’லியோ’வில் இணையும் ‘விக்ரம்’ பட நடிகர்..!

லோகேஷ் கனகராஜ் இயக்கத்தில் விஜய் நடிக்கும் ‘லியோ’ படத்தின் படப்பிடிப்பு பரபரப்பாக நடந்து வருகிறது. இந்தப் படத்தில் மிஷ்கின், கௌதம் வாசுதேவ் மேனன், திரிஷா, சஞ்சய் தட் ஆகியோர் முக்கிய கதாபாத்திரத்தில் நடிக்கின்றனர். இந்நிலையில், தற்போது இந்தப் படத்தில் நடிக்கவுள்ள மற்றொரு நடிகர் குறித்த தகவல் ஒன்று வெளியாகியுள்ளது. எற்கனவே லோகேஷ் கனகராஜ் இயக்கத்தில் வெளியான ‘விக்ரம்’ படத்தில் முக்கிய வேடத்தில் நடித்த ஜாஃபர் சாதிக், ‘லியோ’வில் நடிக்கவிருப்பதாகத் தகவல் வெளியாகியுள்ளது. இதன் மூலம் ‘லியோ’ படம் லோகேஷ் சினிமாடிக் யுனிவெர்ஸ் எனும் ‘LCU'வுக்குள் நிச்சயம் இடம்பெறுமெனத் தெரிகிறது.

ஜாஃபர் சாதிக் விக்னேஷ் சிவன் இயக்கத்தில் ‘பாவக்கதைகள்’ எனும் ஆண்டாலஜி சீரிஸில், ‘லவ் பண்ணா உட்ரனும்’ என்கிற படத்தின் மூலம் அறிமுகமானார். அதற்கு பிறகு, ’வெந்து தணிந்தது காடு’, ‘விக்ரம்’ ஆகிய படங்களில் முக்கிய கதாபாத்திரத்தில் நடித்தார். மேலும், ரஜினிகாந்த் நடிப்பில் உருவாகும் ‘ஜெயிலர்’ படத்திலும் நடித்து வருகிறார். விஜய்யின் திரைவாழ்விலேயே மிக பிரம்மாண்ட திரைப்படமாக உருவாகும் இந்த லியோ படத்திற்கு மனோஜ் பரமஹம்சா ஒளிப்பதிவு செய்கிறார். அன்பறிவு சகோதரர்கள் சண்டைக் காட்சிகளை அமைக்கின்றனர்.