மே இறுதியில் தொடங்கும் ‘விடாமுயற்சி’ படப்பிடிப்பு

‘துணிவு’ திரைப்படத்திற்கு பின் அஜித் நடிக்கவிருக்கும் அடுத்த திரைப்படம் ‘விடாமுயற்சி’. மகிழ் திருமேனி இயக்கத்தில் உருவாகவிருக்கும் இத்திரைப்படம் நடிகர் அஜித்தின் பிறந்தநாளான மே 1ஆம் தேதி அறிவிக்கப்பட்டது.

இத்திரைப்படத்தின் படப்பிடிப்பு இம்மாத இறுதியில் தொடங்கும் என்று சினிமா வட்டாரங்கள் தெரிவிக்கின்றன. மேலும் இத்திரைப்படத்தின் முதல் கட்ட படப்பிடிப்பு தொடர்ந்து 70 நாட்கள் நடக்கவுள்ளதாகவும், இத்திரைப்படத்தை அடுத்த ஆண்டு வெளியிட படக்குழு திட்டமிட்டுள்ளதாகவும் கூறப்படுகிறது.