கேரட்டில், பொட்டாசியம், வைட்டமின் ஏ, கே, பி 6 போன்ற ஊட்டச்சத்துக்கள் நிறைந்தது.  தினமும் கேரட் சாப்பிடுவதன் மூலம், ஆற்றலை பெறலாம்.  மேலும் பாக்டீரியாவுக்கு எதிராக போராடும்.ஜூசாக சாப்பிடுவதைவிட அப்படியே லேசாக வேகவைத்து கடித்து சாப்பிடுவது நல்லது.

1. பார்வை மேம்படும்:

கேரட்டில் பீட்டா கரோட்டின் அதிகம் உள்ளது.  இது வைட்டமின் ஏ ஆக மாற்றப்பட்டு, கண்புரை வராமல் காக்கிறது.

2. புற்றுநோயைத் தடுக்கும்:

கேரட் நுரையீரல் புற்றுநோய், மார்பக புற்றுநோய் மற்றும் பெருங்குடல் புற்றுநோய் அபாயத்தைக் குறைக்கிறது என்று ஆய்வுகள் தெரிவிக்கின்றன. கேரட்டால் உற்பத்தி செய்யப்படும் ஃபால்கரினோல் இயற்கை பூச்சிக்கொல்லி, இது பூஞ்சை நோயிலிருந்து பாதுகாக்கிறது.

3. மூப்பைத் தடுத்து இளமையை காக்கும்:

கேரட்டில் உள்ள பீட்டாகரோட்டின் வளர்சிதை மாற்றத்தினால் உடலில் ஏற்படும் உயிரணு சேதத்தை தடுத்து ஆக்ஸிஜனேற்றியாக செயல்படுகிறது. இதனால் இளமை தோற்றம் தக்க வைக்கும்.

4. சருமத்தை காக்கும்:

முகத்தில் சுருக்கம், முகப்பரு, வறண்ட சருமத்தை தடுத்து, சருமத்துக்கு நல்ல கலரை தருகிறது.  நோய் எதிர்ப்பு சக்தியை அதிகரிக்கிறது

5.  தொற்றுநோயைத் தவிர்க்கும்:

உடலில் நோய் தொற்று வராமல் தடுக்கும் என்று மூலிகை மருத்துவர்களால் அறியப்படுகிறது.

6. நோய் எதிர்ப்பு சக்தியை அதிகரிக்கும்:

கேரட்டில் வைட்டமின் சி மற்றும் பலவிதமான ஊட்டச்சத்துக்கள் மற்றும் ஆக்ஸிஜனேற்றங்கள் உள்ளதால், உடலில் நோய் எதிர்ப்பு சக்தியை அதிகரிக்க உதவும்.

7. இதய நோய்களைத் தடுக்க உதவுகிறது:

கேரட்டில் பீட்டா கரோட்டின் மட்டுமல்லாமல் ஆல்பா கரோட்டின் மற்றும் லுடீன் ஆகியவை உள்ளன. இது இதய நோய் அபாயத்தை குறைக்கும் என்றும் ஆய்வுகள் காட்டுகின்றன.

8. உடலை சுத்தப்படுத்துகிறது:

கேரட்டில் உள்ள வைட்டமின் ஏ உடலில் இருந்து நச்சுகளை வெளியேற்றி கல்லீரலை காக்கிறது.  இதில் உள்ள நார்ச்சத்து பெருங்குடலை சுத்தம் செய்வதற்கும் கழிவு இயக்கத்தை விரைவுபடுத்துவதற்கும் உதவுகிறது.

9. பற்களைப் பாதுகாக்கிறது:

கேரட்டில் இருக்கும் தாதுக்கள் பல் சேதத்தைத் தடுக்கின்றன. வாய், பற்களையும், சாப்பிட்ட உணவுத் துகள்களைத் துடைக்க உதவும் கேரட்.

10. பக்கவாதத்தைத் தடுக்கிறது:

வாரத்திற்கு ஐந்து அல்லது அதற்கு மேற்பட்ட கேரட் சாப்பிடுபவர்கள் பக்கவாதத்தால் பாதிக்கப்படுவது குறைவு.