வெற்றிமாறன் இல்லாமல் தொடங்கிய ‘விடுதலை 2’

வெற்றிமாறன் இயக்கத்தில், சூரி, விஜய் சேதுபதி நடிப்பில் வெளியான படம் ‘விடுதலை 1’. இத்திரைப்படம் வெளியாகி ரசிகர்கள் மத்தியிலும் விமர்சகர்கள் மத்தியிலும் பலத்த வரவேற்பை பெற்றது. இத்திரைப்படத்தின் இரண்டாம் பாகத்தை இந்த ஆண்டு இறுதியில் வெளியிட படக்குழு திட்டமிட்டுள்ளதாக கூறப்படுகிறது.

இரண்டாம் பாகத்தில் பெருவாரியான படப்பிடிப்பு பணிகள் ஏற்கனவே நிறைவடைந்துவிட்டது. இப்படியிருக்க தன்னுடைய அடுத்த படமான ‘வாடிவாசல்’ திரைப்படத்தின் கிராஃபிக்ஸ் பணிகளை தொடங்கியுள்ளார் வெற்றிமாறன். இதற்காக அவர் லண்டனில் இருக்கும் சமயத்தில், ‘விடுதலை 2’ படத்தின் படப்பிடிப்பு அவர் இல்லாமல் திண்டுக்கல்லில் தொடங்கியுள்ளதாக சினிமா வட்டாரங்கள் தெரிவிக்கின்றன. விரைவில் ‘விடுதலை 2’ படப்பிடிப்பில் இயக்குநர் வெற்றிமாறன் இணைவார் என்று எதிர்பார்க்கப்படுகிறது.