திட்டமிட்டபடி வேலை நிறுத்தம் நடைபெறும் என வங்கி பணியாளர்கள்  சம்மேளனம் அறிவித்துள்து. 

ஊதிய உயர்வு குறித்த பேச்சுவார்த்தையை தொடங்க வேண்டும்,  ஓய்வூதியத்தை மாற்றி அமைக்க வேண்டும், தேசிய ஓய்வூதிய திட்டத்தை ரத்து செய்ய வேண்டும்,  வாரத்தில் 5 நாட்கள் வேலை உள்ளிட்ட கோரிக்கைகளை வலியுறுத்தி ஜனவரி 30 மற்றும் 31ஆம் தேதிகளில் வேலை நிறுத்தத்திற்கு வங்கி பணியாளர்கள்  சம்மேளனம் அழைப்பு விடுத்துள்ளது. 

இந்நிலையில், மும்பையில் துணை தலைமை தொழிலாளர் ஆணையாளர் முன்னிலையில் நேற்று சமரச பேச்சுவார்த்தை நடைபெற்றது. ஆனால், எந்த உறுதியான முடிவும் எட்டப்படவில்லை. 

இதனைத்தொடர்ந்து  இந்திய வங்கி பணியாளர்கள் சம்மேளன பொதுச்செயலாளர் சிஎச்.வெங்கடாசலம் செய்தியாளர்களிடம் பேசினார். 

அப்போது, "பேச்சுவார்த்தையில் எங்கள் கோரிக்கைகளுக்கு எந்த உத்தரவாதமும் அளிக்கப்படவில்லை. வங்கி சங்கங்களின் ஐக்கிய கூட்டமைப்புடன் 15 நாட்களுக்குள் பேச்சுவார்த்தை நடத்துவதாக இந்திய வங்கிகள் நிர்வாகம் தெரிவித்துள்ளது. 

எனவே, எந்த உத்தரவாதமும் அளிக்கப்படாததால், திட்டமிட்டபடி ஜனவரி 30 மற்றும் 31ஆம் தேதிகளில் வேலைநிறுத்தம் நடைபெறும்" என தெரிவித்தார்.