ரிலையன்ஸ் ஜியோ நிறுவனம் இதுவரை இல்லாத அளவுக்கு 50 நகரங்களில் தனது ட்ரூ 5 ஜி சேவைகளை வெளியிட்டு உள்ளது. இதன் மூலம் தற்போது நாடு முழுவதும் 184 நகரங்களில் ஜியோ 5 ஜி சேவைகள் வழங்கப்பட்டுள்ளன. 

இந்த நகரங்களில் வசிக்கும் ஜியோ வாடிக்கையாளர்கள் ஜியோ வெல்கம் சலுகையின் கீழ் 5 ஜி சேவைகளை தங்களின் சாதனங்களில் பயன்படுத்த அழைக்கப்படுவர். ஜியோ ட்ரூ 5 ஜி 1Gbps வேகத்தில் அன்லிமிடெட் டேட்டாவை எவ்வித கூடுதல் கட்டணமும் இன்றி பயன்படுத்தலாம். 

இதுதொடர்பாக ஜியோ நிறுவனம் வெளியிட்டுள்ள  "17 மாநிலங்கள், யூனியன் பிரதேசங்களை சேர்ந்த 50 கூடுதல் நகரங்களில் ஜியோ ட்ரூ 5 ஜி சேவைகளை வெளியிடுவதில் நெகிழ்ச்சி அடைகிறோம். 

இந்தியா மட்டுமின்றி உலகிலேயே 5 ஜி சேவை வெளியீட்டில் இது மிகப்பெரியது ஆகும். ட்ரூ 5 ஜி வெளியீட்டை வேகப்படுத்தி இருக்கிறோம். 

2023 புத்தாண்டில் ஜியோ ட்ரூ 5 ஜி சேவைகளின் பலன்களை ஒவ்வொரு ஜியோ பயனரும் அனுபவிக்க வேண்டும். " என தெரிவிக்கப்பட்டுள்ளது.