அறிகுறி ஏற்படுவதற்கு முன் குடும்பங்களுக்குள் பரவும் கொரோனா

னஉலகம் முழுவதும் அச்சுறுத்தும் கொரோனா வைரஸ் தொற்று குறித்து அமெரிக்க விஞ்ஞானிகள் ஆராய்ச்சி நடத்தியுள்ளனர். 

இந்த ஆராய்ச்சியில், சீனாவின் குவாங்சோவில் கொரோனா வைரஸ் தொற்று பாதிப்புக்குள்ளான 349 நோயாளிகள், அவர்களுடன் தொடர்பில் இருந்த 1,964 பேர் பற்றிய தரவுகளை பயன்படுத்தியுள்ளனர். விஞ்ஞானிகள் முதன்முதலாக ஆராய்ச்சி செய்து அதுபற்றிய தங்கள் முடிவை ‘தி லேன்செட் தொற்று நோய்கள்’ பத்திரிகையில் வெளியிட்டுள்ளனர். இந்த ஆய்வில், ஒருவருக்கு கொரோனா தொற்று பாதித்து இருக்கிறது என்பதை அவர் உணர்வதற்கு முன்பாகவே, அவர் தன்னோடு ஒன்றாக வாழ்கிறவர்களுக்கும், குடும்ப உறுப்பினர்களுக்கும் பரப்பி விடுகிறார்கள் என தெரியவந்துள்ளது.

சார்ஸ், மெர்ஸ் வைரஸ் தொற்றுகளைப்போல அல்லாமல், இந்த கொரோனாவை பரப்புகிற சார்ஸ் கோவ்-2 வைரஸ், வீடுகளில் எளிதாக பரப்பி விடுகிறது எனவும் ஆராய்ச்சியாளர்கள் தெரிவித்துள்ளனர். 

அமெரிக்காவின் புளோரிடா பல்கலைக்கழகத்தைச் சேர்ந்தவர்கள் உள்ளிட்ட ஆராய்ச்சியாளர்கள், கொரோனா வைரஸ் தொற்று நோயை ஏற்படுத்துகிற சார்ஸ் கோவ்-2 வைரஸ் குடும்பங்களில் உள்ள 60 வயது அல்லது அதற்கு மேற்பட்டவர்களுக்கு அதிகளவில் பாதிப்புக்கு ஆளாகிறார்கள் என்றும் கூறியுள்ளனர்.