கௌரவ் நாராயணன் இயக்கத்தில் த்ரிஷா!?

நடிகை த்ரிஷா, கடைசியாக மணிரத்னம் இயக்கத்தில் பிரம்மாண்டமாக வெளியான ‘பொன்னியின் செல்வன் -2’ திரைப்படத்தில் நடித்திருந்தார். அடுத்ததாக விஜய்யின் ‘லியோ’ படத்தில் நடித்து வருகிறார். இந்நிலையில், தற்போது அவரது அடுத்த படமான ‘த்ரிஷா 68’ குறித்த தகவல் ஒன்று வெளியாகியுள்ளது.

‘சிகரம் தொடு’, ‘தூங்கா நகரம்’, ‘இப்படை வெல்லும்’ போன்ற படங்களை இயக்கிய கௌரவ் நாராயணன் இந்தப் படத்தை இயக்குகிறார். மேலும், இந்தப் படம் முழுக்க த்ரிஷா முதன்மை கதாபாத்திரமாக நடிக்கிறாராம். அவரது கதாபாத்திரமும் அவருக்கு மிகவும் சவாலான கதாபாத்திரமாகவே இருக்குமென கோலிவுட் வட்டாரங்களில் பரவலாகப் பேசப்பட்டு வருகிறது.