லோகேஷ் கனகராஜ் இயக்கத்தில் விஜய், சஞ்சய் தட், திரிஷா, பிரியா ஆனந்த், மிஷ்கின், கௌதம் வாசுதேவ் மேனன் ஆகியோர் நடிக்கும் திரைப்படம் ‘லியோ’.
லோகேஷ் கனகராஜ் இயக்கத்தில் விஜய், சஞ்சய் தட், திரிஷா, பிரியா ஆனந்த், மிஷ்கின், கௌதம் வாசுதேவ் மேனன் ஆகியோர் நடிக்கும் திரைப்படம் ‘லியோ’. இந்தப் படத்தின் படப்பிடிப்பு தற்போது காஷ்மீரில் பரபரப்பாக நடந்து வருகிறது. இந்தப் படத்தின் அடுத்த கட்ட படப்பிடிப்பு சென்னையில் நடைபெறவுள்ளது. இந்தப் படத்திற்கு ரசிகர்களிடம் எதிர்பார்ப்பு மிகவும் அதிகரித்துள்ளது. இந்தப் படம் லோகேஷ் கனகராஜின் ‘LCU'வில் சேரப்போகிறதா..?, இந்தப் படத்தின் டீசர், ட்ரெய்லர், என பல அப்டேட்களுக்காக ரசிகர்கள் காத்திருக்கின்றனர்.
இந்நிலையில், தற்போது இந்தப் படத்தைப் பற்றிய ஒரு சுவாரஸ்ய தகவல் ஒன்று கசிந்துள்ளது. இந்தப் படத்தில் விஜய்சேதுபதி குரல் மட்டும் கொடுக்கவிருப்பதாக பெரும்வாரியாகப் பேசப்படுகிறது. இந்தப் படம் ‘LCU'வில் இடம்பெற நிறைய வாய்ப்புகள் இருப்பதால் இதில் விஜய்சேதுபதி நடிக்க வாய்ப்பில்லை. எனவே இதில் அவர் குரல் மட்டும் கொடுக்கவிருப்பதாகப் பேசப்படுகிறது. ஆனால் அது படத்தில் எப்படி இடம்பெறப்போகிறது என்பது படம் வெளியானால் தான் தெரியும்.
