இறுதி கட்டப் படப்பிடிப்பில் சதீஷின் ‘வித்தைக்காரன்’ !

இயக்குநர் வெங்கி இயக்கத்தில் சதீஷ் நடிக்கும் ‘வித்தைக்காரன்’ படம் இறுதிகட்டப் படப்பிடிப்பில் உள்ளதாக அப்படக்குழுவினர் தெரிவித்துள்ளனர். இதையடுத்து, அடுத்தகட்ட படப்பிடிப்பிற்காக கோயம்புத்தூர் செல்கின்றனர். இந்தப் படத்தில் சதீஷுடன் இணைந்து சிம்ரன் குப்தா, ஆனந்தராஜ், மதுசூதனன், சுப்ரமணிய சிவா, ஜான் விஜய் ஆகியோர் முக்கிய கதாபாத்திரத்தில் நடிக்கின்றனர்.

இந்தப் படம் ஒரு பிளாக் காமெடி திரைப்படமாக உருவாகி வருவதாக சதீஷ் ஏற்கனவே தெரிவித்திருந்ததும் குறிப்பிடத்தக்கது. சதீஷ் ஹீரோவாக நடித்த ‘நாய் சேகர்’ போன்ற படங்கள் சரியாக ஷெல்ஃப் எடுக்காமல் இருப்பதால் இந்தப் படத்தின் மூலம் ஒரு பெரிய கம்பேக்கிற்காக சதீஷ் காத்திருப்பதாக கோலிவுட் வட்டாரங்களில் பேசப்படுகிறது.