எதற்காக தோனி ஐபிஎல்லில் இருந்து ஓய்வு பெறவேண்டும்? என்று கூறினார். 

மேலும் பேசுகையில், தோனி ஒரு நல்ல வழிகாட்டி என்றும்,மிகவும் அனுபவம் வாய்ந்த ஒரு தலைவன் என்றும் கூறினார். அத்துடன் தங்களைப் பொறுத்தவரை தோனி இன்னும் சிறப்பாகவே செயல்பட்டு வருவதாகவும் அணிக்காக சிறந்த விஷயங்களைச் செய்து கொடுப்பார். என்றும் தெரிவித்தார்.

அத்துடன் போட்டிகளை வெற்றிகரமாக முடித்துத் தருவதில் சிறந்தவரான தோனி இன்றும் அதையே செய்து வருவதாகவும் நம்பிக்கை தெரிவித்தார்